مەكتەپ اتلاسىنىڭ اۆتورلارى قازاقستانعا استراحان وبلىسىن «سىيلادى»
مەملەكەتتىك ءتىزىلىم فەدەرالدىق قىزمەتىنىڭ شەنەۋنىكتەرى ماسكەۋ دۇكەندەرى سورەسىنەن قاتەلەرگە تولى مەكتەپ اتلاسىن تاپتى.
«موسكوۆسكيي كومسومولەسكە» (مك) اتالمىش فەدەرالدىق قىزمەتتىڭ ماسكەۋلىك باسقارماسىنان ءمالىم ەتكەندەي، ۆەدومستۆو ماماندارى سيرەك كەزدەسەتىن مەكتەپ اتلاسىن ۇستىمىزدەگى جىلدىڭ ساۋىرىندە تاپقان. شەنەۋنىكتەر كەزدەيسوق تاڭداۋ ارقىلى بىرنەشە اتلاس ساتىپ العان. ولاردىڭ اراسىندا «سەگىزىنشى سىنىپقا ارنالعان رەسەيدىڭ فيزيكالىق گەوگرافياسى» كىتابى بولعان. 2016 جىلى قايتا باسىپ شىعارىلعان اتلاستىڭ سوڭعى نۇسقاسىن 160 رۋبلگە ساتىپ الۋعا بولادى.
ءارىپ قاتەلەرىنەن بولەك، اتلاس قۇراستىرۋشىلارى رەسەي اۋماعىنىڭ ءبىر بولىگىن قازاقستانعا قوسىپ جىبەرگەن. سونداي-اق فينليانديا مەن فين شىعاناعى اراسىنداعى شەكارانى سىزۋدى ۇمىتىپ كەتكەن.
«ونىمەن قوسا، قىتايمەن شەكارانى سىزۋدا اۆتورلار 2008 جىلعى ديپلوماتيالىق حاتتامامەن ەنگىزىلگەن وزگەرىستەردى ەسكەرمەگەن»، - دەپ جازدى «مك».
سوت شەشىمىمەن كومپانياعا 100 مىڭ رۋبل كولەمىندە ايىپپۇل سالىندى.
You Might Also Like
-
ورتالىق جانە شەتكەرگى جۇيكەلەردىڭ زاقىمدانۋىنا بايلانىستى جۇيكە اۋرۋلارى ەكىگە بولىنەدى. ورتالىق جۇيكە (مي جانە جۇلىن) ىندەتىنە شالدىققاندا ورگانيزمدە ايتارلىقتاي ورگانيكالىق وزگەرىستەر بايقالادى. ...
