InfoHub Logo

ءار جىلى قىستىڭ باستالۋىمەن ۇلكەن قالالارىمىزداعى دۇكەندەردىڭ ماڭدايلارى مەن ۆيترينالارىن «روجدەستۆو» سۋرەتتەرى مەن مانيكەندەرى قاپتاپ الادى. ءتىپتى «سانتا كلاۋس» كيىمىن كيىپ كوشەلەردى ارالاپ جۇرەتىن ادامداردى دا كورەمىز. ۇلتتىق مادەنيەتىمىزدىڭ جاڭعىرماي، كەرىسىنشە باتىس شيكىلىگىنىڭ، اسىرەسە حريستياندىقتىڭ «سانتا كلاۋس» (سۆياتوي نيكولاي) اڭىزدارىنىڭ سانامىزعا ءسىڭىرىلۋى كوڭىلگە قاياۋ سالارى ءسوزسىز. ءتىپتى ۇلتتىق مەيرامىمىز تاۋەلسىزدىك كۇنىنە وسىنشالىقتى كوڭىل بولىنە مە ەكەن دەگەن دە سۇراق تۋىندايدى. ءار ۇلت ءوزىنىڭ مادەني ءتۇپ-تامىرىن كوتەرۋى، ءوزىنىڭ ادەت-عۇرپىمەن ءومىر ءسۇرۋى قالىپتى نارسە. ءبىراق ءبىزدىڭ باتىستىق، ءتىپتى حريستياندىق ادەت-عۇرىپتارعا نە قاتىسىمىز بار ەكەن.

جاڭا جىل باسقا روجدەستۆو باسقا. جاڭا جىل ادەت، ال روجدەستۆو حريستيانداردىڭ ءدىني مەرەكەسى. ءبىراق تەلەباعدارلامالاردا، كينولاردا، جارنامالاردا جاڭا جىلمەن ەمەس، روجدەستۆومەن قۇتتىقتاۋلارى، روجدەستۆونى الدىڭعى قاتارعا شىعارۋلارى نە ماقساتتا بولدى ەكەن؟

ءبارىمىز بىلەمىز ءبىلىمنىڭ ۇلتى بولمايدى، تەحنيكادا دا سولاي. باتىستىڭ ءبىلىمىن، تەحنيكاسىن الۋىمىز، وركەندەۋىمىز، ولاردان دا وزات بولۋىمىز كەرەك. ءبىراق باتىستىڭ، سالت-داستۇرلەرىنە، جامان ادەتتەرىنە ەلىكتەۋدىڭ سەبەبى نە ەكەن؟

ورىستارمەن باسقا دا ازشىلىقتى قۇرايتىن حريستيان ۇلتتاردى ەسەپتەمەگەندە ەلىمىزدىڭ كوپشىلىگى مۇسىلماندار. ايتسە دە «كريستماسس» (روجدەستۆو حريستوۆو)، «سۆياتوي ۆالەنتين»، «پاسحا» كۇندەرىن تويلايتىنداردىڭ ۇلتجاندىلىعى، ءدىني وجداندارى قايدا قالدى ەكەن؟..

ءسوزدى قورىتىندىلاي كەلگەندە وتانداستارىمىز، تاۋەلسىزدىك، ايت،  ت.ب. مەيرامدارعا دا وسىنشالىقتى ءمان بەرسە، ۇلتتىق ادەت-عۇرىپتارىمەن ۇستانىمدارىنا بەرىك بولسا ەكەن دەگىم كەلەدى.

---