- 25 قاڭ. 2020 00:00
- 246
ءبىزدىڭ تۇڭعىش پرەزيدەنت
قازاق ۇلتىنىڭ قىرىق جانى بار ەكەن... مەكتەپ سىندى مەكەننەن ءبىلىم الىپ جۇرگەن وقۋشى دەگەن اتىم بار، ءوز ەلىمنىڭ تاريحي شەجىرەسىن بىلمەسەم، تۇڭعىش پرەزيدەنتتىڭ ەلى ءۇشىن جاساعان ەرەن ەڭبەگىن بىلمەسەم، ەڭسەلى ەلوردامىزدىڭ جەتكەن جەتىستىگىن بىلمەسەم، ءبىز ءۇشىن ۇلكەن سىن بولادى دەپ پايىمدايمىن. ەندەشە، ۇلتىمىزدىڭ ۇلى شەجىرەلەرىن دالەل رەتىندە قولدانىپ، قيالىما ەرىك بەرەيىن، قيال ەمەس-اۋ، ىشكى تولعانىسىم بولسىن.
ءيا، قيىندىعى مەن قاسىرەتى كوپ بولعان ەلدىڭ، وسى كەزگە دەيىن حالقىن نۇرسۇلتانداي دانىشپان باسقارعان ءور حالىقتىڭ ۇرپاعىمىن. مەن حالقىمنىڭ توزىمدىلىگى مەن تاباندىلىعىنا قايرانمىن. سۇمدىق اشتىق پەن قايىرشىلىقتى، جاۋگەرشىلىكتى، جويقىن سوعىستى، قانتوگىستى، قاندى وقيعالاردىڭ كۋاگەرى بولدى. نەبىر زوبالاڭ زاماندى باستان كەشكەن قازاق حالقى وسى كۇنگە دە جەتتى. اۋىر كۇندى ارتىمىزعا تاستادىق.
تاۋەلسىزدىگىمىزدى العاننان سوڭ حالىقتىڭ باسىن بىرىكتىرىپ، ن.ءا.نازاربايەۆ تۇڭعىش پرەزيدەنت بولدى. مەنىڭ ويىمشا، ول وجەتتىك تانىتتى. قيىن ساتتە قيىندىقتان قاشپادى، تۋدى ۇستاپ تۋرا جولعا ءتۇستى، شالىس قادام باسپادى. وعان ەكونوميكامىزدىڭ قارىشتاپ دامۋى، الەۋمەتتىك جاعدايدىڭ جاقسارۋى، باستىسى، ەلىمىزدەگى بەيبىتشىلىك پەن تىنىشتىق كۋا.
جاقىندا ەلدى ەلەڭ ەتكىزگەن ءبىر وقيعا بولدى. وسى جىلدىڭ 2019 جىلدىڭ 19 ناۋرىز كۇنى تۇڭعىش پرەزيدەنت قازاقستان حالقىنا مالىمدەمە جاساعان ەدى. ول ءوز ۇندەۋىندە قىزمەتتەن كەتەتىندىگى تۋرالى ماڭىزدى شەشىم قابىلداعانىن جاريالادى. بۇل جاڭالىقتى حالىق كۇتپەگەن ەدى، سول سەبەپتى تولقىنىسپەن، كوڭىلسىزدىكپەن قارسى الدى. وڭاي ەمەس، 30 جىلداي ەل باسقارىپ، حالقىنىڭ قورعانى بولعان تۇڭعىش پرەزيدەنتتىڭ وكىلەتتىگىن توقتاتۋى. كوڭىل - كۇيى تۇسكەن ادامداردىڭ ىشىندە مەن دە بارمىن، قيماي، قاپالانىپ قالدىم.
استانانى تۇڭعىش پرەزيدەنتتىڭ ەسىمىمەن وزگەرتۋ تۋرالى پرەزيدەنتىمىز قاسىم -جومارت توقايەۆ جارلىق شىعارعان ەكەن. بۇعان حالىقتىڭ ءبىر بولىگى قول سوعا قولداپ جاتسا، ەندى ءبىر بولىگى نارازىلىق بىلدىرۋدە. مەن بۇعان تۇسىنبەيمىن. كەڭەس ۇكىمەتى كەزىندە لەنينگراد، ستالينگراد دەگەن قالالار بولعانى سياقتى استانامىزدىڭ «نۇرسۇلتان» اتالسا، نەسى ايىپ، مەن قۋانا قابىلدار ەدىم. تۇڭعىش پرەزيدەنتتىڭ ەرەن ەڭبەگىن ەلەۋىمىز كەرەك قوي.
ەلوردا - ەلىمىزدىڭ باس شاھارى. ماڭىزدى ساياسي شەشىمدەر دە وسى مەكەندە شەشىلەدى.
سول ەلوردانى، قىر دالانى گۇل دالاعا اينالدىرعان - تۇڭعىش پرەزيدەنت. قازىرگى تاڭدا، ەلوردا ورتالىق ازيانىڭ جاۋھارىنا اينالدى. ەلوردا قازاق ەلىنىڭ دامىپ، تۇرمىسىنىڭ جاقسارعانىنىڭ دالەلى.
تۇڭعىش پرەزيدەنتتىڭ باستاۋىمەن مەنىڭ وتانىم الەمگە تانىلدى. نۇرسۇلتان نازاربايەۆ –دانىشپان، كەمەڭگەر، مىقتى ساياساتكەر ادام. 130-دان كوپ ۇلتتى ءبىر شاڭىراقتىڭ استىنا بىرىكتەرى الدى. ەلەپ اتاپ كەتەتىنىمىز، قازاقتىڭ كونەنىڭ كوزىندەي بوپ كەلە جاتقان ءسالت-داستۇرىن قۇرتپاي، ولاردى جاڭعىرتتى. كەشەگى تويلاعان 22 ناۋرىز مەيرامىنىڭ دا قازاق دالاسىنا ورالۋى كەمەڭگەر نۇرسۇلتان اتامىزدىڭ ەڭبەگى. ءتۇن ۇيقىسىن ءتورت ءبولىپ، ويلاعىنى حالقىنىڭ قامى، ەلىنىڭ بولاشاعى بولدى. ول قازاقستاندى بار الەمگە تانىتىپ، دالەلدەپ كەتتى.