دۋشانبەدە «قازاقستاننىڭ ءبىلىم كۇنى» كورمەسى اشىلدى
بۇگىن دۋشانبەدە «قازاقستاننىڭ ءبىلىم كۇنى» كورمەسى اشىلدى. بۇل جايىندا ەلىمىزدىڭ تاجىكستانداعى ەلشىلىگىنىڭ باسپا ءسوز قىزمەتىنەن ءمالىم ەتتى.
شارانىڭ سالتاناتتى اشىلۋ راسىمىندە قازاقستان ەلشىسى ن.سەيتىموۆ، تاجىكستان ءبىلىم جانە عىلىم ءمينيسترىنىڭ ءبىرىنشى ورىنباسارى ر.ميربوبويەۆ، «حالىقارالىق باعدارلامالار ورتالىعى» اق-نىڭ ۆيسە-پرەزيدەنتى ز.تورەبەكوۆا، رەسەي-تاجىك ۋنيۆەرسيتەتىنىڭ رەكتورى ن.ساليحوۆ جانە «قدسجم» قازاقستاندىق مەديسينالىق ۋنيۆەرسيتەتىنىڭ رەكتورى گ.توقمۇرزييەۆا ءسوز سويلەدى.
ەلشى سەيتىموۆ ءوز سوزىندە بۇل جولعى قازاقستاندىق ءبىلىم كورمەسىنىڭ سوڭعى جىلدار ىشىندەگى تاجىكستانداعى ەڭ اۋقىمدى شارا بولىپ وتىرعاندىعىن جانە ونىڭ ەكى ەل اراسىنداعى ءبىلىم بەرۋ سالاسى ىنتىماقتاستىعىنىڭ كەڭەيتۋگە باعىتتالعاندىعىن باسا ايتتى.
كورمەگە قازاقستاننىڭ «نازاربايەۆ» ۋنيۆەرسيتەتى، ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى، م.تىنىشبايەۆ اتىنداعى قازاق كولىك جانە كوممۋنيكاسيا اكادەمياسى سىندى 20-دان استام جەتەكشى جوعارى وقۋ ورىندارى تاجىك جاستارىنا ءوز مۇمكىنشىلىكتەرىن ۇسىندى.
ايتا كەتەرلىگى، بۇل شارا قازاقستاننىڭ ءبىلىم بەرۋ سالاسىنىع باسىمدىقتارى مەن ەلىمىزدىڭ جوعارى وقۋ ورىندارىنىڭ مۇمكىنشىلىكتەرىن تاجىك جاستارىنا تانىستىرۋ ماقساتىندا وتكىزىلىپ وتىر. كورمە قازاقستاننىڭ جوعارى وقۋ ورىندارىندا ەكىنشى جوعارى ءبىلىم الۋ مۇمكىنشىلىگىمەن قاتار، ەكى ەلدىڭ باكالاۆريات، ماگيستراتۋرا، اسپيرانتۋرا ءبىلىم باعدارلامالارىن سالىستىرۋعا جاعداي جاسايدى.
ەلشىلىك مالىمەتىنە سايكەس، قازاقستاننىڭ تاجىكستانداعى ەلشىلىگىنىڭ قولداۋىمەن «حالىقارالىق باعدارلامالار ورتالىعى» اق، تاجىكستان ءبىلىم جانە عىلىم مينيسترلىگى ۇيىمداستىرعان شارا ەكى كۇنگە سوزىلادى.
You Might Also Like
-
ق ر ءبىلىم جانە عىلىم مينيسترلىگى ەلوردا مەكتەپتەرىندە تۇلەكتەر كەشىن وتكىزۋگە، مۇعالىمدەرگە سىيلىققا، داستارحان جايۋعا اقشا جيناۋ تۋرالى قاۋەسەتكە تۇسىنىك بەردى.
-
«ەل بولىپ ولەڭ جىردىڭ تاقىرىبى، قاۋىشتى اۋىلىمەن اقىن ۇلى». بۇل ءبىر كەزدەگى مەكتەپ تۇلەگى، ەلدىڭ پەرزەنتى، بەلگىلى قالامگەر، جازۋشىلار وداعىنىڭ مۇشەسى، اقىن سەيىل بورانبايەۆپەن قوجاباقى ...
