باتىل يدەيالار ۇساق يدەيالاردان نەگە جاقسى؟
باتىل يدەيالاردى پراكتيكالىق تۇرعىدان قاراستىرىپ كورەيىك. كەيبىرەۋلەردىڭ اقىلعا قونىمسىز ارمان-يدەيالارى قالايشا اقيقاتقا اينالىپ، ەندى بىرەۋلەردىڭ يدەيالارى شىنايى ومىردەن الشاق بولماسا دا، نەگە تابىسقا جەتە الماي قالاتىنى كوپشىلىككە قىزىق بولادى دەپ ويلايمىز.
جاھاندا باتىل دا ەسسىز يدەيالار ءۇشىن اقشا بار
ينتەنسيۆتى جوبا ترەناجەرىنا بارىپ كورىڭىز. ول جەردە جاس كاسىپكەرلەر — يدەيالارى بار ادامدار ءار ءتۇرلى سالاداعى مىقتى ماماندارمەن: بيزنەسمەندەرمەن، كوۋچتارمەن، ۇكىمەت وكىلدەرىمەن جولىعۋ مۇمكىندىگىن الادى. بۇل شىنىمەن-اق تابىستى كىسىلەردەن اقىل-كەڭەس، تاجىريبە جانە ءوز يدەياڭنىڭ باعاسىن الۋدىڭ ايرىقشا مۇمكىندىگى. ەندى وسىنداي كىسىلەرمەن ارالاسۋدىڭ ارقاسىندا شىعۋى ءتيىس ءبىرىنشى پوستۋلات: قاراپايىم يدەيالاردان گورى كوزسىز باتىل يدەياعا اقشا الۋ وڭايىراق. اڭگىمە مەملەكەتتەن جانە بيزنەستەن ينۆەستيسيا تارتۋ جونىندە بولىپ وتىر جانە بۇل ايعاق بىرنەشە سەبەپ ارقىلى تۇسىندىرىلەدى.
ادەتكى، قاراپايىم، ىسكە اسىرۋعا بولاتىن جوبالار وتە كوپ. ەگەر يدەياڭىز ەشكىمدە جوق ايرىقشا يدەيا بولماسا، ەگەر ويلاعانىڭىز مىڭداعان ادامنىڭ ويىن قايتالاپ وتىرسا، ونى جۇزەگە اسىرۋعا كومەكتەسۋگە ەشكىمنىڭ زاۋقى بولمايدى. ەگەر ءسىزدىڭ يدەياڭىزدىڭ اقىلعا قونىمسىزدىعى سونداي، ەستىگەندەر ءسىزدى سالعان جەردەن تاۋىڭىزدى شاعىپ تاستايتىندىقتان، ءسىز ونى ايتۋدىڭ وزىنەن قورىقساڭىز، ونى كىم كورىنگەنگە ايتا بەرمەڭىز. ءوز سالاڭىزداعى ساراپشىمەن سويلەسىپ، اقىلداسىڭىز — ونىڭ پىكىر-پايىمىنا قۇلاق اسقانىڭىز ءجون، ءبىراق ول دا سوڭعى تىرەلەر جەرىڭىز ەمەس.
باتىل يدەيالار دا جۇزەگە اسىپ جاتادى جانە بۇنىڭ مىسالدارى كوپ، سوندىقتان وزىڭىزگە ۇلكەن-ۇلكەن نارسەلەر تۋرالى ارمانداپ، ەرەن ماقساتتار تۇزۋگە كەڭشىلىك ەتىڭىز.
باتىل يدەيالار پىكىرلەستەردى تارتىپ توپتاستىرادى
جۇرتتىڭ جۇمىس ىستەگىسى كەلمەيتىنى تۋرالى تالاي انەكدوت پەن ءازىل-قالجىڭدار كوپ — كەڭسەلىك پلانكتون تۋرالى قۇرىعىندا بىر-ەكى ءازىلدى ەستىمەگەن بىرەۋ بار ما ەكەن؟ ءسىز ءوز ءىسىڭىزدى ۇيىمداستىرىپ قويعان جانە جۇمىسكەرلەرىڭىزدىڭ سەلقوستىعىنا تاپ بولعان بولۋىڭىز مۇمكىن. بار گاپ ادامداردىڭ كوپشىلىگى جۇمىسىنا ەموسيونالدى، رۋحاني تۇردە قىزىقپايتىندىعىندا، ال جۇمىس ادامنىڭ دۇنيەتانىمىنىڭ، قاعيداتتارىنىڭ جانە تىلەك-قالاۋلارىنىڭ قىلىن تەربەمەسە، ادام ىنتالى بولمايدى.
ەكىنشى جاعىنان الساق، ءبىر ادام ويلاپ تاپقان باتىل يدەيادان باستالىپ، سوسىن جوباعا جەنتەكتەلگەن قار سىقىلدى كوبەيىپ وتىرعان پىكىرلەستەر (كوبىنەسە يدەيا ءۇشىن عانا جۇمىس ىستەيتىن) قوسىلىپ، اقىر سوڭىندا جۇزەگە اسىپ كەتكەن جوبالاردىڭ مىسالدارى دا از ەمەس. ەگەر ءسىز اۋقىمدى بىردەڭەنى ويلاپ جۇرسەڭىز، وعان جالعىز ءوزىڭىزدىڭ شاماڭىز كەلمەيدى — كوماندا كەرەك، ءبىراق كومانداعا يدەياعا بەرىلگەن، يدەيا تۋرالى اڭگىمە كەزىندە كوزى جايناپ كەتەتىن جانە ونىڭ ىسكە اساتىنىنا سەنەتىن ادامداردى عانا قوسقان ابزال. ەگەر ءسىزدىڭ باتىل يدەياڭىز بولسا، جاقتاس-پىكىرلەستەر تابىڭىز، سوندا ءسىزدىڭ كومانداڭىز لوكوموتيۆ ەمەس، جوبانى يدەيا كەزەڭىنەن ىسكە اسىرۋ كەزەڭىنە الىپ باراتىن رەاكتيۆتى ۇشاققا اينالادى.
سينەرگيا قۇبىلىسى
سينەرگيالىق ەففەكت كەز كەلگەن يدەيانى كۇشەيتىپ جىبەرەتىنىن راستايتىن مىسالدار وتە كوپ. يدەيالار جەكە-دارا تۇرعاندا جاي عانا جاقسى يدەيالار بولسا، ولار بىرىككەن كەزدە قۋاتتى جانە الەمدى وزگەرتىپ جىبەرۋگە قاۋقارلى بولىپ كەتەدى. ەگەر ءسىزدىڭ يدەياڭىز الەمگە پايدا اكەلەتىن بولسا، ونىڭ اينالاسىنا باسقا يدەيالار شوعىرلانادى، كۇشتەر، رەسۋرستار بىرىكتىرىلىپ، يدەيانىڭ ماڭىزدىلىعى مەن ەنەرگەتيكاسى ارتادى، ياعني ونى جۇزەگە اسىرۋ وڭايلاي تۇسەدى. جوباڭىزعا باسقا ءبىر كىسىنىڭ جوباسى، ەگەر ول جوبا الەمگە جاقسىلىق اكەلەتىن بولسا، قوسىلۋىنان ەشقاشان باس تارتپاڭىز.
اۋقىمدى نارسەنى ارمانداڭىز، يدەيالارىڭىز بارىنشا باتىل بولسىن! «اقشانى قالاي تابامىن؟» دەپ ەمەس، الەمدى (الەمنەن باستاۋ شارت ەمەس، شاعىن اۋماقتان، مىسالى ءوز قالاڭىزدان باستاڭىز) قالاي جاقسارتا ءتۇسۋدى ويلاڭىز — سوندا بايلىق پەن جەتىستىك ءسىزدى ءوزى تاۋىپ كەلەدى.
وقۋعا كەڭەس بەرەمىز:
ۋولت ديسنەي جەتىستىگىنىڭ تاريحى
يلون ماسك دەگەن كىم جانە الەمنىڭ وزگەرۋىنە قانداي ىقپالى بار؟
Toyota تاريحى: توقىما ستانوكتىڭ ورنىن كولىككە الماستىرۋ
تەحنولوگيالار الەمىن ءدۇر سىلكىندىرەتىن نيكولا تەسلانىڭ 10 تاماشا يدەياسى
You Might Also Like
-
حاكىم اتانىڭ انىق ەسىمى — سۇلەيمەن. بالالىق شاعىندا مەكتەپكە بارا جاتقاندا باسقا بالالار سياقتى قۇراندى موينىنا اسپاي، قولىمەن استىنان ۇستاپ، قۇرمەتپەن الىپ جۇرەتىن. مەكتەپتەن شىققاندا دا بەت...
-
كوپتەگەن ادامدار وتە اقىلدى، دارىندى جانە ەڭبەكقور، ءبىراق ولاردىڭ قولىنان تۇك كەلمەيدى. ال اقىل-پاراساتى ورتاشا، قابىلەتى ازداۋ ادامدار جەتىستىككە جىلدام جەتىپ جاتادى. بۇنداي ادىلەتسىزدىكتىڭ سەبەبى...
