ماتۆيەنكو ەاەو ەلدەرىنىڭ ستۋدەنتتەرىنە رف وقۋ ورىندارىنداعى كۆوتانى كوبەيتۋدى ۇسىندى
فەدەراسيا كەڭەسىنىڭ سپيكەرى ۆالەنتينا ماتۆيەنكو ەاەو ەلدەرىنىڭ ستۋدەنتتەرىنە رف ءبىلىم وشاقتارىنداعى تەگىن ورىندار سانىن ۇلعايتۋدى ۇسىندى، دەپ حابارلايدى ريا نوۆوستي.
«ەاەو ەلدەرىنىڭ ستۋدەنتتەرى ءۇشىن تەگىن ورىندار سانىن كوبەيتۋ ماسەلەسىن تالقىلاۋدى ۇسىنامىن»، - دەدى ماتۆيەنكو فك ءتوراعالىعىنداعى ينتەگراسيالىق كلۋب باسقارماسىنىڭ وتىرىسىندا.
ونىڭ ايتۋىنشا، جاستاردىڭ، سونىڭ ىشىندە ەاەو ەلدەرى ستۋدەنتتەرىنىڭ رەسەي وقۋ ورىندارىنا دەگەن ىقىلاسى زور، ءبىراق شەتەل ستۋدەنتتەرىنە ارنالعان تەگىن ورىندار سانى از.
«ەاەو ەلدەرى، تمد ەلدەرى جاستارىنىڭ ءبىزدىڭ وقۋ ورىندارىمىزعا دەگەن ايرىقشا ىنتىزارلىعىن نازاردان تىس قالدىرماۋ كەرەك»، - دەدى ول.
بۇدان بولەك، فەدكەڭەس سپيكەرى پەداگوگيكالىق وقۋ ورىندارىمەن، اسىرەسە ستۋدەنتتەر الماسۋ باعىتىندا تىعىز قارىم-قاتىناس ورناتۋدى ۇسىندى.
You Might Also Like
-
امەريكالىق عارىشكەر حالىقارالىق عارىش ستانسياسىندا كاپيلليارلىق سۋسىندارعا ارنالعان ارنايى توستاعاننىڭ كومەگىمەن كوفە ازىرلەۋگە بولاتىندىعىن ايتىپ بەردى.
-
بالا-ادامنىڭ كەلەشەگى، بالانى تاربيەلەۋ، قوعامنىڭ ساپالى مۇشەسى ەتىپ ءوسىرۋ اتا-انانىڭ ارداقتى بورىشى. بالا جاسىندا قالاي تاربيەلەنسە، ەسەيگەندە سونى ىستەيدى. حالقىمىزدا «بالانى جاستان» ...
