InfoHub Logo

«كسەلل» كومپانياسى مەن «WikiBilim» قوعامدىق قورى «قازاقستاننىڭ اشىق ۋنيۆەرسيتەتى» ءبىلىم بەرۋ ونلاين جوباسىن ىسكە قوسۋ جۇمىسىن باستايدى. الماتىدا وتكەن ەلىمىزدەگى ونلاين ءبىلىم بەرۋدى دامىتۋ باعىتتارىنا ارنالعان دوڭگەلەك ۇستەلدە وسىنداي مالىمدەمە جاسالدى، دەپ حابارلادى jasqazaq.kz.

«WikiBilim» قوعامدىق قورى پرەزيدەنتى نۇربەك ءماتجانيدىڭ ايتۋىنشا، بۇگىندە ينتەرنەت قولدانۋشىلارى 5000-نان استام ءتۇرلى ونلاين كۋرستى پايدالانا الادى. وقىتۋ ماتەريالدارى بار ەڭ تانىمال الاڭدار- Coursera، EdX، Udacity. ءبىراق بۇلاردىڭ كوپ بولىگى اعىلشىن تىلىندە.

 «تەحنولوگيالار ارقاسىندا ءبىلىم بەرۋ ءىسى وزگە دە كوپتەگەن قىزمەت ءتۇرى سياقتى دەربەستەندىرىلىپ كەلەدى. بۇگىندە كۋرس وقۋشىلار قاشان، قاي كەزدە وقۋ كەرەكتىگىن جانە وتكەن ماتەريالدارىن نەشە رەت قايتالاۋ كەرەك ەكەنىن ءوزى تاڭدايدى. مۇنىڭ ءبارى ديپلوم ءۇشىن ەمەس، ءبىلىم الۋ ءۇشىن وقيتىندارعا، ءومىر بويى ءبىر رەت قانا ءبىلىم الۋدى كوزدەيتىندەرگە ەمەس، ۇنەمى جەتىلىپ، دامۋعا تىرىساتىندارعا قولايلى»، دەيدى «WikiBilim» قوعامدىق قورى قامقورشىلىق كەڭەسىنىڭ ءتوراعاسى راۋان كەنجەحان ۇلى.

«قازاقستاننىڭ اشىق ۋنيۆەرسيتەتى»- ەلىمىزدىڭ جەتەكشى جوعارعى وقۋ ورىندارى وقىتۋشىلارىنىڭ ۆيدەو دارىستەرىن تەگىن تىڭداۋعا مۇمكىندىك بەرەتىن ونلاين الاڭ. ءبىرىنشى كەزەڭدە تەلەكوممۋنيكاسيالار بويىنشات 10 كۋرستى ىسكە قوسۋ جوسپارلانىپ وتىر. سول سياقتى پورتالدا وسى كۋرستى دايىنداۋ بارىسىندا قولدانىلعان وقۋلىقتار اشىق ورنالاسادى.  سونىمەن قاتار ءدارىس ماتەريالدارىنىڭ 80% -دان استامى قازاق تىلىندە ۇسىنىلادى. الداعى ۋاقىتتا مامانداندىرىلعان كۋرستاردىڭ سانى ارتىپ وتىرادى. جوبانى جاساۋشىلار قولدانۋشىلارعا وسىنداي الاڭدارعا ارنالعان ەڭ وزىق قىزمەتتەر جيىنتىعىن ۇسىنادى.  

بۇل جوبا الەمنىڭ جەتەكشى ۋنيۆەرسيتەتتەرى - گارۆارد ۋنيۆەرسيتەتى مەن ماسساچۋسەتس تەحنولوگيا ينستيتۋتىنىڭ تاندەمىمەن جاسالعان Open EdX پلاتفورماسى نەگىزىندە ىسكە اسىرىلادى. جيىن بارىسىندا ءسوز العان فيزيكا-ماتەماتيكا عىلىمدارىنىڭ دوكتورى،  اكادەميك اسقار جۇمادىلدايەۆ، بۇل باستامانى كوتەرىپ وتىرعان جاستارعا ريزاشىلىعىن ءبىلدىردى. ول قازىرگى قوعامنىڭ ورنىن وسى اشىق ۋنيۆەرسيتەت باساتىنىن ايتتى. بۇكىل دۇنيە ءجۇزى قولدانا باستاعان اشىق ۋنيۆەرسيتەتتىڭ ءبىزدىڭ ەلدە دە  ماڭىزى ەرەكشە ەكەنىنە توقتالدى. ءار جىل سايىن ءبىلىم دەڭگەيى وزگەرىپ وتىراتىندىقتان، زامان تالابىنا ساي بولۋىمىزدى دا اتاپ ءوتتى.  دوڭگەلەك ۇستەل بارىسىندا جاڭا جوبانىڭ مۇمكىندىكتەرى مەن ونىڭ جۇزەگە اسىرىلۋى تالقىلاندى.

---