مۇراگەر

ءبىر شالدىڭ ءتورت ۇلى بولىپتى. ءبىر كۇنى شال ۇلدارىن جيناپ الىپ:

— مەن قارتايدىم. بىرەۋىڭنىڭ ءۇي يەسى بولاتىن ۋاقىتتارىڭ جەتتى. كىمنىڭ اقىلى بايلىعىنا ساي بولسا، سول مۇراگەرىم بولادى. ءار قايسىڭ ماعان بايلىقتارىڭ مەن اقىلدىلىقتارىڭدى كورسەتۋلەرىڭ كەرەك،— دەيدى.

ۇلكەن ۇلى اسىل تاس سالعان جۇزىگىنىڭ كوزىن كورسەتىپ:
— مىنە، مەنىڭ بايلىعىم. ال كىم باي بولسا، سول اقىلدى،—دەيدى.

ەكىنشى ۇلى اسىل كيىمدەرىن كيىپ، ادەمىلەنىپ كەلەدى دە:
— مەنى وسى تۇرىمدە كورگەندەر اقىلىم مەن بايلىعىمنىڭ الدىندا باس يەدى،— دەيدى.

ءۇشىنشى ۇلى كۇمىسپەن جانە التىنمەن اپتالعان بەلدىگىن بۋىنادى دا:
— مۇنداي بەلدىكتى ەشكىم، ەشقاشان بۋىنىپ كورگەن ەمەس،—دەيدى.

اكەسى ۇلكەن بالالارىنا قاراپ، باسىن شايقايدى دا، ەڭ كىشى ۇلىنا بۇرىلىپ:
— سەن نەگە ۇندەمەيسىڭ؟ سەن قانداي بايلىعىڭمەن ماقتاناسىڭ؟— دەيدى.
سوندا كەنجەسى:
— مەندە اسىل تاستى جۇزىك تە، ءساندى كيىم دە، التىن-كۇمىسپەن اپتالعان بەلدىك تە جوق. تەك جۇمىسقا جارامدى ەكى قولىم بار، قايرات-جىگەرگە تولى جۇرەگىم بار،— دەيدى.

شالعا كەنجە بالاسىنىڭ تاپقىر دا ويلى ءسوزى ۇنايدى.
— جۇمىس ىستەي بىلگەن ادام جۇتامايدى، -دەپ، ءوزىنىڭ كەنجە ۇلىن ءۇي شارۋاسىن باسقارۋعا مۇراگەرلىككە اتايدى.

ۇلكەن بالالارىنا ءىنىسىنىڭ ايتقانىنان شىقپاي، تالابىن ورىنداۋدى وسيەت ەتەدى.

نازار اۋدار:

ءولى مەن ءتىرىنىڭ دوستىعى تۋرالى اڭىز

سابيگە ءومىر سىيلاعان قۇدىرەت


You Might Also Like