- 14 ءساۋ. 2015 00:00
- 198
ەسكى اقىندىق
مۇنى وقىعان ۇلاندار،
ۇمبەتەي جىرىن تىڭداڭدار!
بايقاپ وقىپ ءاربىرىن،
اقىلعا سالىپ بار سىرىن،
نە دەپ وتىر، كور ءتۇرىن.
ابىلايدىڭ الدىنا،
سالىپ وتىر، كوردىڭ بە،
باسىنان كەشكەن تاعدىرىن،
سىرتىن ۇقپا، مۇنى اڭعار!
بۇگىنگىلەر ايتسا جىر،
بۋىنى بىردەي ءبارى ءبىر.
ۇمبەتەيشە قۇبىلتىپ،
سالا المايدى باسقا ءتۇر.
تاقىلداتىپ ايتساق تا،
ۇيقاسقا جىلدام قايتساق تا،
اياقتى بىردەي باسساق تا،
شىقپايدى بىزدەن تەرەڭ سىر.
جىردىڭ جايىن بىلمەيتىن
بىزدە وسىنداي ىلاڭ بار.
ەسكى اقىن بىزدەن ءالى ارتىق،
ول كەزدە تۋعان بالا ارتىق،
جاسىمىزدان شال ارتىق،
تاقپاق پەن ماقال تاعى ارتىق،
سۋىرىپ سالما جاعى ارتىق.
ايتادى ولار ويلانباي،
سىپىرا جىراۋ، شورتانباي،
ۇمبەتەي مەن ماراباي،
الدى-ارتىنا قاراماي،
سوققاندا جىردى سۋىلداپ،
جەل جەتپەيتىن قۇلاندار!
ەسكى جىردىڭ ۇيقاسى –
ءبىرى قىسقا، ءبىرى ۇزىن،
بۋىندارى بۇزىق دەپ،
ءبىز باسپايمىز ول ءىزىن.
نەگە بۇلاي ايتتى دەپ،
سىنامايمىز نەگىزىن.
ويلاي كەلسەك، ەسكى جىر
سالادى تۇلپار ءجۇرىسىن،
مىنە، بايقا مۇنىسىن.
كەيدە جورعا، كەيدە جەل،
بۇلدىر قاعىپ اسار بەل.
كەيدە ارىنداپ، كەيدە شاپ،
ادىمىن الىس قۇلاشتاپ،
الادى كەيدە تىنىستى.
سولقىلداتىپ ءجۇرىستى،
وسىنداي جىردى ۇناڭدار!
ەسكى جىر كەيدە سيپاتتار
قىران قۇستىڭ ۇشقانىن.
قۇمارىنا قۇيىلىپ،
قاناتتى قومداپ قىسقانىن.
جەلگە قارسى جەلبىرەپ،
اسپانعا قايتا شىققانىن.
قايشىلاپ قانات قاققانىن،
اسىعىپ كەلە جاتقانىن،
اتىلعان وقتاي اققانىن.
كەيدە قاقپاي قاناتىن،
جۇلدىزداي اعار سىزىلىپ،
الدىڭعى تۇردەن بۇزىلىپ،
قاراسى كەتەر ءۇزىلىپ.
ەسكى جىردا كورنەۋ تۇر،
وسىنىڭ ءبارى ءبىلىنىپ،
اقىننىڭ سىرىن كىم اڭدار!
كەيدە كۇننىڭ رايىن،
سيپاتتاعان تۇسى بار
ءبىر ايى مەن ءبىر ايىن،
جازى، كۇزى، قىسى بار.
قارلى بوران، قارا جەل،
بۇلدىر قاعىپ اسار بەل.
جازعى ساعىم جاي تاڭداپ،
دەگەندەي بوپ مۇڭدا كەل.
كەيدە بۇرشاق، كەيدە قار،
كەيدە جاۋىن، كوپ نوسەر،
ءا دەگەنشە اشىلىپ،
اپتىققان جەلى باسىلىپ،
قۇلپىرماي ما تاۋ مەن جەر؟
ەسكى جىردى كورسەڭىز،
ويلانىپ كوڭىل بولسەڭىز،
سىرىنا باعا بەرسەڭىز،
تاڭ قالارلىق ءىسى بار،
كوڭىلدى تارتار كۇشى بار،
اسىقپاي تىڭداپ، شىداڭدار!
كەيدە جىرشى ايتادى
اق بوكەننىڭ ءجۇرىسىن.
زىرقىراپ بارىپ قايتادى،
الادى تاعى تىنىسىن.
ءتورت اياعى كورىنبەي،
بۇلدىراپ جەلەر ەرىنبەي.
كەيدە قارعىپ كەتەدى،
ىلعي جەلىپ، كەرىلمەي.
جارق بەرىپ، بۇلت ەتەدى،
بۇرىنعى بەتتەن بۇرىلىپ،
جەل-ساعىمداي قۇبىلىپ،
بارعان سايىن شىنىعىپ،
كەيدە اياڭداپ، تىنىعىپ،
ايتىلسا سوعان قيسىنىپ،
كەتەدى بويىڭ ءيسىنىپ.
ويناعانداي قۇلىن-تاي،
جىردا بولار تالاي جاي،
كەتپەڭىزدەر بايقاماي،
بولاسىڭ ءالى بۇعان زار!
كەيدە ايتادى اقىندار
جايدارى جەلدىڭ سوعىسىن.
قاتايىپ، كەيدە باياۋلار،
تۇرلەندىرىپ دولىسىن.
كەيدە اقىرىن سىبىرلاپ،
جيىلەۋ باسىپ، جىبىرلاپ.
اكەتەر الداپ ويدى ۇرلاپ،
كەيدە كەتەر سىرقىراپ.
قۇيىندايىن بۇرقىراپ،
تاعى دا جەلپىپ، ۋانتىپ،
جاس بالاداي قۋانتىپ،
اينالىپ كەلىپ باسادى،
باس قيسىننىڭ توعىسىن.
قاتە دەمە ونىسىن،
انىقتاپ ۇق سونىسىن،
شاتاق ۇقپا، شىن اڭعار!
كەي اقىندار مىسالدار
ءمولدىر سۋدىڭ اققانىن
ارىستانداي ارقىراپ،
كۇرىلدەپ كەلىپ، سارقىراپ،
باياۋلاپ بارىپ اقىرىن،
جاتادى كۇنگە جارقىراپ.
ءمىنىڭدى تىرناپ اشىتار،
جىگەرىڭدى تاسىتار،
ءتاتتى ءسوزى بالداي بوپ،
ناسيحاتى شامداي بوپ،
قاسيەتى قانداي كوپ،
ەلجىرەتىپ سۇيەكتى،
بەرگەندەي بوپ تىلەكتى،
قىشىعان جەردى قاسىتار.
مىنە، وسىنى ءبىلىپ ال!
جاقسى اقىننىڭ ءتىلى بال،
وتىرىك دەمە، ويعا سال!
وسىنى جاتتاپ ۇعىپ ال،
اقىندىققا قۇمارلار!
ۇمبەتەي جىرىن تىڭداڭدار!
بايقاپ وقىپ ءاربىرىن،
اقىلعا سالىپ بار سىرىن،
نە دەپ وتىر، كور ءتۇرىن.
ابىلايدىڭ الدىنا،
سالىپ وتىر، كوردىڭ بە،
باسىنان كەشكەن تاعدىرىن،
سىرتىن ۇقپا، مۇنى اڭعار!
بۇگىنگىلەر ايتسا جىر،
بۋىنى بىردەي ءبارى ءبىر.
ۇمبەتەيشە قۇبىلتىپ،
سالا المايدى باسقا ءتۇر.
تاقىلداتىپ ايتساق تا،
ۇيقاسقا جىلدام قايتساق تا،
اياقتى بىردەي باسساق تا،
شىقپايدى بىزدەن تەرەڭ سىر.
جىردىڭ جايىن بىلمەيتىن
بىزدە وسىنداي ىلاڭ بار.
ەسكى اقىن بىزدەن ءالى ارتىق،
ول كەزدە تۋعان بالا ارتىق،
جاسىمىزدان شال ارتىق،
تاقپاق پەن ماقال تاعى ارتىق،
سۋىرىپ سالما جاعى ارتىق.
ايتادى ولار ويلانباي،
سىپىرا جىراۋ، شورتانباي،
ۇمبەتەي مەن ماراباي،
الدى-ارتىنا قاراماي،
سوققاندا جىردى سۋىلداپ،
جەل جەتپەيتىن قۇلاندار!
ەسكى جىردىڭ ۇيقاسى –
ءبىرى قىسقا، ءبىرى ۇزىن،
بۋىندارى بۇزىق دەپ،
ءبىز باسپايمىز ول ءىزىن.
نەگە بۇلاي ايتتى دەپ،
سىنامايمىز نەگىزىن.
ويلاي كەلسەك، ەسكى جىر
سالادى تۇلپار ءجۇرىسىن،
مىنە، بايقا مۇنىسىن.
كەيدە جورعا، كەيدە جەل،
بۇلدىر قاعىپ اسار بەل.
كەيدە ارىنداپ، كەيدە شاپ،
ادىمىن الىس قۇلاشتاپ،
الادى كەيدە تىنىستى.
سولقىلداتىپ ءجۇرىستى،
وسىنداي جىردى ۇناڭدار!
ەسكى جىر كەيدە سيپاتتار
قىران قۇستىڭ ۇشقانىن.
قۇمارىنا قۇيىلىپ،
قاناتتى قومداپ قىسقانىن.
جەلگە قارسى جەلبىرەپ،
اسپانعا قايتا شىققانىن.
قايشىلاپ قانات قاققانىن،
اسىعىپ كەلە جاتقانىن،
اتىلعان وقتاي اققانىن.
كەيدە قاقپاي قاناتىن،
جۇلدىزداي اعار سىزىلىپ،
الدىڭعى تۇردەن بۇزىلىپ،
قاراسى كەتەر ءۇزىلىپ.
ەسكى جىردا كورنەۋ تۇر،
وسىنىڭ ءبارى ءبىلىنىپ،
اقىننىڭ سىرىن كىم اڭدار!
كەيدە كۇننىڭ رايىن،
سيپاتتاعان تۇسى بار
ءبىر ايى مەن ءبىر ايىن،
جازى، كۇزى، قىسى بار.
قارلى بوران، قارا جەل،
بۇلدىر قاعىپ اسار بەل.
جازعى ساعىم جاي تاڭداپ،
دەگەندەي بوپ مۇڭدا كەل.
كەيدە بۇرشاق، كەيدە قار،
كەيدە جاۋىن، كوپ نوسەر،
ءا دەگەنشە اشىلىپ،
اپتىققان جەلى باسىلىپ،
قۇلپىرماي ما تاۋ مەن جەر؟
ەسكى جىردى كورسەڭىز،
ويلانىپ كوڭىل بولسەڭىز،
سىرىنا باعا بەرسەڭىز،
تاڭ قالارلىق ءىسى بار،
كوڭىلدى تارتار كۇشى بار،
اسىقپاي تىڭداپ، شىداڭدار!
كەيدە جىرشى ايتادى
اق بوكەننىڭ ءجۇرىسىن.
زىرقىراپ بارىپ قايتادى،
الادى تاعى تىنىسىن.
ءتورت اياعى كورىنبەي،
بۇلدىراپ جەلەر ەرىنبەي.
كەيدە قارعىپ كەتەدى،
ىلعي جەلىپ، كەرىلمەي.
جارق بەرىپ، بۇلت ەتەدى،
بۇرىنعى بەتتەن بۇرىلىپ،
جەل-ساعىمداي قۇبىلىپ،
بارعان سايىن شىنىعىپ،
كەيدە اياڭداپ، تىنىعىپ،
ايتىلسا سوعان قيسىنىپ،
كەتەدى بويىڭ ءيسىنىپ.
ويناعانداي قۇلىن-تاي،
جىردا بولار تالاي جاي،
كەتپەڭىزدەر بايقاماي،
بولاسىڭ ءالى بۇعان زار!
كەيدە ايتادى اقىندار
جايدارى جەلدىڭ سوعىسىن.
قاتايىپ، كەيدە باياۋلار،
تۇرلەندىرىپ دولىسىن.
كەيدە اقىرىن سىبىرلاپ،
جيىلەۋ باسىپ، جىبىرلاپ.
اكەتەر الداپ ويدى ۇرلاپ،
كەيدە كەتەر سىرقىراپ.
قۇيىندايىن بۇرقىراپ،
تاعى دا جەلپىپ، ۋانتىپ،
جاس بالاداي قۋانتىپ،
اينالىپ كەلىپ باسادى،
باس قيسىننىڭ توعىسىن.
قاتە دەمە ونىسىن،
انىقتاپ ۇق سونىسىن،
شاتاق ۇقپا، شىن اڭعار!
كەي اقىندار مىسالدار
ءمولدىر سۋدىڭ اققانىن
ارىستانداي ارقىراپ،
كۇرىلدەپ كەلىپ، سارقىراپ،
باياۋلاپ بارىپ اقىرىن،
جاتادى كۇنگە جارقىراپ.
ءمىنىڭدى تىرناپ اشىتار،
جىگەرىڭدى تاسىتار،
ءتاتتى ءسوزى بالداي بوپ،
ناسيحاتى شامداي بوپ،
قاسيەتى قانداي كوپ،
ەلجىرەتىپ سۇيەكتى،
بەرگەندەي بوپ تىلەكتى،
قىشىعان جەردى قاسىتار.
مىنە، وسىنى ءبىلىپ ال!
جاقسى اقىننىڭ ءتىلى بال،
وتىرىك دەمە، ويعا سال!
وسىنى جاتتاپ ۇعىپ ال،
اقىندىققا قۇمارلار!