كەسە ەمەس، بۇلاق بولۋعا تىرىس
ءبىر عۇلاما شاكىرتىنىڭ ءار نارسەدەن ۇنەمى شاعىمدانىپ جۇرەتىنىن كورىپ قالادى. سودان ءبىر كۇنى ول شاكىرتتى شاقىرتىپ الىپ، تۇزعا جىبەرەدى. ۇنەمى زارلانىپ جۇرەتىن شاكىرت تۇز الىپ كەلگەن كەزدە قاريا وعان ءبىر ۋىس تۇزدى ءبىر كەسە سۋعا ەرىتىپ ءىش دەيدى. شاكىرت بۇلجىتپاي ايتقانىن ورىنداسا دا، تۇزدى سۋدى كوپ ىشە الماي تۇكىرە باستايدى. “ءدامى قالاي ەكەن؟” دەپ سۇرايدى قاريا. شاكىرتى “اششى” دەپ جاۋاپ بەرەدى ىزالانىپ.
عۇلاما شاكىرتتى قولىنان ۇستاپ، جاقىن جەردەگى بۇلاققا الىپ بارادى. ءبىر ۋىس تۇزدى سۋعا قوسىپ، سول سۋدان دا ءىشىپ كورۋىن سۇرايدى. بۇلاقتىڭ ءمولدىر سۋىن ىشكەن شاكىرتتەن قايتادان سۋدىڭ ءدامىن سۇرايدى. “Tءاتتى” دەيدى شاكىرت. “تۇزدىڭ ءدامىن سەزدىڭ با؟” سۇراعىنا دا، “جوق” دەپ جاۋاپ بەرەدى. وسى كەزدە عۇلاما: “ومىردەگى قيىندىقتار وسى تۇز ءتارىزدى، از دا ەمەس، كوپ تە ەمەس – ۇنەمى بىردەي مولشەردە. بايقاعانىڭداي تۇزدىڭ نەنىڭ ىشىنە قويىلعاندىعى عانا ماڭىزدى. سول سياقتى، ومىردەگى پروبلەمالاردىڭ دا اششى بولىپ بولماۋى تەك سەنىڭ سەزىمدەرىنە بايلانىستى. “كەسە ەمەس، بۇلاق بولۋعا تىرىس“، – دەگەن ەكەن.
You Might Also Like
-
كۇنىنە قانشاما ميلليون ادام مالىمەت ىزدەۋ ءۇشىن گۋگل (Google) ىزدەۋ جۇيەسىن قولدانادى. ءبىراق، بۇل ادامداردىڭ كوبىسى گۋگلدان ىزدەۋدىڭ ءبىرشاما تاسىلدەرى بار ەكەنىن بىلمەيدى. سول ءبىرشاما تاسىلدەر تومەن...
-
بۇل بىلاي بولعان ەكەن. ەرتەدە مىناۋ، تومەن جاقتا ءبىر بيىك تاۋ بولىپتى. ول تاۋدان ءارى قاراي ەشبىر قۇس اسىپ وتە الماپتى. نەلەر ۇشقىر، قىران قۇستار تالاپتانىپ كورىپتى. ءبىراق، شامالارى كەلم...
