InfoHub Logo

ماقتا قىز بەن مىسىق

ماقتا قىز ءۇيىن جيناپ جۇرەدى. ءدان تاۋىپ الادى. ماقتا قىز مىسىقتى شاقىرادى.
ماقتا قىز: مىسىعىم مەنىڭ قايداسىڭ؟ مياۋ؟ كەلە عوي.
(ماقتا قىز جان - جاعىنا قارايدى. اشۋلانادى).
ماقتا قىز: كەلمەسەڭ، ءوز وبالىڭ وزىنە.
(ماقتا قىز ءداندى ءوزى جەپ قويادى. ءبىر كەزدە اسىقپاي مىسىق كەلەدى).
مىسىق: ماقتا قىز، سەن مەنى نەگە شاقىردىڭ؟
ماقتا قىز: ايتپايمىن.
مىسىق: ەندەشە مەن سەنىڭ قاتىعىڭدى توگەمىن.
(مىسىق ماقتا قىزدىڭ قاتىعىن توگەدى).
ماقتا قىز: سول ءۇشىن مەن سەنىڭ قۇيرىعىڭدى كەسىپ الامىن.
(ماقتا قىز مىسىقتىڭ قۇيرىعىن كەسىپ الادى).
مىسىق: بەرشى قۇيرىعىمدى؟
ماقتا قىز: قاتىعىمدى قايتارىپ بەر.
(مىسىق سيىرعا بارادى).
مىسىق: سيىر، سيىر، ماعان قاتىق بەرشى.
سيىر: مەنىڭ قارنىم اشتى. ماعان جاپىراق اكەلىپ بەرشى.
(مىسىق اعاشقا بارادى).
مىسىق: اعاش، اعاش، ماعان جاپىراعىڭنان بەرشى.
اعاش: مەن شولدەپ تۇرمىن، سۋ اكەلىپ بەرشى. سوندا مەن ساعان جاپىراق بەرەمىن.
(سۋ اكەلە جاتقان قىزعا كەلەدى).
مىسىق: ماعان سۋىڭنان بەرشى.
قىز: سەن ماعان ساعىز اكەلىپ بەرشى، مەن ساعان سۋ بەرەمىن.
(مىسىق دۇكەنگە بارادى).
مىسىق: دۇكەنشى، دۇكەنشى، ماعان ساعىز بەرىڭىزشى.
دۇكەنشى: سەن ماعان تاۋىقتىڭ جۇمىرتقاسىن اكەلىپ بەرسەڭ، مەن ساعان ساعىز بەرەمىن.
(مىسىق ابدەن شارشايدى. جۇمىرتقانى ىزدەپ، تاۋىقتارعا بارادى).
مىسىق: تاۋىق، تاۋىق، ماعان جۇمىرتقاڭنان بەرشى.
تاۋىق: مەنىڭ قارنىم اشتى، سەن ماعان ءدان اكەلىپ بەر.
(مىسىق نە ىستەرىن بىلمەي وتىرادى. ءبىر كەزدە ءىن قازىپ وتىرعان تىشقاندى كورەدى).
مىسىق: ۇيىڭدە نە بار؟ ايت تەز. ايتپەسە جەپ قويامىن.
تىشقان: ۇيىمدە ءبىر قاپ تارى بار.
(تىشقان قورقىپ تۇرادى).
مىسىق: ماعان ءبىر ۋىس تارى بەر:
تىشقان: ءما - ءا - ءا - ءا الا عوي.
مىسىق: تاۋىق، تاۋىق، مىنە ءدان ساعان.
تاۋىق: مىنە ساعان جۇمىرتقا.
(تاۋىق ءداندى الىپ، جۇمىرتقانى تارەلكەگە سالىپ بەرەدى).
مىسىق: دۇكەنشى، دۇكەنشى، مىنە جۇمىرتقا. ماعان ساعىز بەرىڭىزشى.
قىز: الاقاي، مىسىق ماعان ساعىز اكەلدى. مىنە ساعان ءبىر شەلەك سۋ.
(مىسىق سۋدى اعاشتىڭ تۇبىنە قۇيادى).
اعاش: و، راحات قانداي. مىنە ساعان جاپىراعىم.
مىسىق: سيىر، سيىر، جاپىراقتى ال. ماعان قاتىعىڭنان بەرشى.
مىسىق: ماقتا قىز، مىنە سەنىڭ قاتىعىن، ال.
ماقات قىز: كوردىڭ بە، مىسىعىم، ءدان جە دەپ شاقىرعاندا، كەلمەدىڭ. ايتقان ءتىلدى المادىڭ، قۇيرىعىڭنان ايىرىلدىڭ.
مىسىق: كە - ە - ە - ە - ءشىرشى، مياۋ - ۋ - ۋ. مەن ەندى بۇزىق بولمايمىن. ايتقانىڭدى تىڭدايمىن.
ماقتا قىز قاتىعىن الىپ، مىسىقتىڭ قۇيرىعىن قايتارادى. ءسويتىپ، ەكەۋى تاتۋ دوس بولىپ قالدى.
ەرتەگىلەر ەلىنە ساياحات، ەرتەگىلەر جيناعى