ايەل مەن ەركەك تۋرالى ماقال-ماتەلدەر
التىن باستى ايەلدەن،
باقىر باستى ەركەك ارتىق.
جامان ەردەن جايداعى جاقسى،
جامان قاتىننان بويداعى جاقسى.
*** *** *** ***
اسىل جار — ەردىڭ ساۋلەتى.
*** *** *** ***
جاقسى جۇباي — جارىم باقىت.
*** *** *** ***
ايماۋىتتاي ات مىنسەڭ،
جاقىن بولار الىسىڭ.
ادالىنان جار سۇيسەڭ،
وڭعارىلار بار ءىسىڭ.
*** *** *** ***
باي كۇيىگى ەتەكتە،
بالا كۇيىگى جۇرەكتە.
*** *** *** ***
ءبىرىنشى ايەل — شەكەر،
ەكىنشى ايەل — بەكەر.
*** *** *** ***
سىلانايىن دەسەم، بايدان قورقام،
سىلانبايىن دەسەم، توقالدان قورقام.
*** *** *** ***
ەركەك داۋىستى ايەلدە ۇيات بولماس،
قاتىن داۋىستى ەركەكتە قۋات بولماس.
*** *** *** ***
جاقسى ايەل جامان ەركەكتى ەركەك ەتەدى،
جامان ەركەك جاقسى ايەلدى كەلساپ ەتەدى.
*** *** *** ***
جامان ايەل جاقسى ەركەكتى ەز قىلادى،
جاقسى ايەل جامان ەركەكتى ەل قىلادى.
*** *** *** ***
جامان ەركەك توي بۇزار،
جامان ايەل ءۇي بۇزار.
*** *** *** ***
ەركەك — ءتۇزدىڭ كوركى،
ايەل — ءۇيدىڭ كوركى.
*** *** *** ***
ەر — باس، قاتىن — مويىن.
*** *** *** ***
ەرلى-زايىپتىنىڭ ورتاسىنا ەسى كەتكەن وتىرار.
*** *** *** ***
ەرلى-قاتىن ۇرىسار دا كەرىسەر، كەرىسەر دە كەلىسەر.
*** *** *** ***
ەرلى-قاتىن تاتۋ بولسا شىراعى جانار،
ەرلى-قاتىن اراز بولسا ومىردەن كوڭىلى قالار.
*** *** *** ***
ەرتە تۇرعان ەركەكتىڭ ىرىسى ارتىق،
ەرتە تۇرعان ايەلدىڭ ءبىر ءىسى ارتىق
*** *** *** ***
ايەل جومارتتىق قىلعاندا،
ەركەك نامارتتىق قىلعانى ءولىم.
*** *** *** ***
ءوز جارىڭدى جاتتاي كۇت — جات كورسىن دە ءتۇڭىلسىن.
ءبىر-بىرىڭدى ءقادىر تۇت — جۇرت ۇلگى السىن، ءۇڭىلسىن.
*** *** *** ***
ەرى ايەلىن سىيلاسا — ەردىڭ باقىت تاپقانى،
ەرىن ەلى سىيلاسا — ايەل باقىت تاپقانى.
*** *** *** ***
جاقسى ايەل جامان ەركەككە بىتكەن ب ا ق،
جاقسى جەر، التىن قونىس — التىن تاق.
*** *** *** ***
جاقسى ايەل جامان ەرىن حان قىلادى،
جامان ايەل جاقسى ەرىن داڭ قىلادى.
*** *** *** ***
ءۇش ءتاتتى: جان ءتاتتى، جار ءتاتتى، مال ءتاتتى.
You Might Also Like
-
بالا اكەدەن نە كەتە تۋادى، نە جەتە تۋادى، نە وتە تۋادى. *** *** *** ***
