بالا تۋرالى ماقال-ماتەلدەر
بالا اكەدەن نە كەتە تۋادى، نە جەتە تۋادى، نە وتە تۋادى.
*** *** *** ***
بالالى ءۇي بازار،
بالاسىز ءۇي قۋ مازار.
*** *** *** ***
اتادان جاقسى ۇل تۋسا،
قار ۇستىندە وت جانار.
اتادان جامان ۇل تۋسا،
ات ۇستىندە يت قابار.
*** *** *** ***
اتا — بايتەرەك، بالا — جاپىراق.
انانىڭ ءسۇتى — بال، بالانىڭ ءتىلى — بال.
*** *** *** ***
جاقسى بالا اكەسىنىڭ باسىن تورگە سۇيرەيدى،
جامان بالا اكەسىنىڭ توردەگى باسىن ەسىككە سۇيرەيدى.
*** *** *** ***
ۇل تۋعاندا كۇن تۋار.
*** *** *** ***
جاقسى بالا — سۇيىك، جامان بالا — كۇيىك.
*** *** *** ***
بالاڭدى بەس جاسقا دەيىن حانداي كوتەر،
ون بەس جاسقا دەيىن قۇلداي جۇمسا،
ون بەستەن ارى ونىمەن دوسىڭداي اقىلداس.
*** *** *** ***
بالالىق شاعى، پاتشانىڭ تاعى.
*** *** *** ***
ويناقتاعان بالا وت باسادى.
*** *** *** ***
جىلايىن دەگەن بالانىڭ ءۇش كۇن بۇرىن كوزى قىشيدى.
*** *** *** ***
ولەر بالا كورگە قاراي جۇگىرەدى.
*** *** *** ***
اش بالا توق بالامەن وينامايدى،
توق بالا اش بولام دەپ ويلامايدى.
*** *** *** ***
ادام بولار بالا قوناققا ءۇيىر.
*** *** *** ***
وسەر ەلدىڭ بالاسى ءبىرىن-بىرى باتىر دەيدى،
وشەر ەلدىڭ بالاسى ءبىرىن-بىرى قاتىن دەيدى.
*** *** *** ***
كىسى بولار بالانىڭ كىسەسىنەن تانيدى.
*** *** *** ***
بالا ءتىلى بال.
*** *** *** ***
بالا، بالانىڭ ءىسى شالا.
*** *** *** ***
بولاتىن بالا بوعىنان.
*** *** *** ***
بالانى — جاستان،
قاتىندى — باستان.
*** *** *** ***
التى جاسار بالا الىستان كەلگەندە،
الپىستاعى اقساقال سالەم بەرەر.
*** *** *** ***
ادەپتى بالا ارلى بالا،
ادەپسىز بالا سورلى بالا.
*** *** *** ***
بالالى ۇيرەك كولدەن كەتپەس،
بالاسى جاس ەلدەن كەتپەس.
*** *** *** ***
بالانىڭ ءسوزى باتپانداي.
*** *** *** ***
بالا كوڭىلدىڭ گ ۇلى، كوزدىڭ نۇرى.
*** *** *** ***
باسقا كەلگەن باقتى كەسىرلى بالا قاشىرادى.
*** *** *** ***
بالانىڭ وسكەن بەسىگى، كەڭ دۇنيەنىڭ ەسىگى.
*** *** *** ***
بالالى ءۇيدىڭ ۇرلىعى جاتپاس
*** *** *** ***
جالعىز تۇيە باقىراۋىق،
جالعىز بالا جىلاۋىق.
*** *** *** ***
جىلايىن دەگەن بالا اكەسىنىڭ ساقالىمەن وينايدى.
*** *** *** ***
قوناعىن جاقتىرماعان بالاسىن ۇرادى.
*** *** *** ***
وزىڭنەن تۋماي ۇل بولماس،
ساتىپ الماي قۇل بولماس.
*** *** *** ***
ۇلىڭ وسسە ۇلگىلىمەن اۋىل بول.
*** *** *** ***
ءوز ۇلىڭ وزەككە تەپسەڭ دە كەتپەس.
بالانىڭ وسكەن بەسىگى — كەڭ دۇنيەنىڭ ەسىگى.
*** *** *** ***
اكەسى قۇرداستىڭ بالاسى قۇرداس.
*** *** *** ***
اناسىن سۇيگەننىڭ بالاسىن ءسۇي.
*** *** *** ***
اتا — بايتەرەك، بالا — جاپىراق.
*** *** *** ***
اتا — اسقار تاۋ، انا — باۋىرىنداعى بۇلاق، بالا — جاعاسىنداعى قۇراق.
*** *** *** ***
بۇقا بولار بۇزاۋ،
بيتتەيىنەن بەلگىلى.
باتىر بولاتىن بالا،
تيتتەيىنەن بەلگىلى.
*** *** *** ***
وسەر ەلدىڭ بالاسى،
قوزىسىن كۇتىپ قوي قىلار.
وسپەس ەلدىڭ بالاسى،
قوزىسىن سويىپ توي قىلار.
*** *** *** ***
ارتىندا بالاسى قالسا،
كوزى قالدى دە.
ارتىندا ءسوزى قالسا،
ءوزى قالدى دە.
*** *** *** ***
جالعىز بالاسى باردىڭ
شىعار-شىقپاس جانى بار.
ەكى بالاسى باردىڭ،
وكپە، باۋىر، جالى بار.
ءۇش بالاسى باردىڭ،
بۇقارادا پ ۇلى بار.
*** *** *** ***
ارعىماق اتتىڭ بالاسى،
از وتتاپ كوپ جۋسايدى.
اسىل ەردىڭ بالاسى،
از سويلەپ، كوپ تىڭدايدى.
You Might Also Like
-
التىن باستى ايەلدەن، باقىر باستى ەركەك ارتىق. جامان ەردەن جايداعى جاقسى، جامان قاتىننان بويداعى جاقسى. *** *** *** ***
