الماتىدا ءۇشىنشى تەمىرجول ۆوكزالىنىڭ قۇرىلىسى باستالادى
الماتىدا ءۇشىنشى تەمىرجول ۆوكزالىن سالۋدى كوزدەيتىن (ەگج) جوباسى تانىستىرىلدى. بۇل جوبا بۇرىن جاريالانعان ءبىرقاتار قۇجاتتا، سونىڭ ىشىندە الماتىنىڭ 2040 جىلعا دەيىنگى باس جوسپارىندا جانە كولىك قاڭقاسىنىڭ شەبەر جوسپارىندا كورىنىس تاپقان.
الاتاۋ اۋدانىنداعى الماتى-3 ۆوكزالىنىڭ قۇرىلىسى اگلومەراسيانى دامىتۋ جونىندەگى جوبالار كەشەنىنە كىرەدى. جاڭا تەمىرجول پلاتفورماسى جۇك جانە جولاۋشىلار لەگىنىڭ ءبىر بولىگىن قايتا باعدارلاۋعا، سونىمەن قاتار، اينالىمعا قوسىمشا جولاۋشىلار پويىزدارىن قوسۋعا مۇمكىندىك بەرەدى، سونىڭ ەسەبىنەن قالالىق اۆتوجول ينفراقۇرىلىمىنىڭ كولىك جۇكتەمەسى ازايادى.
«جاڭا تەمىرجول پلاتفورماسىن سالۋعا ارنالعان اۋماق «قازاقستان تەمىر جولى» ۇلتتىق كومپانياسى» اق-عا تيەسىلى ماگيسترالدىق جەلىدە ورنالاسقان. ۆوكزال مادەنيەت شاعىن اۋدانى ماڭىندا سالىنادى. پلاتفورمانى «قازاقستان تەمىر جولى» سالادى. ءبىزدىڭ باستى مىندەتىمىز – ەتج-دا ۆوكزال مەن ۆوكزال ماڭىنداعى الاڭدى قامتاماسىز ەتۋ بولدى. ءقازىر 2 اپتا بۇرىن جاريالانعان كولىك قاڭقاسىنا سايكەس تەحنيكالىق-ەكونوميكالىق نەگىزدەمەسى دايىندالىپ جاتىر. ءبىز ونىڭ مەرزىمىن 2026-2027 جىلدار دەپ قاراستىرىپ وتىرمىز»، – دەدى الماتى اكىمىنىڭ ورىنباسارى اسقار ءامرين.
You Might Also Like
-
قازاقستاننىڭ باسىم بولىگى ءالى كۇنگە دەيىن قاتتى جاۋىن-شاشىننىڭ تۇسۋىنەىقپال ەتەتىن تەرەڭ سولتۇستىك-باتىس سيكلونىنىڭ ىقپالىندا بولادى
