باقىتقا بولەنۋدىڭ جانە ءاردايىم باقىتتى بولۋدىڭ جولدارى
ءاردايىم باقىتتى بولۋ ءۇشىن كۇندەلىكتى وزىڭمەن جۇمىس ىستەۋ قاجەت. ارمان-ماقساتتارىڭىزدى ىسكە اسىرۋدى، قۋانۋدى جانە وسى ساتپەن ءومىر ءسۇرۋدى ۇيرەنىڭىز..
باقىتقا ۇمتىلۋ. ءارقايسىمىز ومىردەن ءلاززات الىپ، ارماندارىمىزدىڭ ورىندالعانىن، ۇندەستىكتە، بەرەكەدە ءومىر ءسۇرۋدى قالايمىز. باقىتتى بولۋ اركىمنىڭ ماڭدايىنا جازىلماعان دەپ ويلايتىن بولارسىز، ءبىراق ولاي ەمەس. ءار ادام كەزدەيسوق باقىتتى بولا الادى، سونىمەن قاتار ونى ومىرلىك ەتە الادى. بۇعان ءبىراز ۋاقىت، كۇش-جىگەر قاجەت بولادى، ءبىراق ەڭ الدىمەن ول ءوزىن جاقسى كورۋى كەرەك.
باقىتقا بولەنگىڭىز كەلە مە؟ الدىمەن ونىڭ نازارىن وزىڭىزگە اۋدارتىڭىز، ويتكەنى ول جايدان-جاي كەلمەيدى. ول ءۇشىن نە قاجەت؟ ارماندارىڭىزدىڭ ورىندالۋى. وزىڭىزگە قۋانىش سىيلاڭىز، بۇرىننان ارمانداعان ءىسىڭىزدى ىسكە اسىرىڭىز. كەيبىر ادامداردى قالاۋلارىنىڭ ورىندالۋى دۇرىس ەمەس نارسە دەپ تاربيەلەيدى. بۇعان كوزقاراسىڭىزدى وزگەرتىڭىز. ءسىز ءبىر-اق رەت ءومىر سۇرەسىز جانە ءومىرىڭىز قاشان اياقتالارىن بىلمەيسىز، سول سەبەپتى كىشكەنتاي قالاۋلارىڭىزعا نەگە توسقاۋىل قوياسىز؟ قالاعانىڭىزدى جاساڭىز، بۇل باقىتقا باستار جولعا العاشقى قادام.
باقىتتىڭ نازارىن اۋدارۋ پروسەسى قالاي جۇرەدى؟
كەز كەلگەن جەتىستىك – بۇل جۇمىس. باقىتتىڭ نازارىن اۋدارۋ دا ءبىرشاما ەڭبەكتى تالاپ ەتەدى، اسىرەسە جولدىڭ باسىندا. ەڭ باستىسى – بۇل وز-وزىڭمەن جۇمىس، ىشكى جان-دۇنيەڭدى جانە الەمدى قابىلداۋدى وزگەرتۋ.
بىزگە بوگەت بولىپ تۇرعان – ءتۇرلى ادەتتەر. ادام كۇندەلىكتى جاساپ جۇرگەن ادەت-عۇرىپتارىن وزگەرتكىسى كەلمەيدى. ءبىراق ادەتتەر ادامدى الداعى دامۋدان بوگەپ تۇرۋى مۇمكىن. مىسالى، كەشكە ءسىز تەلەديدار قاراعاندى ۇناتاسىز، ءبىراق بۇل ۋاقىتتى كىتاپ وقۋعا، سەرۋەندەۋگە نەمەسە وتباسىڭىزبەن وتكىزۋگە بولادى عوي، جانە دە بۇل كوبىرەك قۋانىش سىيلايدى.
باقىتتى قولىنا قوندىرۋ ءۇشىن شامامەن ءبىر ايداي ۋاقىت قاجەت. تىم قۇرىعاندا 30 پۋنكتەن تۇراتىن ءتىزىم قۇرىڭىز. كۇندەلىكتى بىرەۋىن جاساپ تۇرىڭىز. بۇل پۋنكتەر – سىزگە ءلاززات، قۋانىش، جاقسى كوڭىل كۇي سىيلايتىن زاتتار. ادەتتەردەن ارىلىڭىز. ءبىرىنشى اپتادا-اق ءومىرىڭىز وزگەرىپ جاتقانىن بايقايسىز، ساتتىلىك سىزگە سەرىك بولا باستايدى.
باقىتتى ءاردايىم ازىقتاندىرىپ وتىرۋ كەرەك. ەگەر كۇندەلىكتى ءبىر عانا ارەكەتتەردى جاساپ وتىرساڭىز، وعان ۇيرەنىپ كەتەسىز، ال جاڭالىق سەزىمى جوعالىپ كەتەدى. ءيا، ءسىز 24 ساعات بويى ءوزىڭىزدى باقىتتى سەزىنىپ جۇرە المايسىز. ساتسىزدىكتەر بولىپ تۇرادى، كوڭىل كۇي تۇسەدى، سوندىقتان وز-وزىڭىزبەن جۇمىس ىستەۋدى توقتاتپاڭىز، باقىتتى كەز كەلگەن قول جەتىمدى ارەكەتتەرمەن شاقىرىڭىز. ءار ساتسىزدىك – بۇل ءبىزدىڭ قاتەلىگىمىزدى كورسەتەتىن جانە ونى قايتالاماۋدى ەسكەرتەتىن ساباق.
قۋانا ءبىلىڭىز
باقىت تۇڭىلۋشىلىك پەن مۇڭدى جەككورەدى. باقىتقا بولەنىپ ءجۇرۋ ءۇشىن قۋانىپ جۇرۋگە ۇيرەنۋ كەرەك. كەز كەلگەن ۇساق-تۇيەككە: تاڭعا، كۇنگە، جاڭبىرعا، دوسىڭنىڭ قوڭىراۋىنا، جۇمىستىڭ اۋىسۋىنا. قۋانىشتى جايت بولماسا دا جاعىمدى جاقتارىن ىزدەۋگە تىرىسىڭىز، جىميىڭىز. جىميعان سايىن كوڭىل كۇيىڭىز كوتەرىلە تۇسەدى.
ويلار باقىتتى بولۋعا كەدەرگى كەلتىرەدى. نەگە؟ ءبىز بولعان وقيعانى، ادامداردىڭ سوزدەرىن قايتا قوپارامىز، جاعىمسىز ساتتەر مەن كەلەڭسىزدىكتى ءوز ويلارىمىزبەن جالعاي تۇسەمىز. ناتيجەسىندە سانامىز جاعىمسىز ويلارعا بەرىلەدى. ارتىق ويلار باقىتتى بولۋعا كەدەرگى كەلتىرەتىنىن عالىمدار دا دالەلدەگەن. ويلار تىزبەگىن توقتاتىپ ۇيرەنىڭىز. بۇعان ۋاقىت كەرەك، ءبىراق ناتيجەسى كوپ كۇتتىرتپەيدى. ەگەر بۇل قيىن بولسا، يوگامەن اينالىسىپ كورىڭىز، وندا ءسىزدى مەديتاسياعا ۇيرەتەدى.
«ءدال وسى ساتتە» پرينسيپىمەن ءومىر ءسۇرىڭىز
بۇل پرينسيپ نەنى بىلدىرەدى؟ بۇل ءدال قازىرگى ساتپەن ءومىر ءسۇرۋ قابىلەتى، بار نازارىڭدى ءدال ءقازىر ىستەپ جاتقان ىسىڭە سالۋ. وتكەن شاق پەن بولاشاق جايلى بولجامداردىڭ ەش ءمانى جوق. وتكەندى وزگەرتە المايسىڭ. بولاشاقتا ءبارى مۇمكىن. نە بولارىن بولجاي الاسىز، ءبىراق ول ناقتى ەمەس. بۇدان وزگە، جاعىمسىز ويلار جاعىمسىز وقيعالاردى تۋدىرا الادى. وتكەن شاقتاعى نەمەسە بولاشاقتاعى وقيعالار جايلى كەز كەلگەن ويلار ەموسيا تۋدىرادى، ال بۇل ءوز كەزەگىندە قورقىنىش پەن سەنىمسىزدىككە سەپ بولادى. وسى شاقتا ءومىر سۇرەتىن بولساڭىز، قورقىنىش تا، ۋايىم دا بولمايدى. تەك ءقازىر بولىپ جاتقان وقيعادان ءلاززات الۋ عانا بولادى. جاي عانا ءلاززات الىپ، جۇمىس جاساڭىز.
باقىتتى ىزدەۋدەن جالىقپاڭىز جانە قولىڭىزدان ۇشىرىپ الماڭىز
ءار ادام جەكە تۇلعا. ءارقايسىمىز الەمدى ءارقالاي قابىلدايمىز، دەمەك، باقىتتىڭ نازارىن اۋدارتۋعا جانە ونى ۇستاپ قالۋعا ءوز ادىستەرىمىز بار بولۋى دا مۇمكىن. ءوز ومىرىمىزگە جانە بىزبەن بولىپ جاتقان وقيعالاردى قالاي قابىلدايتىنىمىزعا ءوزىمىز جاۋاپتى ەكەنىمىزدى ۇمىتپايىق. ەگەر سىزگە بىردەڭە ۇناماسا، وعان باسقاشا كوزقاراسپەن قاراپ كورىڭىز نەمەسە ونى وزگەرتۋدىڭ باسقا امالىن تابىڭىز. وزگەرتە المايسىز با؟ وندا ءدال قازىرگى ساتپەن ءومىر ءسۇرىڭىز.
ءوزىڭىزدى ءسال دە بولسا باقىتتى سەزىنسەڭىز وسى قالىپتى ساقتاپ قالۋعا تىرىسىڭىز. كۇلكى كوڭىل كۇيدى وزگەرتەدى جانە قورشاعان الەمدى وڭاي قابىلداۋعا مۇمكىندىك بەرەدى. بۇگىن تاماشا كوڭىل كۇيدەسىز بە – ونى بارىنشا ازىقتاندىرىپ، سۇرقيا ادامدارعا بۇل قالپىڭىزدى بۇزۋعا، ومىردەن ءلاززات الۋعا كەدەرگى كەلتىرۋگە مۇمكىندىك بەرمەڭىز. سىزگە سەنىمدىلىك سىيلايتىن، كوڭىل كۇيىڭىزدى كوتەرەتىن جانە ەشتەڭەگە قاراماستان ءاردايىم جانىڭىزدان تابىلاتىن ادامدارمەن عانا ارالاسۋعا تىرىسىڭىز.
وقۋعا كەڭەس بەرەمىز:
ءوزىڭدى شىن مانىندە باقىتتى سەزىنۋدىڭ 8 عىلىمي جولى
You Might Also Like
-
باياعى زاماندا تۇرسىنحان دەگەن كىسىنىڭ ءۇش بالاسى بار ەكەن. ۇشەۋى دە ونەرپاز، شەشەندىگىمەن «تۇرسىنحاننىڭ ءۇش شەشەنى» اتانىپتى. تۇرسىنحاننىڭ ەسىگىنىڭ الدىندا ەكپە بايتەرەگى بار ەكەن. سول ءبا...
