InfoHub Logo

Maqsaty: Oqýshylardyń bolashaq ómirden óz joldaryn durys taba bilýi úshin aldyna maqsat qoıyp, jospar qura bilýge úıretý, belgili bir mamandyq ıesi bolý úshin talmaı eńbektenip, belgili bir jetistikke jetý úshin ýaqytty tıimdi paıdalana bilý kerektigin túsindirý. Osy taqyrypta boıynsha bilimderin jetildirip, oı pikirlerin damytý uly adamdardyń danalyq sózderi arqyly oılaý qabiletterin damytý jáne adamgershilikke tárbıeleý.

Sabaqtyń túri: trenıń
Kórnekilikter: mýzyka, slaıd, ınteraktıvti taqtaǵa eki tilde jazylǵan danalyq sózder:
Egerde esti kisilerdiń qatarynda bolǵyń kelse, kúninde bir márte, bolmasa jumasynda bir, eń bolmasa aıynda bir, ózińnen óziń esep al! Sol aldyńǵy esep alǵannan bergi ómirdi qalaı ótkizdiń eken, ne bilimge, ne ahıretke, ne dúnıege jaramdy, kúninde óziń ókinbesteı qylyqpen ótkizippisiń? Joq, bolmasa, ne qylyp ótkizgenińdi óziń de bilmeı qalyppysyń?
(ABAI. On besinshi qara sóz)
«Paıǵambarymyz (s.ǵ.s.) úmbetine eki nárseniń qadirin bilýge shaqyrdy. Onyń biri – densaýlyq, ekinshisi – ýaqyt. Ýaqyt – ómir, ómir – qamshynyń saby»
Quran hadısteri

Sabaqtyń barysy:
İ. Uıymdastyrý kezeńi:
Sergitý jattyǵýy: «Mamandyqty tap» (oıyn)
Trenıńke qatysýshylarǵa kartochkalarǵa jazylǵan mamandyqtar taratylady, al olar sol mamandyqtardy ymmen kórsetýge tyrysý kerek. Qalǵandary mamandyqty tabý kerek.
Hırýrg
Hatshy
Kitaphanashy
Bank qyzmetkeri
Satýshy
Muǵalim
Býhgalter
Slesar
Júrgizýshi

İİ.Negizgi bólim: Trenıń «Taım menejment – ýaqytty tıimdi paıdalaný»
Aldymen taım menejment týraly qysqasha túsindirý.
Taım menejment - bul ýaqytty basqarý tásilderi men ádisterin zertteıtin menejment salasy.
Ýaqyt – bizdiń ómirimiz. Endeshe ony qalaı paıdalanyp júrmiz. Adamnyń ómirinde onyń ýaqytyn urlaıtyn paıdasyz nárseler kóp. Ýaqytty durys paıdalana bilmegendikten de isimiz qordalanyp jatyr. Qazirgi tańda ýaqytty tıimdi paıdalanýdy «taım-menedjment» dep atap júr. Onyń máni – ýaqytty tıimdi paıdalaný.

Trenıń sharty: aq qaǵazǵa tórt baǵana syzý kerek. Olar:
• atqarylatyn sharýalardyń tizimi (eń mańyzdylary)
• atqarylar sharýalardyń attary
• oryndalýy (eger oryndalsa – qosý belgisin, oryndalmasa – alý belgisin qoıamyz).
• sharýalardyń oryndalý barysy týraly málimetter,

Bul jerde eskeretin másele: jeke kúndelikte taıaý arada atqarylýǵa tıis sharýalardyń esebin júrgizý. Bul olardy ýaqyty kelgende umytpaı kúndik josparǵa engizý.
Oqýshylar trenıń kezinde qandaı qıyndyqtar týǵanyn jáne bul trenıńtiń tıimdiligi týraly refleksıa jasaıdy.
- Atqarylatyn istiń kóptigi jáne barlyǵynyń mańyzdylyǵy qıyndyq týǵyzdy.
- Bul trenıńtiń tıimdiligi isti josparlaı bilýge jáne ýaqytty únemdeýge, ýaqytynda oryndalýyna múmkindik beredi.
- Árbir isti óz ýaqytynda oryndaýǵa bar kúshti salý kerektigin túsindim.
İV. Toppen jumys. Ýaqytty tıimdi paıdalaný úshin qandaı qaǵıdalar oılap tabýǵa bolady bolady? (Oqýshylar ózderi qurastyrady).
• Óz ýaqytynda istelmegen jumys adamdy beımazalyqqa salyp qana qoımaı, kelesi isterge tıesili ýaqytty jep, olardyń barlyǵyna kesirin tıgizedi, sondyqtan ár isti josparly túrde ýaqytymen isteýge tyrysýymyz kerek.
• Maqsat pen baǵdardy aıqyndaý kezinde ustanatyn basty talap jospardan aýytqymaýymyz kerek.
• Jospardy durys qura bilýimiz kerek. (Uzaq merzimdi jáne qysqa merzimdi)
• İsterdiń oryndalý basymdylyǵyna baılanysty erejeler Olar:
- Mańyzdy ári shuǵyl
- Mańyzdy, biraq shuǵyl emes
- Shuǵyl, biraq mańyzdy emes
- Shuǵyl da, mańyzdy da emes
Osy prınsıpter boıynsha atqarylatyn sharýalardy josparǵa bólip-bólip engizemiz.
• Josparlanǵan isterdi atqarý barysyndaǵy eń basty qaǵıda – jospardan meılinshe aýytqymaý.

V. Refleksıa. Oqýshylar jalpy búgingi taqyryptyń mańyzdylyǵy týraly, ne bilgenderi jóninde qysqasha óz oılaryn aıtyp sabaqty qorytyndylaıdy.