InfoHub Logo

ادام - جەر بەتىندەگى تىرشىلىك يەسى، قوعامنىڭ باستى بايلىعى. سول ادامنىڭ ومىرىندەگى ەڭ باعالى دۇنيە نە دەيسىز عوي؟ قىمبات كولىك، باعالى دۇنيە، كەڭ سارايداي ءۇي، اقشا، ءومىر بويى قالتالى ازامات بولىپ ءوتۋ، مۇمكىن، مانساپ شىعار...جوق، ادام ومىرىندەگى باستى بايلىق – ونىڭ ءومىرى مەن دەنساۋلىعى. ءومىرىڭدى قالدىرىپ، دەنساۋلىعىڭدى السا، ادام بولۋدان قالاسىڭ. ءبىزدىڭ باقىتىمىزدىڭ وننان توعىزى دەنساۋلىعىمىزعا بايلانىستى. حالىق ايتپاي ما، «دەنساۋلىقتىڭ ءقادىرىن اۋىرعاندا بىلەرسىڭ» دەپ.

پەندە بولعان سوڭ اۋىرماي بولا ما. دەنساۋلىعىڭ سىر بەرىپ، باسىڭ اۋىرىپ، ءتىسىڭ سىزداپ دەگەندەي ءتۇرلى اۋرۋعا شالدىعاسىڭ.جانىڭ مۇرنىڭنىڭ ۇشىنا كەلىپ قىسىلعانىڭدا، سول ءبىر ازاپتان قۇتقاراتىن جان ىزدەيسىڭ.  ول- دارىگەر. ناۋقاستىڭ جانىنا جەلەۋ بولىپ، ەم-دومىن جاساپ جاتاتىن – دارىگەر. ول – ادام ءومىرىنىڭ ساقشىسى. دارىگەر اجالدان قورىقپايدى. قورىقپاعانى سونداي – ونىمەن اياۋسىز كۇرەسەدى، ادامنىڭ قىمبات جانىن وعان بەرمەس ءۇشىن بارىن سالادى، ادامعا ەكىنشى ءومىر سىيلايدى.

ءيا، تۇسىنەمىن، دارىگەر بولۋ وڭاي ەمەس. بۇل ماماندىق جايىندا وسى سالانىڭ بىلىكتى ماماندارى: «دارىگەر ماماندىعىنىڭ قىر-سىرىن قانىق ءبىلىپ، انىق سول جولدى تاڭداۋ ءۇشىن ۇلكەن جۇرەك كەرەك»، -دەيدى ەكەن.مەنىڭ ويىمشا، دارىگەر بولۋ ءۇشىن جۇرەكتىلىك، شىدامدىلىق، ءبىلىم مەن بىلىكتىلىك، اسا ساقتىق، ۇقىپتىلىق، جاۋاپكەرشىلىك، ادالدىق، شەكسىز مەيىرىمدىلىك، ادامنىڭ ءتانىن عانا ەمەس، جانىن ەمدەي الاتىن پسيحولوگ بولا ءبىلۋ كەرەك. ەڭ باستىسى، ماماندىقتى ءسۇيۋ كەرەك. تاجىريبە جۇزىندە ءبىلىمىڭدى شىڭداۋدان جالىقپاۋ قاجەت. ءاردايىم  ىزدەنىستە جۇرۋگە داعدىلانۋ كەرەك، كۇرەسە ءبىلۋ كەرەك. سەبەبى دارىگەر -  كۇرەسكەر ادام. ورىسشا ايتقاندا، ول – «بورەس». ول جۇمىسىن كۇرەسۋمەن وتكىزەدى. قاتەرلى دەرتپەن كۇرەسەدى، اجالمەن كۇرەسەدى.

مەن دارىگەر ماماندىعىن تاڭداعىم كەلەدى. ءوز ءىسىمنىڭ بىلىكتى دە ءبىلىمدى مامانى بولسام، دارىگەرلىك شەبەرلىگىمدى ۇزدىكسىز شىڭداپ، ءار ناۋقاستىڭ دەرتىنە داۋا، شيپا بولا بىلسەم. قىسىلعان ادامعا بار قىزمەتىمدى جاساسام، جىلى سوزىممەن، اقجارقىن ادال كوڭىلمەن سىرقاتتىڭ جايىن تابا بىلسەم، جانارى جاۋتەڭدەپ كەلگەن سىرقاتتىڭ دەرتىن ەمدەسەم، ءوزىن مازالاعان سۇراقتارىنا جاۋاپ بەرە الاتىنداي دارەجەدە بولسام دەيمىن.

---