ناۋرىز تۋرالى تاقپاق - 22 ءاز ناۋرىز قۇتتى بولسىن!

ناۋرىز – جاڭارۋ مەن جاڭا باستاۋدىڭ مەرەكەسى،
قۇت، بەرەكە اكەلسىن ءاربىر وتباسىعا كوركەم ەسى.
بۇل كۇنى بارشا حالىق بىرلىك پەن تاتۋلىقتى سەزىنسىن،
ءار ۇيگە شاتتىق، مەرەكە قۇشاعىن كەڭگە جايسىن.

كوكتەمنىڭ العاشقى كۇنى، ناۋرىزدىڭ جىلى لەبى،
ءار جۇرەكتە ءۇمىت وتىن جاعادى، جىلۋ سىيلاپ بارىنە.
قىسقى قاردىڭ ەرىگەنىندەي، مۇڭ-مۇقتاج دا جوق بولسىن،
باقىت پەن شاتتىق مەكەن ەتسىن، ءار شاڭىراققا قونسىن.

ناۋرىز كوجە داستارحاندا، كوڭىلدەردە مەيرام بار،
دوستىقتىڭ، ماحابباتتىڭ ۇرانىمەن ءارقاشان العا قاراي ءجۇر.
ءاز ناۋرىز – بەيبىتشىلىك پەن تۇسىنىستىكتىڭ سيمۆولى،
وسى كۇنى قۋانىشپەن بولىسەيىك، دوستارىم، بارلىعىمىز بىردەي بولىپ.

قۇتتى بولسىن ناۋرىز مەرەكەڭ، قۋانىشقا تولسىن ءۇي،
دەنساۋلىق، باقىت، ساتتىلىك جولداس بولسىن كۇن سايىن سىزگە مۇلدە.
بۇل كۇنى قايىرىمدىلىق پەن مەيىرىمدىلىك ۇستەم بولسىن،
ناۋرىز – جاڭا باستاۋدىڭ، ماحاببات پەن ءۇمىتتىڭ مەرەكەسى قولسىن!

جىل باسى – ناۋرىز مەرەكە،

اق نۇرعا الەم بوياندى.

ناۋرىز تويى بەرەكە

تىرشىلىك جاڭا وياندى!

 

جىلدىڭ باسى ناۋرىز،

جەردىڭ باسى ناۋرىز.

مەرەكەگە ارنالسىن

بۇگىنگى جىر- ءانىمىز.

 

ۋا، اعايىن حالايىق،

مۇندا نازار سالايىق!

مەرەكەسى حالىقتىن

ناۋرىز تويى باستايىق!

 

ناۋرىز كەلدi ەلiمە،

ناۋرىز كەلدi جەرiمە.

بايلىق، باقىت تiلەيمiن،

بۇكiل قازاق ەلiنە.

 

جىلدىڭ باسى ناۋرىز،

جەردىڭ باسى ناۋرىز.

مەرەكەگە ارنالسىن

بۇگىنگى جىر- ءانىمىز.

 

ناۋرىزبەن قۇتتىقتاپ،

الىس جاقىن قاۋتىشتى.

كوكتەمدەگى جارقىن ءسات،

كوڭىلدەرگە اۋىستى

 

ناۋرىز تويىم، ناۋرىز تويىم.

قۇتتى بولسىڭ حالايىق!

قانە، دوستار، قانە، دوستار،

شىرقاپ انگە سالايىق.

 

كوكتەم كەلدى، بالاقاي،

جاساردى جەر، الاقاي.

ناۋرىز تويىن تويلايىق،

اسەم انگە سالايىق.

 

ناۋرىز تويى — تاماشا،

ناۋرىز تويى — جاڭاشا.

تابيعات تا تاماشا،

تامىلجىپ تۇر جاراسا.

 

ناۋرىز كەلدى سان قۇرىپ

جاسارىپ جاڭعىرىپ

قۇلپىردى جەر مەن كوك

مەيرىم تاڭ كۇلىپ.

 

ناۋرىز تويى — سالتانات،

ناۋرىز تويى — مارحابات.

ءار جۇرەكتەن ءان تاراپ،

شاتتانادى شارتاراپ.

 

قىس ءوتىپ، قار كەتىپ،

شىرايلى جاز جەتىپ،

شارۋانىڭ كەنەلگەن

مەيرامى ەجەلدەن –

قۇتتى بولسىن، ناۋرىز!

 

اق قار كەتىپ قىس ءوتىپ،

شىرايلى شۋاق جاز جەتىپ.

شارۋانىڭ ۇلى كەنەلگەن.

كۇن مەيرامى ەجەلدەن –

قۇتتى بولسىڭ بۇل ناۋرىز!

 

ناۋرىز – بۇل مەرەكە

قۇتتى بولسىن بەرەكە

قىدىر اتا كەلسىن

جاقسى تىلەك اكەلسىن.

 

ناۋرىز كوكتەم، ناۋرىز جىر،

انا مەيرىم، شۋاق نۇر.

جان يەسىن جاڭارتقان،

اققان بۇلاق، نازىك سىر.

 

ناۋرىز الەم، ناۋرىز قۇس،

سۇلۋ دالا، ساعىم ءتۇز.

سامعاي ۇشقان قارىلعاش،

اققۋ قازدار مامىق ءتوس.

ناۋرىز دالا، ناۋرىز گۇل،

تەنتەك سەزىم، ءۇنسىز ءتىل.

اق قايىڭنىڭ اياسىندا ايقاسقان،

بالۋان بىلەك، قىپشا بەل.

 

ناۋرىز جاۋىن، ناۋرىز ءسان،

اسەم اۋەن، سازدى ءان.

قىز بوزبالا قىدىرعان،

جاcىل جەلەك، كوك اسپان.

 

ناۋرىز سامال، ناۋرىز تاڭ،

قالىڭ ورمان ۇيقىسىنان ويانعان.

ساعىنىشپەن قاۋىشتىرعان جۇپتاردى،

جىلدىڭ باسى، ون ەكى ايدا توعىسقان.

 

ناۋرىز كەلدى الاقاي،

كەل بيلەيىك بالاقاي،

بىزدە قاراپ تۇرمايىق،

تويعا شاشۋ شاشايىق!

 

توي دۋمانعا كەلىڭىز،

تاماشالاپ كورىڭىز،

ءان ايتايىق ءبارىمىز،

قول سوعايىق ءبارىمىز!

 

ناۋرىز تويى — ەلدىڭ تويى،

كوكتەم تويى — ءتولدىڭ تويى.

ءان ايتاتىن كۇنى بويى

جاقسى كورەم ناۋرىز تويىن!

 

ناۋرىز كەلدى — جىل كەلدى

تىرىلتۋگە گۇلدەردى.

ساندەنەدى انالار

سابيلەرمەن بىرگە ەندى.

ناۋرىز كەلدى، نۇر كەلدى،

تۇگەل ايماق تۇرلەندى.

باقشاداعى اپايلار

تويعا ءازىر بوپ ۇلگەردى.

 

— جاقسى ما، اتا، قالىڭىز؟

— مەنىڭ اتىم ناۋرىز،

بالداي ءتاتتى سارىۋىز

الىپ كەلدىم —

الىڭىز!

 

ناۋرىز تويىنا ارنالعان ولەڭدەر توپتاماسى
ۇلىس كۇنى
ماقسۇت نەتالييەۆ
سۋ جىلتىراپ ءبۇرىن اشقان جاس تالدان،
بۋ بۇرقىراپ قاتىپ قالعان تاستاردان.
كۇن كۇركىرەپ، جاسىن ويناپ اسپاننان،
بار تىرشىلىك ناۋرىزدان باستالعان!

ەل دە تىنىش!
جەر دە تىنىش – بۇل كۇنى،
كورەمىز تەك قۋانىش پەن كۇلكىنى.
تابىسقان جۇرت تانىس تاۋىپ جاتادى،
جامالعانداي جۇرەكتەردىڭ جىرتىعى!

ساف تىيىلىپ سارىارقانىڭ بورانى،
كۇن ورلەيدى كۇمبەزىنەن جوعارى.
ناۋرىزدىڭ جيىرما ەكىسى تولعاندا،
توعىسادى توعىز جولدىڭ تورابى...

جىلعالاردان سۋ اققاندا سىرعاناپ،
شاڭ - توزاڭنان تازارادى نۇرلى الاپ.
تولتىرادى شاڭىراقتىڭ شاتتىعىن –
ناۋرىزباي، ۇلىسجاندار – ىڭگالاپ؟!

جالعاسادى جاقسىلىقتار – «ءيا، ءسات!»
قارلىعاشتار ءۇي سىرتىنا ۇيا ساپ –
جۇرسە، باقىت قوناتىنىن حابارلاپ،
بۇلت كوشەدى اق جاڭبىرىن قۇيا ساپ!

جات بوپ بۇرىن باستارى ەشبىر قوسىلماي،
جۇرگەن جاندار تانىس تاپسا – دوسىنداي.
ول – وسىناۋ ناۋرىزدىڭ ارقاسى! –
«ۇلىس كۇننىڭ» شاپاعاتى وسىنداي!

******
شاكارىم قۇدايبەردى ۇلى
ۇلىستىڭ ۇلى كۇنىندە،
باي شىعادى بالبىراپ.
قاسىندا جاس جەتكىنشەك،
تۇلىمشاعى سالبىراپ.
كەلىنشەك شىعار كەرىلىپ،
ساۋكەلەسى ساۋدىراپ.
قىز شىعادى قىلميىپ،
ەكى كوزى جاۋدىراپ.
بوزبالا شىعار بۇرقىراپ،
اقبوكەندەي سىرقىراپ.
قۇل قۇتىلار قۇرىقتان،
كۇڭ قۇتىلار سىرىقتان.
كەتىك ىدىس، ءشومىشتىڭ،
ءتۇتىنى شىعار بۇرقىراپ.

*****
ناۋرىز
ب. تۇسىن قىزى
ناۋرىز مەنىڭ ەلىمنىڭ بەرەكەسى،
جاڭا جىلى قازاقتىڭ مەرەكەسى.
شاڭىراعى بيىكتەپ كۇنگە جاقىن،
ۇلاڭعايىر كەرىلسىن كەرەگەسى.

قىمبات بىلگەن ادامعا ءسوز ونەرى،
بۇرق - سارق ەتىپ قايناسىن كوجەلەرى.
جاڭا جىلدا ەلىمنىڭ كوركى ءوسىپ،
گۇلگە تولسىن كوگەرىپ كوشەلەرى.

شات كۇلكىگە شومىلىپ زاماندارى،
باقىت كەشسىن عايىپتان ادامدارى.
ءاربىر جاننىڭ ارمانى ورىندالىپ،
ءساتتى بولسىن بيىلعى قادامدارى.

ەل - جۇرتىمنىڭ تىلەۋىن تىلەسەيىك،
جاڭا جىلدا قالايىق ءبىر ەسەيىپ.

*****
ناۋرىزىم
يبراگيم يسايەۆ
اقبوز ءۇيدى ۇلپىلدەتكەن،
بوز دالانى بۇلكىلدەتكەن.
قۋانىشتى كۇلكىڭ – كوكتەم،
اسەم ەدىڭ، شىركىن، نەتكەن،
ناۋرىزىم!

قۇلپىرادى ءساندى باقتار،
جۇلقىنادى ارعىماقتار.
سىلقىلدايدى بال بۇلاقتار،
مەرەكەمسىڭ ماڭگى ماقتار،
ناۋرىزىم!

جارقىراتتىڭ شىعىس كۇنىن،
بار ادامدار تۋىس بۇگىن.
تىلەپ ەلدىڭ تىنىشتىعىن،
جۇرەكتەردە ءجۇر ۇشقىنىڭ،
ناۋرىزىم!

اڭساپ جۇرسەڭ وسى كۇندى،
اشىپ تاستا ەسىگىڭدى.
بولايىقشى كەشىرىمدى،
ءان تەربەتسىن بەسىگىڭدى،
ناۋرىزىم!

بۇل الەم قالعىعانداي،
ۇشتى كوككە ءان قىرانداي.
ناۋرىز كوجە ءدامدى بالداي،
سەنىڭ كوشىڭ ءساندى قانداي،
ناۋرىزىم!

اتالاردىڭ – قارا ناردىڭ،
اق جاۋلىقتى انالاردىڭ.
باس يەتىن ساعان ءار كۇن،
اق باتاسىن الا بارعىن،
ناۋرىزىم!

عاشىقتاردىڭ ءتۇر - تۇسىندە،
سابيلەردىڭ كۇلكىسىندە.
ەل ءۇشىن دە، جۇرت ءۇشىن دە،
قارا جەرگە كىر تۇسىرمە،
ناۋرىزىم!

******
ناۋان ناۋرىز، ارمىسىڭ!
ساعىنعالي سەيىتوۆ
ناۋرىز كەلدى، كوكتەم كەلدى اعايىن،
جادىرايدى، جاڭعىرادى ماڭايىم.
نازدى، سازدى ناۋان ناۋرىز، ارمىسىڭ؟
سۇلۋ ءمۇسىن ساعان بىتكەن بار ءمۇسىن.

قاينارىنداي قالىڭ قۋات، قايراتتىڭ،
سەن كەلدىڭ دە عالامشاردى جايناتتىڭ.
تىرشىلىككە ءتىل ءبىتىرىپ وزگەشە،
دۇنيەنىڭ بۇلبۇلدارىن سايراتتىڭ.

******
ناۋرىز
ماقتىم ۇلى
اۋدارعان دۇيسەنبەك قاناتبايەۆ
جەتكەن كەزدە ناۋرىزىمىز جاپان بىتكەن جاڭعىرار،
تۇمان ورناپ، تاۋ باسىن اسپان ءۇرپى سالبىرار.
جانسىزدارعا جان ءبىتىپ، اۋەن بيلەپ ماڭدى بار،
جەر كوگەرىپ، ءشوپ قاۋلاپ، مەرەيىن ءبىر قاندىرار.
كۇنگە توسىپ ارقاسىن جان - جانۋار البىرار،
اۋناپ - قۋناپ بارلىعى جەرگە تۇگىن قالدىرار.
كەلە سالا ناۋرىزىم جوق نارسەنى بار قىلار!

جاپان ءشولىن قاندىرىپ، نۇر تارايدى قۋىسقا،
تاقىرلاردا قاق تۇرىپ، سۋ تولادى ىدىسقا.
قوزعالعاننىڭ ءبارى دە ءبىرى شەبەر، ءبىرى ۇستا،
بۇلبۇل سالسا انىنە، يلەۋ سالدى قۇمىرسقا.
ءوز داۋىسىن بىرەۋى ەستىرتۋگە تىرىسسا،
تۋماي جاتىپ بىرەۋى شىعار سىندى ۇرىسقا،
كەلە سالا ناۋرىزىم ءومىر زاڭىن جار قىلار.

بار تىرشىلىك وسىلاي جاتقان كەزدە جاڭعىرىپ،
مەن وتىرمىن وڭاشا، كوڭىل جۇدەپ، ءال قۇرىپ.
اقيقاتقا تابىنعان ءومىر سۇرەر ماڭگىلىك،
ماحابباتتان ادا جان – قالار ءتۇبى قاڭعىرىپ.
كوكتەم باستا تۇرعاندا ءبارى دە ءبىر اڭگۇدىك،
ەرتەڭ كوكتەم كەتكەن سوڭ قالامىز با ساندى ۇرىپ،
كەلە سالا ناۋرىزىم ءتاتتىنى دە ءزار قىلار.

ماقتۇمق ۇلى، مۇقالما، بۇل ءفانيدىڭ ماقامى،
ءبارى - ءبارى بايانسىز، سول جانىما باتادى.
كونشىمەيدى كوڭىلىم، كوكىرەگىم قاپالى،
تاۋسىلعانمەن ءتوزىمىم، ءسوزىم بولعاي وپالى.
قولدى جايىپ، تەلمىرىپ كىمگە بەرەم باتانى،
امان بولسىن كەيىنگى، امان بولسىن وتانى،
كەلگەن ناۋرىزىم ادام باسىن داڭ قىلار.

*****
ناۋرىز سىيى تىنىشتىق
ءالي ىسقاقباي
جادىراپ كۇننىڭ جانارى،
بەتتى وپسە جىلى سامالى.
ساي - سايعا اقسا جىلعالار،
بۇل ناۋرىز حابارى.

اشىلىپ اسپان شۇمەگى،
جاۋىنمەن قۇم دا تۇلەدى.
كوكمايسا جۇمساق قۇلپىرعان،
بۇل ناۋرىز كىلەمى.

بۋسانىپ تارعىل اتىراپ،
نارلەنىپ تورعىن توپىراق.
جاۋقازىن وسسە كۇنەسكە،
بۇل ناۋرىز – جاپىراق.

كوز تىگىپ كۇنگە بارلىعى،
بۇرشىگىن جارسا ءار گ ۇلى.
حالىققا باقىت تىلەگەن،
بۇل ناۋرىزدىڭ جارلىعى.

بوكتىرىپ كوكتەم جاڭبىرى،
ءتىرىلىپ ءشوپتىڭ تامىرى.
بۇرلەنسە جۋسان بۇرقىراپ،
بۇل ناۋرىزدىڭ تاڭ نۇرى.

قاۋىمعا قالىڭ ءدۇر بولعان،
شاتتىققا بولەر جىر بولعان.
شاپاعات توككەن مەيىرلى،
بۇل ناۋرىز عوي نۇر بولعان.

سەبەلەپ جاڭبىر جاۋىپ تۇر،
ەمشەگىن بۇلتتىڭ ساۋىپ تۇر.
جاقسىلىق ءنارىن مول سەپكەن،
بۇل ناۋرىز ساۋىق - جىر.

تىلەگىن ايتىپ ۇناعان،
ارىلسا تۋىس كۇنادان.
كوڭىلدە كۇدىك قالدىرماس،
بۇل ناۋرىز – شىن ادام.

تۇقىمىن سەۋىپ ىرىس - قۇت،
دەم السا ديقان تىنىس قىپ.
تىرلىك پەن بايلىق باستاۋى،
ناۋرىز سىيى تىنىشتىق.

تاۋەلسىز ەلدىڭ ادامى،
بەيبىت كۇن بەرىك قامالى.
قۇت بولسىن دەيىك اعايىن،
جاڭا كۇن ناۋرىز قادامى.

******
جاسىل نۇرعا بولەنىپ توڭىرەگىم
مارفۋعا بەكتەميروۆا
قىرعا كوشىپ كەلەدى ەلىم مەنىڭ،
مالىن جايىپ، سالاتىن تورىنە ەگىن.
ناۋرىز تۋىپ، جان ءبىتتى دۇنيەگە،
جاسىل نۇرعا مالىنىپ توڭىرەگىم.

تۇيە وتكەن جۇپ - جۇمساق جەردى باسام،
باقىت قۇسىم كەۋدەمە قوندىڭ قاشان؟
ءسۇيىپ تۇرىپ ناۋرىزدىڭ اتقان تاڭىن،
قۋانىشتان كوڭىلىم بولدى ماساڭ.

ءان ايتامىن اقىرىن تۇنىق تاڭدا،
قازاق قىزى ءان - جىرىن ۇمىتقان با؟
كوڭىل شىركىن قارلىعاش ۇشىپ شىققان،
جاتقانداي ءبىر قاپاستا، قۇلىپتاۋدا.

ەلەڭ قىلماي، ساپ - سالقىن ءتۇن ىزعارىن،
تىڭداپ تۇرمىن قۇستاردىڭ سىبىزعى ءانىن.
ەرتە كوكتەم جۇتقىزار جۇپار اۋا،
تاڭدايىما اكەلدى قىمىز ءدامىن.

كەش ورالعان كوكتەمنىڭ ەركە قۇسى،
وسى ەكەن عوي كوكتەمنىڭ ەركەلىسى.
وسى ەكەن عوي اتامنىڭ اماناتى،
وسى ەكەن عوي اجەمنىڭ ەرتەگىسى.

شولپى تاقتى التىن كۇن قايىڭعا اسەم،
ءان ايتادى بۇلاقتار، ۋايىم باسەڭ.
تەك اسىعىپ باراسىڭ، التىن ايىم،
نە ايتاسىڭ اقىن قىز جايىندا سەن؟

*****
مولشىلىق، مەيىر ماڭايىم
مەيىربەك اقىنبەكوۆ
كەلدىڭ بە ناۋرىز – جىل باسى،
بار قۇتىن جيىپ ولكەنىڭ.
حالقىڭ سەنىڭ سىرلاسىڭ،
وزىڭنەن ءوربىر كوركەم ءۇن.

تۋعان جەر جۇپار تۇر اڭقىپ،
گۇل شاشىپ جاتىر بار ايماق.
اتادى ەلدى قۋانتىپ،
كوكتەمنىڭ تاڭى ارايلاپ.

«سەلت ەتكىزەر»، «ۇيقىاشار» -
ۇناتقان تۇگەل قىز، جىگىت.
ورگىزىپ مالدى، سىردى اشار،
اۋىلدان شەتتە ۇزدىگىپ.

كەلىسىپ قىزىق ويىنعا،
كەلەدى ءان - جىر ايتىسقا.
ورمەلەپ باعان بويىنا،
جارىسقا، ارقان تارتىسقا.

جاستاردى كورىپ جاسارىپ،
بەرەدى قارتتار اق باتا.
تىلەكپەن يگى جاسانىپ،
بىلاي دا بەرىك سالتقا اتا:

«ۇلىس وڭ بولسىن،
اق مول بولسىن،
قايدا بارساڭ جول بولسىن.
ۇلىس باقتى بولسىن،
ءتورت تۇلىك اقتى بولسىن،
ۇلىس بەرەكە بەرسىن،
بالە - جالا جەرگە ەنسىن.
ءاۋمين!»

قۋانىپ سول ءسات باتاعا،
باستايدى ەل ناۋرىز شاتتىعىن.
ريزا بوپ ۇلكەن اتاعا،
سويلەر ەل باسپاي اپتىعىن.

«ۇلىس كۇنى قازان تولسا،
ول جىلى اق مول بولار.
ۇلى كىسىدەن باتا السا،
سوندا ولجالى جول بولار».

سالەم قىپ كەلىن كۇنگە ۇلى،
بۇلاققا اق پەن ماي قۇيار.
- اشىل، - دەپ، - بايلىق تۇندىگى،
ءوزىڭ، - دەر، - ناۋرىز جايدى ۇعار!

باستالار ەلدىڭ ءداستۇرى،
وزگە ءىس تۇگىل تەجەلەر.
باستالار تاماق تاسقىنى،
بۇرقىراپ ناۋرىز كوجەلەر.

باستالار سىر بوپ مىنا ەلگە،
بابالار سالعان مەرەكە.
جايعاسىپ قالى كىلەمگە،
ەلمەنەن ەنەر بەرەكە.

بايقادىم بۇل كۇن – ءدۇبىرلى،
مولشىلىق، مەيىر ماڭايىم.
باستى ۇران تويدا بۇگىنگى –
بەرەكە، بىرلىك، اعايىن!

******
ناۋرىز
نەسىبەلى يمان قىزى
قوش كەلدىڭ، ناۋرىزىم تورلەت بەرى،
قىر ءتوسىن جاۋقازىنداي ورنەكتەدى.
تىرشىلىك تامىرىنا ءنار جۇگىرىپ،
جادىرادى ادامداردىڭ كەلبەتتەرى.

ناۋرىز، جىل ون ەكى اي ەلدىڭ جۇگىن،
ارقالاپ ارامىزعا كەلدىڭ بۇگىن.
دامىتىپ بەيبىت ەلدىڭ ەركىندىگىن،
جايلاۋىن جاراستىردىڭ ەلدىگىمنىڭ.

ناۋرىز ءتۇرىپ تاستاپ جەر تۇندىگىن،
ايىعىپ اق كۇمىستەي سەرپىلدى كۇن.
سۇلۋداي سىلاڭداعان ءمولدىر سۋلار،
جىلعامەن اعىپ جاتىر ەركىن بۇگىن.

حالقىمىز قاستەرلەگەن ەجەلدەن - اق،
كەلە بەر اتتىڭ باسىن تەجەمەي - اق.
ناۋرىز كوجەمىزدەن قانىپ ىشكىن،
ۇلىستىڭ ۇلى كۇنى تۇرما قاراپ.

شۋاعى جەر ءالىمدى جانداندىرىپ،
ورىسكە بارادى ءورىپ الۋان تۇلىك.
ءدان سەۋىپ مولشىلىقتى جاسايمىن دەپ،
بارادى ديقان جىگىت تاڭنان تۇرىپ.

باقىتتىڭ تىگىلگەن سوڭ كوك بايراعى،
شارىقتاپ كوڭىل قۇسىم كوكتە وينادى.
ناقىشىن ناۋرىزدىڭ ارقاۋ ەتىپ،
جىرلارىن اقىندار دا توكتى ويداعى.

******
مۋزافار الىمبايەۆ
سەن ورتاق داستارقانسىڭ بارىمىزگە،
تاتىرعان سارى ۋىزدىڭ ءنارىن بىزگە.
ناۋرىز، سەن كوكتەمدەگى ءۇمىتىمىز،
جارىلقار بەرەكەمىز سارى كۇزدە.

ناۋرىز – ول ەمەس استە دىردۋ - دۋمان،
كيىك ەمەس قيقۋلاپ ءبىر كۇن تۋعان.
ول – قىزدىڭ كىسىلىكپەن كوشەلەنىپ،
رۋحاني ەسەيۋى ۇلدىڭ تۋعان.

ناۋرىز – ول ۇساقتىقتان ارىلۋىڭ،
حالىقتىڭ بىرلىگىنىڭ مىعىمدىعى.
كۇدىكتىڭ بەزبەنىنە تارتىلمايتىن،
قازاقي اتا ءداستۇر ۇلىلىعى.

******
كەل، ناۋرىزىم!
ورىنبەك جولدىباي
كەل، ناۋرىزىم، شىق تورىمە دۋماندات،
جۇرت قاراسىن بەينەتىڭە قايران قاپ.
تابيعاتتىڭ تۇمسا شاعى تامسانتىپ،
حالقىم دا ءبىر جادىراسىن سايرانداپ.

كەل، ناۋرىزىم، سامالىڭمەن ەركەلەت،
قىرعا شىعار، جاماعاتتى جەتەلەت.
بالا بىتكەن بولىپ ءجۇر عوي ءماز - ءمايرام،
ناۋرىز كەلگەن، كوكتەم كەلگەن ەكەن دەپ.

كەل، ناۋرىزىم، بەرەكەلى جىل باسىم،
ماڭگىلىككە زامانانىڭ قۇرداسى.
جىلدا مەنى قۋانىشقا بولەيسىڭ،
عاسىرلاردىڭ جانە مەنىڭ سىرلاسىم.

كەل، ناۋرىزىم، بۇلا كۇشىم، بالعىنىم،
سەن كەلگەندە قاشار مەنەن قايعى - مۇڭ.
قۇدىرەتىڭ بار جاڭعىراتىن عالامدا،
سوندىقتان دا اسقاق سەنىڭ ايبىنىڭ.

كەل، ناۋرىزىم، كورگەنىڭ كوپ كونەسىڭ،
جيا الماعان كەزدەر بولدى ەل ەسىن.
بۇقپانتايلاپ قارسى الاتىن ءوزىڭدى،
كەزدەر بولدى، ۇمىتپايسىڭ، بىلەسىڭ.

كەل، ناۋرىزىم، ورتايمايتىن ىرىسىڭ،
تاۋەلسىزدىك جانە ءوزىڭ تىنىسىم.
جالعاستىرىپ ۇرپاقتاردى ۇرپاققا،
ارالاي بەر سانگە بولەپ ەل ءىشىن.

******
توكشى نۇردى
نۇرپەرزەنت دومباي
كەلدىڭ بە، ءاز ناۋرىزىم – جاڭا كۇنىم!
وياتىپ بايشەشەكتى – دالا كۇن.
كوپ بولسا قانداي جاقسى بولار ەدى،
جۇرەكتى جادىراتار جاڭالىعىڭ.

ءاز ناۋرىز كەلگەن بولساڭ توكشى نۇردى،
ەستىرتپە سەن ازىرشە ءاندى مۇڭدى.
باعزىدان ادەتىمىز بويعا سىڭگەن،
كۇتەتىن زور ۇمىتتەن جاڭا جىلدى.

سەن بىزگە قۇت بولىپ كەل، ب ا ق بولىپ كەل،
ادالعا اقيقاتقا جاق بولىپ كەل.
جاماندىق، قاسىرەتتەن اۋىلى الىس،
جىل بولشى بەتەگىنە شاتتىق ەرەر.

ساۋلەڭدى، شۋاعىڭدى اياماشى،
سابيدەي جاس - كارىمدى ايالاشى.
قۇتتى قوناق سەكىلدى ەمىن - ەركىن،
دالامدى، تاۋ - تاسىمدى ارالاشى.

كەل، ناۋرىز! قۇشاعىمدى اشىپ تۇرمىن،
قۋانىپ سەن كەلگەن سوڭ تاسىپ تۇرمىن.
جىلۋدى، جىلىلىقتى ساعىندىم با،
ايتەۋىر، عاشىق قىلدىڭ، عاشىق قىلدىڭ...

******
ناۋرىز بەيىمبەت مايلين
بىرەۋىم ەكەۋ بولدى - مال قوسىلدى،
قوراعا بۇزاۋ، لاق، قوزى تولدى.
ىزعارلى سۋىق قىستىڭ كارى كەمىپ،
اسپاننان كۇن كۇلىمدەپ، شىراي وڭدى.
ۇزاماي قاردا كەتەر، جاز دا بولار،
ساي - سالا گۇرىلدەسىپ سۋعا تولار.
بولەنىپ جەر جىبەككە، مىڭ قۇلپىرىپ،
شالعىنعا كوكورايلى اۋىل قونار.
جاز ءيىسى بۇگىن كەلدى، جان جايلاندى،
كەشەگى كورگەن بەينەت ارتتا قالدى.
ومىرگە جاڭا جولدار اشاتۇعىن،
جاڭا جىل - بۇگىنگى كۇن، جازدىڭ الدى.

 

ناۋرىزبەن قۇتتىقتاپ، 
الىس جاقىن قاۋتىشتى. 
كوكتەمدەگى جارقىن ءسات، 
كوڭىلدەرگە اۋىستى.

ناۋرىز تويىم، ناۋرىز تويىم. 
قۇتتى بولسىڭ حالايىق! 
قانە، دوستار، قانە، دوستار، 
شىرقاپ انگە سالايىق.

كوكتەم كەلدى، بالاقاي، 
جاساردى جەر، الاقاي. 
ناۋرىز تويىن تويلايىق، 
اسەم انگە سالايىق. 

ناۋرىز تويى — تاماشا، 
ناۋرىز تويى — جاڭاشا. 
تابيعات تا تاماشا، 
تامىلجىپ تۇر جاراسا. 

ناۋرىز كەلدى سان قۇرىپ 
جاسارىپ جاڭعىرىپ 
قۇلپىردى جەر مەن كوك 
مەيىرىم تاڭ كۇلىپ. 

ناۋرىز تويى — سالتانات، 
ناۋرىز تويى — مارحابات. 
ءار جۇرەكتەن ءان تاراپ، 
شاتتانادى شارتاراپ.

 

You Might Also Like