- 05 ناۋ. 2024 04:42
- 326
مەنىڭ وقىتۋ فيلوسوفيام
مەنىڭ وقىتۋ فيلوسوفيام
دۇنيەدەگى ماماندىق اتاۋلىنىڭ تورەسى – ۇستاز. ۇستاز - ول بارلىق ماماندىق يەسىن تاربيەلەيتىن، وقىتاتىن ماماندىق. ۇستاز بەرگەن تاربيە ءاربىر جاننىڭ ومىرىنە جول سىلتەر شامشىراق سەكىلدى. قاي ماماننىڭ يەسىن الىپ قاراساقتا بارلىعى ۇستازدىڭ الدىنان ءبىلىم، تاربيە العان. سوندىقتان بارلىق ادام بالاسى ۇستازداردىڭ الدىندا باسىن يەدى.مەن جاس مامان رەتىندە ۇستازدىق جولىم ءالى قالىپتاسىپ جاتىر دەپ تۇسىنەمىن... پەداگوگ قانشا جەردەن ءبىلىمدى بولسادا، زامان تالابى بويىنشا ادامداردىڭ كوزقاراسىدا وزگەرىپ جاتىر جانە سوعان وراي ادامداردىڭ تالابى قويار سۇراعىدا وزگەرىپ جاتىر.
ۇستازدىڭ ەڭ باستى سىرى – بالانىڭ جۇرەگى مەن جانىن تۇسىنە ءبىلۋ. بالا جۇرەگى كىرشىكسىز تازا، سول جۇرەكتى ۇستاز ودان ءارى جاقسىلىق پەن مەيىرىمگە، بىلىمگە تولتىرا ءبىلۋ كەرەك. «دۇنيەدەگى عاجايىپتاردىڭ ىشىندەگى، ەڭ عاجايىبى - جاقسى تاربيەلەنگەن ادام» - دەپ دانالارىمىز ايتقانداي، دۇرىس ادام تاربيەلەۋ - بۇگىنگى ۇستازدىڭ باستى مىندەتى.
مەنىڭ قازىرگى ۇستازدىق جولىم №40 جالپى ءبىلىم بەرەتىن مەكتەپتە اعىلشىن ءتىلى ءمۇعالىمى رەتىندە ءوتىپ جاتىر. سونىمەن قاتار 10 «ءا» سىنىبىنىڭ جەتەكشىسىمىن. ومىردەگى ەڭ قيىنى، ءارى ەڭ قىزىعى اداممەن قارىم – قاتىناس جاساۋ ەكەنىن، مەكتەپتەگى پەداگوگيكالىق ءۇردىس بارىسىندا ءبىلدىم. بالا جانى تازا تاقتا بولسا، سول تاقتاعا ۇستازدىڭ نە جازۋىنا بايلانىستى الدىندا وتىرعان وقۋشى، ەرتەڭگى ۇلكەن ازاماتتىڭ تاعدىرى سوعان بايلانىستى. وسىنداي جاعدايلاردى ساراپتاي كەلە، ۇستازدىڭ جاۋاپكەرشىلىگى ۇلت الدىندا، ۇرپاق الدىندا وراسان زور.
ۇستازدىقتى جۇرەگىمەن سەزىنگەن ادامعا ۇستاز - كيەلى ماماندىق. مەن پەداگوگ رەتىندە وقۋشىلاردى تاربيەلەۋدە حالقىمىزدىڭ عاسىرلار بويى كەلە جاتقان ۇلتتىق قۇندىلىقتارى مەن سالت - ساناسىن بويىنا ءسىڭىرىپ، ويىنا ۇيالاتۋعا تىرىسامىن. ادام تاربيەلەۋ وعان عىلىمي نەگىزدەرمەن مالىمەت بەرۋ، بالانى ءومىر سۇرۋگە ۇيرەتۋ - وتە قيىن ەكەنى بەلگىلى. ءمۇعالىم ءوز بالاسىنان بۇرىن وزگەنىڭ بالاسى ءۇشىن جاراتىلعان جان دەپ بەكەر ايتىلماسا كەرەك.
مەنىڭ ماماندىعىما دەگەن قىزىعۋشىلىقتىڭ، دۇرىس كوزقاراستىڭ قالىپتاسۋىنا ارىپتەس ۇستازدارىمنىڭ ءرولى ەرەكشە. ۇجىمداعى تاجىريبەلى پەداگوگتاردان ۇلگى - ونەگە الامىن. مەنىڭ ءبىر تۇسىنگەنىم ءار تاڭدا جۇمىسىنا، مەكتەپكە، وقۋشىعا اسىعا جەتكەن ۇستاز، ول – ۇلكەن جۇرەكتى ۇستاز.