الەۋمەتتانۋ – قوعام تۋرالى عىلىم
ءال-فارابي اتىنداعى قازاق ۇلتتىق ۋنيۆەرسيتەتى – قازاقستانداعى ەڭ ءىرى جەتەكشى وقۋ ورىندارىنىڭ ءبىرى.
شىعىس فيلوسوفى، عالىمى ءال-فارابيدىڭ ەسىمىمەن اتالعان بۇل وقۋ ورنى ەلىمىزدەگى ەڭ ءىرى ۋنيۆەرسيتەتتەردىڭ ءبىرى. قازۇۋ – 1933 جىلى 13 قاراشاداعى قازاق ولكەلىك كوميتەتى (قرك) باسقارماسىنىڭ قاۋلىسىمەن قۇرىلعان رەسپۋبليكانىڭ ەڭ كونە كلاسسيكالىق ۋنيۆەرسيتەتى. 1990 جىلى قازاقستان تاۋەلسىزدىگىن جاريالاعاننان كەيىن ءبىر جىل وتكەن سوڭ اتاۋى ءال-فارابي اتىنداعى قازاق مەملەكەتتىك ۋنيۆەرسيتەتى بولىپ وزگەرتىلدى. قازۇۋ-دا 25 مىڭنان استام ستۋدەنتتەر، اسپيرانتتار مەن دوكتورانتتار وقيدى، قازۇۋ-دا 2500-دەن استام وقىتۋشى جۇمىس ىستەيدى، ونىڭ ىشىندە 400 عىلىم دوكتورلارى، پروفەسسورلار جانە 800-دەن استام عىلىم كانديداتتارى مەن دوسەنتتەر.
قازۇۋ كوپ دەڭگەيلى ءبىلىم بەرۋ جۇيەسىنە: جوعارى بازالىق ءبىلىم (باكالاۆريات)، جوعارى ارنايى ءبىلىم، ماگيستراتۋرا جانە دوكتورانتۋرا كىرەدى. قازۇۋ-عا قابىلداۋ مەملەكەتتىك ءبىلىم گرانتتارى بويىنشا جانە كەلىسىم-شارت نەگىزىندە جۇزەگە اسىرىلادى. مامانداردى دايارلاۋ 180-نەن استام ماماندىق بويىنشا جۇزەگە اسىرىلادى. ۋنيۆەرسيتەتتە بىرلەسكەن حالىقارالىق وقۋ باعدارلامالارىن جۇزەگە اسىرۋ، ستۋدەنتتەرمەن الماسۋ جانە تاعىلىمدامادان ءوتۋ ءۇشىن الەمنىڭ 418 ءىرى حالىقارالىق ۋنيۆەرسيتەتىمەن ىنتىماقتاستىق جۇزەگە اسىرىلادى.
قازىرگى تاڭدا ۋنيۆەرسيتەتتە 16 فاكۋلتەت بار. قازۇۋ الەۋمەتتانۋ كافەدراسى ءال-فارابيدىڭ وزىندىك داڭقتى، 30 جىلداي تاريحى بار كافەدرا.
الەۋمەتتانۋ — قوعامنىڭ قالىپتاسۋى، جۇمىس ىستەۋى جانە دامۋ زاڭدىلىقتارى تۋرالى عىلىم. الەۋمەتتانۋ فاكتىلەردى، ۇدەرىستەردى، قاتىناستاردى، جەكە تۇلعالاردىڭ، الەۋمەتتانۋ توپتاردىڭ قىزمەتىن، ولاردىڭ ءرولىن، مارتەبەسى مەن الەۋمەتتانۋ مىنەز-قۇلقىن، ولاردىڭ ۇيىمدارىنىڭ ينستيتۋتى.
الەۋمەتتانۋلىق ءبىلىم ادامدارعا كەز كەلگەن ىس-ارەكەتتىڭ الەۋمەتتىك سالدارىن تولىق ەسەپكە الۋعا، قىزمەت تيىمدىلىگىن ارتتىرۋعا جانە قاتەلىكتەردىڭ بولۋ مۇمكىندىگىن ازايتۋعا مۇمكىندىك بەرەتىن امبەباپ ءبىلىم. ادام قىزمەتىنىڭ بارلىق تۇرلەرىنە تىكەلەي قول جەتكىزە وتىرىپ، سوسيولوگيالىق ءبىلىم ادامعا ءوز قابىلەتتەرىن جۇزەگە اسىرۋعا، ىسكەرلىك قاسيەتتەرىن كورسەتۋگە جانە الەۋمەتتىك ۇيىمدا ءوزىنىڭ لايىقتى ورنىن تابۋعا كومەكتەسەدى.
الەۋمەتتانۋ قوعام تۋرالى، كۇندەلىكتى ءومىر تۋرالى، ادامزاتتىڭ جاھاندىق ماسەلەلەرى تۋرالى سۇراقتارعا جاۋاپ تابۋعا مۇمكىندىك بەرەدى. كەز كەلگەن قوعامنىڭ قالىپتى دامۋى قوعامداعى ناقتى جاعدايدى بىلمەيىنشە، ونداعى بولىپ جاتقان پروسەستەردى تۇسىنبەيىنشە مۇمكىن ەمەس. سونىمەن، الەۋمەتتانۋدى زەرتتەۋ قاجەتتىلىگى بۇگىندە ماڭىزدى جانە بولاشاقتا دا ماڭىزدىلىعىن جوعالتپايدى دەۋگە بولادى، ويتكەنى ادامدار اراسىنداعى ءوزارا ارەكەتتەستىكتىڭ قىر-سىرىن ءبىلۋ قاجەتتىلىگى ەشقاشان وشپەيدى.
بۇل كافەدرا تاريحى كوپتەگەن كورنەكتى عالىمدار مەن ۇستازداردىڭ ەسىمدەرىمەن بايلانىستى. كافەدرا وقىتۋشىلارى ءبىلىم بەرۋدىڭ بارلىق دەڭگەيىندە وقۋ پروسەسىن جۇزەگە اسىرۋعا قاتىسادى. كافەدرانىڭ پروفەسسورلارى مەن وقىتۋشىلارى الەۋمەتتانۋ تەورياسى سالاسىنداعى مامانداردى جانە ءارتۇرلى الەۋمەتتىك قۇرىلىمدارداعى پروسەستەردى باسقاراتىن پراكتيكتەردى دايىندايدى.
ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەكتەرى مەملەكەتتىك اپپاراتتا جوعارى قىزمەت اتقارادى، مەملەكەتىمىزدىڭ بارلىق سالالارىندا، كوپتەگەن تانىمال كومپانيالاردا ەلىمىزدىڭ وركەندەۋى ءۇشىن ەڭبەك ەتەدى.
ورىنداعان: بەردىحان گۇلبانۋ ماقسات قىزى، “الەۋمەتتانۋ”، ماگيستراتۋرا، 2 كۋرس، ءال-فارابي اتىنداعى قازاق ۇلتتىق ۋنيۆەرستيتەتى
وماروۆا اسەم تۋردىبەكوۆنا، PhD، اعا وقىتۋشى، ءال-فارابي اتىنداعى قازاق ۇلتتىق ۋنيۆەرسيتەتى
You Might Also Like
-
قىزىلجاردىڭ جەرىن ءبىرجولا ولشەپ الۋعا كەلگەن ينجەنەر جانە ارگەرەي گەنارالدىڭ كەلگەنىن كورگەن كەنە حان ءبىراز ساربازدارمەن بارىپ، ولاردى ءتۇرىپ ايداپ شىقتى. ولار نيكولايعا: «كەنە باستاعان قازاق ...
-
مەكتەپ ءبىتىرۋشى جاس تۇلەكتەر ءۇشىن الدىمەن ماماندىقتى، سودان سوڭ سول كاسىپتىڭ قىر-سىرىن مەڭگەرتەتىن جوعارعى وقۋ ورنىن تاڭداۋ — بولاشاققا جاسالعان ەڭ ماڭىزدى قادامداردىڭ ءبىرى. سەبەبى ءسىزدىڭ ءبىل...
