InfoHub Logo

باستاۋىشپەن قوشتاسۋ
تاقىرىبى: بۇگىنگى شاكىرت كوگەرشىن، بولاشاعىڭ كوگەرسىڭ!
ماقساتى:
1. ءبىلىمنىڭ قاينار كوزى، باستاۋ بۇلاعى باستاۋىشتان باستالاتىندىعىن ۇعىندىرۋ.
2. بىلىمگە، ونەرگە دەگەن قىزىعۋشىلىعىن ارتتىرا وتىرىپ، ءبىلىم ورداسىن، ۇستازداردى قۇرمەتتەي بىلۋگە تاربيەلەۋ.
3. ءبىلىمنىڭ العاش ەسىگىن اشقان ۇستازدارمەن قوشتاستىرا وتىرىپ جوعارعى سىنىپ مۇعالىمدەرىنە ءسات ساپار تىلەپ تابىستاۋ.
كورنەكىلىك: ناقىل سوزدەر، ماقال ماتەلدەر، شار، سلايدتار

ءوتىلۋ بارىسى:
ءمۇعالىم:
قۇرمەتتى ۇستازدار، اتا - انالار، وقۋشىلار! «بۇگىنگى شاكىرت كوگەرشىن، بولاشاعىڭ كوگەرسىڭ!» اتتى باستاۋىشپەن قوشتاسۋ ەرتەڭگىلىگىمىزگە جينالىپ وتىرسىزدار. قادامدارىڭىزعا نۇر جاۋسىن! الدارىڭىزدا تۇرعان بالالار 4 جىل بۇرىن مەكتەپ تابالدىرىعىن ءتاي - ءتاي باسىپ اتتاعان كىپ-كىشكەنتاي بۇلدىرشىندەر ەدى. ەندى مىنە، بويلارى دا، ويلارى دا ءوسىپ، ءارىپ تانىعان، باستاۋىش سىنىپ ءبىلىمىن اياقتاپ، جوعارعى سىنىپقا قادام باسقالى وتىر.
«بۇگىنگى مەنىڭ كوگەرشىندەرىم، بولاشاقتارىڭ كوگەرىپ، كوكتەپ، بيىكتەرگە سامعاڭدار» دەگەن تىلەكپەن بۇلدىرشىندەرىمىزدى ورتاعا شاقىرامىز.

1. ءازىلدى جانى سۇيەدى،
ارمانسىز ول كۇلەدى.
ءالنۇر ءبىزدىڭ ءارقاشان،
كۇلىمسىرەپ جۇرەدى.

2. بي بيلەيدى تالمايدى،
اسەم ءانىن ارنايدى.
ءبىزدىڭ نازىك اقبوبەكتى،
بارلىق بالا تىڭدايدى.

3. ۇندەمەي ءبارىن تىندىرعان
سىنىپتىڭ سالماقتى قىزىسىڭ
جىميىپ كۇلگەن كۇلكىسى
مەرەي تۇيىق مىنەزى - اي

4. ەرتەڭگى كۇنىن ويلايتىن،
بەس الام دەپ قالمايتىن.
ارشىل ءبىزدىڭ جانداۋلەت
جالقاۋلىققا بارمايتىن.

5 سىيلاپ سالەم بەرەدى،
ۇلكەندەردى كورگەندە.
ارايلىمدى سىنىپتا،
ىزەتتى دەپ بىلەدى.

6. بارلىق ىستە الدا جۇرەتىن
ءان، ايتىپ، بيدە بيلەيتىن
سىنىپتىڭ بەلسەندى ارۋى
اسەل ونەرلى قىزىمىز

7. جىر وقىپ تاريحىن ول تانىتقان،
كىتاپ وقىپ ءبىلىمىن دە دامىتقان.
دارحان - سىنىبىمىزدىڭ وزاتى،
ءبىلىمىن ول بولاتتاي عىپ قورىتقان.

8. اسەم دەگەن قىزىمىز
قاتىسقان تالاي سايىسقا
تامىلجىتىپ ءان ايتىپ
جەتكەن تالاي تابىسقا.

9. بىلىمىمەنەن ۇلگى بولعان سىنىپقا،
وتىرمايدى ويلانباستان سىنىپ تا.
ماناس ءبىزدىڭ ونەگەلى، ونەرلى،
اراسىندا دوستارىنىڭ بەدەلدى.

10. ءىس كەلگەندە الدىنا
جان سالمايتىن قىزىمىز
ەر مىنەزدى، كورىكتى
فاريدا ءبىزدىڭ ەرجۇرەك.

11. ءوزى ۇيالشاق ۇندەمەس
مىنەزىنە ەشكىم تەڭ كەلمەس
ۇندەمەس قىز نۇراي
سىنىپتا ەشكىم تەڭ كەلمەس.

12. بويىندا الاۋلاعان جالىن،
جاقسىلىق تولعاندىرىپ جانىن.
ىڭكار ءبىزدىڭ قايتپاي ۇيگە
ويلاۋمەن جۇرەدى سىنىپتىڭ قامىن.

13. كۇنى بويى تىنباعان،
ۇلكەندەردى سىيلاعان.
سابىرلى ءبىزدىڭ مەرۋەرت،
ۇقىپتىلىققا بويلاعان.

14. ونەر قۋعان جاسىنان،
ءسوز اسىرماس باسىنان.
نامىسقوي ءبىزدىڭ اياجان
تابىلار دوس قاسىنان.
حورمەن:
قۇربىلاسپىز،
تۇرعىلاسپىز،
14 - ءىمىز.
كۇلىمدەيمىز،
ءبىر باقشانىڭ
گۇلىندەيمىز.
حور: «مەكتەپ ءۆالسى» ءانى

1 - جۇرگىزۋشى: اقبوبەك
ارمىسىزدار مۇعالىمدەر، ءاز جاندار،
ءبىلىم ىزدەپ ينەمەن قۇدىق قازعاندار.
قۇشاق جايا قارسى الامىز سىزدەردى،
ولەڭ وقىپ، بي بيلەپ، ءان دە بۇگىن ايتىلار.

2 - جۇرگىزۋشى: دارحان
قوش كەلىپسىز اق جاۋلىقتى انالار،
جۇزدەرىڭنەن مەيىرىم مەن نۇر تامار.
الدارىڭدا جاۋقازىنداي قۇلپىرعان،
ءبىز الاڭسىز بالعىن شاقتى بالالار.
1 - جۇرگىزۋشى: اقبوبەك
بۇگىن ءبىز بويىمىزعا ءبىلىمنىڭ جارىق ساۋلەسىن سىيلاعان، كوپ نارسەنى ۇيرەتكەن ۇستازىمىزبەن قوشتاسقالى وتىرمىز.