InfoHub Logo

Bastaýysh synyp muǵalimi
Janazılova Aınagúl Maratovna

Taqyryby: Qosh bol, Álippe!
Maqsaty: Oqýshylardyń saýat ashý pánin oqý barysynda alǵan bilimderin tıanaqtaý; óz ónerlerin ata - analarǵa kórsetý, estetıkalyq talǵamdaryn tereńdete túsý, ózin-ózi basqarýy men ana tilin súıip, qasterleýge tárbıeleý; Ár oqýshynyń is-áreketteri arqyly ıkemdiligin, qabiletterin kórsetý, shyǵarmashylyq múmkindikterin ashý;
Oqýshylardyń elin, Otanyn súıýge, ony qorǵaı bilýge tárbıeleý.
Kórnekiligi: sharǵa japsyrylǵan qıma áripter men sıfrlar, «Álippe» oqýlyǵyn muqabasy, shardan jasalǵan baǵanalar, ertegi keıipkerleriniń kıimderi, qyzyl jáne kók tústi úıshik, synyp ómirinen úzindi slaıdtar men beıne taspa, «1 «A» synyp» jazýy.

Barysy:
1. Qoıylym: «Alǵashqy qońyraý». «Symbat» jeke mektebi týraly beıne baıan júrip jatady. Sahnada oqýshylar men muǵalimi turady. Muǵalim qolynda 1 «A» synyp degen keste bolady.Ortaǵa balasyn jetektegen ata-ana shyǵady.
Avtor: Jeti jasar balasyn,
Jetpiste shal jetektep.
Kele jatyr kóshede,
«Qaıda álgi mektep»- dep.

Ata: Balam, balam, jaqsy bol,
Mine, seniń mektebiń.
Sabaǵyńa zeıin sal
Aqyldy bol tentegim.

Muǵalimi: - Salamatsyz ba? Meniń aty-jónim – Aınagúl Maratovna. Men sizdiń balańyzdy oqytatyn alǵashqy muǵalimi bolamyn.

Ata-ana: - Al, endi mynaý meniń balam! Balamdy sizge tapsyrdym. Bilimdi , saýatty azamat etip shyǵarady dep senemin!
Muǵalim: - Senimińizge raqmet!
Kúnderiń óter osynda ár,
Synyptas ul-qyz dosyń bar.
El-jurttyń aqtap úmitin,
Oqýdy úzdik oqyńdar!
Oqýdy úzdik oqyńdar!
Al, balalar, júrińder bilim álemine!
(bári sahnadan ketip qalady)

1- júrgizýshi:
Qyrkúıektiń aq tańy,
Atyp kele jatty áni.
Ustazdar men shákirttiń,
Qaýyshatyn shaqtary.
İshinde bir kemeniń
Ótkizetin beleńin.
Dál búginnen bastalar
İzdeý bilim tereńin.

2-júrgizýshi: Qalyqtaıdy qus appaq,
Bala júr gúl qushaqtap.
Alǵash kelgen shákirtti,
Mektep jatyr qushaqqa ap.
Júzderinde - qýanysh,
Júreginde jubanysh.
Kele jatqan shákirttiń,
Barar joly tym alys.
Taýdaı bolyp talaby,
Úrkektemeı janary.
Shákirt ensin mektepke,
Qutty bolyp qadamy!

1-júrgizýshi: Kóz salyp qarańyzshy boıymyzǵa
Ortaq bop búgingi ósken oıymyzǵa.
Hosh kelipsiz, ustazdar, ata-analar,
Álippemen qoshtasý toıymyzǵa..

2-júrgizýshi; Armysyzdar analar
Barmysyzdar balalar
Sózime qulaq salyńyz
Bir serpilip qalyńyz
Álippege arnalmaq
Búgingi jyr ánimiz
İİ. «Synyp ómirinen úzindi» slaıdtar men beıne taspa.

3-júrgizýshi: Qyrkúıekte keldim de
Synypqa kirdim qýanyp,
Qarsy aldy ustaz meıirimmen
Qadamymdy qup alyp.
- Biz «Symbat» mektebiniń 1 «A» synybynda mine, 3 aı oqydyq. Osy ýaqytta Aınagúl apaı bizdi bilim nárimen sýsyndatty. Endi sizderdiń nazarlaryńyzǵa osy oqý kezeńderinen shaǵyn prezentasıa usynamyn.
1-slaıd.Mynaý - bizdiń mektepke alǵash kelgen kezimizden kórinis.
2-slaıd. Bizge oqý men jazýdy úıretken súıikti Álippe sabaǵy.
3-slaıd.Matematıka sabaǵyn da jaqsy kóremiz. Sanaý men esep shyǵarýdy da úırendik.
4-slaıd.Sabaqty jaqsy oqý úshin , áldenip tamaqtaný kerek. Mynaý – bizdiń ashana.
5-slaıd. Bizdiń alǵashqy saıysymyz - «Kóńildi start». Ata-analar, ustazdar jáne oqýshylar arasynda saıys. Bul saıysta ata-analar atynan Nurdáýlettiń papasy – Sheraly aǵaı qatysty.
6-slaıd.Al mynaý «Tolaǵaı» otbasylyq saıys. Bul saıysqa Damır ata-anasymen qatysty.
7-slaıd.As atasy – nan. Nannyń qadirin uǵyný úshin, onyń jasalý jolyn kórý kerek. Biz naýbaıhanaǵa saıahat jasadyq.
9-slaıd. Kelesi saıahatymyz – baspahana boldy. Gazet jýrnaldyń shyǵarylýy biz úshin – qyzyq!
Beıne baıan.Biz osy ýaqyt aralyǵynda telearnaǵa da túsip úlgerdik. «Qaıyrly tań, Aqtóbe» baǵdarlamasynan úzindi tamashalańyzdar!

İİİ. Sazdy - áýendi bólim.
Aqmadı Aıymnyń oryndaýynda «Bal balalyq» áni
1-júrgizýshi: İshi toly áripke,
Bilimdegi jaryq ne?

Hormen: Bolashaqqa jol ashar-
Ol súıikti - Álippe!
Ol súıikti - Álippe!
Hor: «Álippe», «Otan»

1-oqýshy. Albına
Eń alǵash qolǵa alǵanda Álippeni,
Qyzyǵyp qaraı berdim áripterdi.
Men úshin syry jumbaq bul kitaptyń,
Ustazym maǵan kiltin alyp berdi.

2-oqýshy. Damır
Oqýdy kóp oıladyq
Qyzyǵyna toımadyq
Áripterdi úırenip
Saýat ashyp toıladyq

3-oqýshy. Aıaýlym
Bárimizdi súıip ótken,
Balalarǵa úıretken.
Álippe men ustazǵa,
Bas ıemiz qurmetpen.
Barlyq árip baǵaly
Aıtsaq ádil baǵany
Áripsiz sóz bolmaıdy,
Býyn onsyz tolmaıdy

4- oqýshy. Álıhan
Keýdemnen sezim seli aqtarylsyn
Bolarmyn kúni erteń maqtanyshyń
Bilim alyp , ter tógem, eńbek etem
Ata-ana senimińdi aqtaý úshin.

5- oqýshy. Aıken
Ata-anamnan keıingi
Ekinshi adam ómirde
Bala bol dep zeıindi
Meıir quıǵan kóńilge
Tárbıeli bilikti
Ol ustazyń súıikti
Shákirt qana alańy
Ósıeti adaldyq
Tentek sotqar balany
Shyǵaratyn adam ǵyp
Tárbıeli sanaly
Ol ustazyń súıikti

Hor: «Muǵalim – ol bizdiń»
2-júrgizýshi: Olaı bolsa ortaǵa Álippeni shaqyraıyq! (Álippe keledi)
Álippe: Armyssyzdar, jas dostar
Armysyzdar ata-ana!
Bolashaqqa jol bastar
Álippeń keldi ortaǵa
Bilim degen ǵajaptyń
Álippesin meńgergen
Keleshegi qazaqtyń
Bastalady senderden
Jaqsy bilim kórimdik
Bolsyn bizge halaıyq
Ne úırenip ne bildik
Káne ortaǵa salaıyq!

2- júrgizýshi: Armyzdar, jas dostar
Bolashaqqa jol bastar
Álippesin meńgergen
Áripter álemine saıahatqa shaqyramyn.
(Oqýshylardyń qoldarynda sharǵa japsyrylǵan qıma áripter bar)
A-ǵa ı-dy qossańyz
Kókte turǵan aı bolar

Á árpinen tabamyz
Ájemizdi aqylǵóı

B degeniń babamyz
Baýyrjandaı batyr ǵoı

M-degeniń mal bolar
Qadir tutqan babalar

Aýylda bar,
Elde joq (Ý)

J-degeniń jórgegiń
Týyp ósken jerleriń

Kirpikte joq,
Qasta bar.(Q)

Z-áripimen zerdedim
Zergerlerdiń zergerin

Taýda bar, Baýda joq.

Y-degeniń yrysyń
Orman-toǵaı ózeniń

O-degeniń otbasy
Otan degen uǵym bar

S áripinen turatyn
Syı, sıapat, senimiń
Álippe; - Bárekeldi, qandaı aqyldy balalar? Báriń saýattanypsyńdar. Men týraly biraz nárse uǵypsyńdar. Men senderge rızamyn!
- Al, qane maǵan áriptermen sóz qurap kórsetińdershi.
Á: - Sender qaı mektepte oqısyńdar?
Oqýshylar qoldaryndaǵy áriptermen «SYMBAT» sózin quraıdy, hormen aıtady.
Á: - Sender mennen neni úırendińder?
Áripter «oqý » jáne «jazý» degen sózderdi qurap, hormen aıtady.

6-oqýshy. Aıym
Tanystyrǵan 42 árippen,
Qosh bol, meniń súıikti Álippem.
Seniń arqań oqı jaza bilgenim,
Saýatty adam qataryna kirgenim.
Qurmettep qadir tutatyn

7-oqýshy. Mádı
Halqymnyń dana tili bar
Álippeni bilgen soń
Bilimniń jolyn uǵynar
Súıikti meniń Álippem
Ózińmen qımaı qoshtasam

8-oqýshy. Mádına
Qosh bol qutty Álippem
Kóp nárseni úırettiń
Tanystyryp árippen
Taqyldatyp sóılettiń

9-oqýshy. Nurdáýlet
Álippe saýatyńmen sanamdy ashtyń,
Dostarymmen teńdes aralastym.
Úırenip, áripter men áńgimeni,
Kún saıyn alǵa qaraı qadam bastym.

10—oqýshy. Álısultan
Álippe jarty jyldaı joldas boldym,
Ana tilge ákelip jalǵastyrdyń.
Ár áripti qostyryp, sózin qurap,
Hat tanytyp, alǵash sen kózimdi ashtyń.
Qosh bolyp tur, álippe, anamdaısyń,
Jaqsy bol dep, bizderge alańdaısyń.
Men úıretken áriptiń qudiretimen,
Deısiń bizge kirpish bolyp qalanǵaısyń.
11- oqýshy. Aıan
Oryndaımyz álippe aqylyńdy,
Jarysqanda jazamyn taqymymdy.
Qandaı qıyn jumbaqty sheshý úshin,
Arttyramyn ǵylymǵa qushtarlyqty.
Álippe; - Rahmet , balalar!Kelesi oqıtyn pánderiń Ana tilin de jaqsy meńgerińder.Maǵan ókpeleriń bolmasa, men endi basqa balalarǵa baraıyn. Qosh bolyńdar, balalar!
Barlyǵy birge; Qosh, bol Álippe!
1-júrgizýshi: - Al endi, qurmetti áripter aldaryńyzda daýysty jáne daýyssyz dybystar úıileri tur. Óz úılerińizge jaıǵasyńyzdar! (áripter qyzyl jáne kók tústi úılerge bólinip ornalasdy)
1- júrgizýshi: - Abdıkapýl Aıannyń oryndaýynda «Qara jorǵa» bıi
İÚ. Sahnalyq kórinister
2-júrgizýshi: - Biz kóptegen ertegilerdi oqyp, olardyń qyzyǵyna battyq. Endi sol oqyǵan ertegilerimizdi sahnalap beremiz. Tamashalańyzdar!
Kórinis: «Jalqaý mysyq» (Mádı, Damır, Álıhan)
Kórinis: «Túlki men qoıan» (Aıdana, Albına)
Kórinis: «Túlkiniń kúlkisi» (Aıken, Aıym, Mádına)
Kórinis: «Aılaker qoıan» (Damır, Álıgımran, Aıan)
Kórinis: «Tapqyr qoıan» (Nurdáýlet, Aıaýlym, ańdar)
2- júrgizýshi: Rústemqyzy Aıdananyń oryndaýynda: «Aıdana» áni

2- júrgizýshi: - Ortaǵa sandardy shaqyramyz!
Sanamaq aıtý
1.Álısultan
Bizdiń úıde bir taýyq,
Bir jumyrtqa júr taýyp.
Bir sıyr bar qorada,
Bátish tátem júr saýyp.

2. Albına
Eki aıaqpen júremin,
Eki kózben kóremin.
Eki qolym bar meniń,
Ekeý qulaq, bilemin.
3. Álıhan
Úıimde bar úsh qalam,
Úsheýin de ushtaǵam.
Úsh dosymdy saldym men,
Úsh balyqqa uqsaǵan.

4. Aıaýlym
Tórt dóńgelek arbada,
Tórt aıaq bar malda da...
Taýysa almaı bıdaıdy,
Tórt tyshqan júr qambada.
5. Aıan
«Bestik» degen baǵany,
Baqyt kúnde alady.
Bári jaqsy kóredi,
«Beske» oqyǵan balany.

6. Damır
«Alaqaı!» der keldi kún,
Altydamyn men búgin.
Alty jasqa kelmekshi,
Alǵy aptada endi kim?!
7. Aıym
Jeti sany kıeli,
Jurttyń bári biledi.
Jeti jasqa jetkender,
Jyǵylmaı-aq júredi.

8. Nurdáýlet
Sen de, men de balamyz,
Segiz sanyn salamyz.
Segiz degen eki tórt,
Segiz jasta aǵamyz.
9. Aıken
Toǵyz jasqa kelgenim -
Toǵyz jyldy kórgenim.
Toǵyz jasta tánti etken,
Talabymdy kór meniń!

10. Mádına
On jyl, on jas - on degen,
On jas kishi ol menen.
Ondy jaza alamyz,
On - turǵan bir nól menen.

Mádı: - Qane, balalar, esepke qalaısyńdar?
- 5pen 3-tiń qosyndysy neshege teń?
- 7 men 5-tiń aıyrmasy she?
- 2 men 4-tiń qosyndysy she?

2- júrgizýshi: - Mektepte aǵylshyn tilin de meńgerip kelemiz. Kýá bolyńyzdar!
Aǵylshyn tilinde án.
1-júrgizýshi: Álippemen qosh aıtysyp qalamyz,
Endi qolǵa ana tilin alamyz.
Ata-ana qýanyshqa ortaq bol,
Saýatty bop shyqty mine balańyz!

2-júrgizýshi:«5» bolsyn alar baǵamyz,
Bilimmen baqyt tabamyz,
Óner-bilim kóp toqyp,
Óse bersin sanamyz!

2-júrgizýshi: Jumaǵalıeva Albınanyń men Rústemqyzy Aıdananyń oryndaýynda: «Kók týdyń jelbiregeni»
1- júrgizýshi: - Qurmetti ustazdar, ata-analar!Álippege arnalǵan sazdy áýenimizdi aıaqtaımyz!
Ú. 1. Atasy balalarǵa bata beredi.
2. Estelik sýretter men syılyqtar tapsyrady.
3. Belsendi ata-analardy marapattaý.