![ەسەرسوق پەن قارت](http://infohub.kz/uploads/thumbnail/20240119212910364_big.png)
- 06 ءساۋ. 2015 00:00
- 193
ەسەرسوق پەن قارت
قۇرىلىستا ىستەيتىن ءبىر جاس جىگىت كۇشىنىڭ كوپتىگىمەن جانە ءوزىنىڭ اقىلدىلىعىمەن ماقتانىپ، كەز كەلگەن ادامدى سايىستا باسىپ وزاتىنىن، باسىم تۇسەتىنىن ايتىپ قويمايدى ەكەن. كۇندە ءوزىنىڭ وسى ۇستەمدىكتەرىن ايتىپ قاسىنداعى ارىپتەستەرىنىڭ مازاسىن قاشىرىپ جۇرەدى. تاعى بىردە وسىلاي تاكاپپارلىعىن پاش ەتە باستاعانىندا ارىپتەستەرىنەن ءبىر قارت كىسى شىداي الماي:
— جارايدى، مەن سەنىمەن سايىسقا تۇسەمىن، ءبىراق جەڭىلسەڭ ءبىر اپتالىق ايلىعىڭدى ماعان بەرەسىڭ. مەن اناۋ تۇرعان عيماراتقا دەيىن ارباعا سالىپ سونداي ءبىر زاتتى اپارامىن، سەن ونى سول ارباعا سالىپ قايتادان وسى جەرگە اكەلە المايسىڭ، كەلىسەسىڭ بە؟ — دەيدى قاريا.
— جارايدى اتا، كەلىسەمىن — دەپ جاۋاپتايدى جاس جىگىت. قارت كىسى اربا اكەلەدى دە الگى جىگىتكە:
— قانە، كەل ءمىن ارباعا! — دەگەن ەكەن.