InfoHub Logo

Ár kún, sát, múmkindik, saǵat, mınýt - bul taýsylmas aınalyp turatyn tarıh. Tarıhta nebir oqıǵalar oryn alyp, izin qaldyrýda; biri jaman bolsa, ekinshisi kóńilge jaǵar jaǵymdy zattar bolmaq. Al osy tarıhı oqıǵanyń ortasynda júrip taıǵa tańba basqandaı iz qaldyrý, esimińdi ǵasyrlar boıy eske alatyndaı is isteý - árkimniń qolynan kele bermeıtin dúnıe. Bul kimderdiń qoldarynan keldi dersiz be? Endishe, alystan arbalamaı, jaqynnan dorbalaıyq. Búginde elimizdiń tarıh betinde qalǵandary jeterlik, alaıda eline qyzmet etken, halqyna janashyr bolǵan tarıhı tulǵalarymyz el ishinde áli kúnge deıin "bir tóbe" bop qala bermek. Olardyń aldarynda turǵandary: Abaı, Shákárim, Álıhan , Ahmet, Sáken, İlıas, Beıimbet, Maǵjan, Mirjaqyp, Júsipbek syndy alyptarymyz ekenin bárimizde bilemiz. Nelikten bulardyń tarıhta orny erekshe deseńizder, bulardyń qazaq halqyna qyzmet etip qana qoımaı, óshpes mura, teńizdeı tereń iz qaldyrdy. Árqaısynyń ereń eńbegi halyqtyń júreginde. Qazirgi sátte osy arystarymyzdyń muralaryn joǵaltyp jatqanymyz belgili. Abaıdyń Qazaq dalasyna jazba ádebıetti alyp kelýi, Álıhannyń « Alashorda» úkimetniń negizin qalaýy, Ahmettiń  «Qazaq Ádebıetiniń» tiregi bolýy da úlken ǵanıbet. Qazaqtyń ár arysynyń ereń eńbegi-erekshe. Búginde elimizdiń osyndaı arystarymyzdyń urpaqtarynyń usaqtalyp bara jatqany qandy qaraıtyp, júrekti aýyrtady eken. Keshegi Sáken, İlıas, Beıimbet salyp ketken úsh báıteregimizdiń izin basatyn izbasarlarynyń joq bolýy ókinishti. Ahmet Baıtursynulynyń ádebıet haqyndaǵy ósıetin sońǵy sóz retinde de baǵalaımyz: «Ádebıetti eshkim maqtanysh úshin jazbaıdy, ol minezden týady, ultynyń qajetin óteıdi sóıtip…» dep aıtqany Álıhan Bókeıhanov babamyzdyń «Ultqa qyzmet etý bilimnen emes, minezden» degen sózderimen úndeskendeı. Ultyna qyzmet etip, patrıottyq rýhqa toly júrektegi sezimderimen halyqpen óshpes baılanysta boldy jáne áli kúnge deıin sol baılanysty saqtap keledi. Biraq qazir osyndaı Álıhan Bókeıhanov sıaqty halyqtyń únin tyńdap, keregin berip, saıası sanany ashýǵa tyrysatyn adamdardyń Bekbolat Tileýhanov, Muhamedjan Tazabekov syndy aǵalarymyzdan artylmaıtyny júrekti aýyrtady.  «El bolamyn deseń, besigińdi túze» dep Muhtar Áýezovtyń ózi bul sózderdi bekerge aıtpaǵan bolar. Elim, jerim, ultym, halqym deıtin ul qyzdarymyzdy ósirý qazirgi jas otbasylardyń qolynda. Besikten beli shyqpaı, býyny qatqansha balaǵa óz týǵan tilinde sóılep, ulttyq rýhty uıalatyp ósirý kez kelgen qazaq otbasynyń qolynda. 

Turan Ýnıversıtetiniń 2 kýrs stýdenti - Bektýrova Farıza

---