وپتيميستتەر نەلىكتەن ۇزاق جاسايدى؟
اقش-تا جاسالعان زەرتتەۋ ناتيجەسىندە پەسسيميستتەرگە قاراعاندا وپتيميستتەردىڭ ۇزاعىراق ءومىر سۇرەتىنى انىقتالدى. زەرتتەۋ دەرەكتەرى 1976 جىلدان باستاۋ الاتىن جانە 71173 ادامنىڭ ومىرىنە وپتيميزم مەن پەسسيميزمنىڭ اسەرىن زەرتتەگەن عالىمدار – وپتيميستتەردىڭ 85 جاستان ارتىق ءومىر ءسۇرۋ ىقتيمالى جوعارى ەكەنىن ايتادى. مۇنى — وتيميستتەردىڭ جاقسى ويلاۋى، سەزىمدەرىن وڭاي رەتتەي الۋى جانە سترەستىڭ كەرى اسەرلەرىنەن قورعانا الاتىندىعىمەن بايلانىستىرادى. زەرتتەۋدە ادامداردىڭ جالپى دەنساۋلىعىمەن قاتار ومىرگە دەگەن كوزقاراسى، وپتيميستىك نە پەسسيميستىك دەڭگەيى قاراستىرىلدى. دەنە جاتتىعۋى، قورەكتەنۋ داعدىلارى جانە تەمەكى، ءسپيرتتى ىشىمدىك قولدانۋلارى دا ەسەپكە الىندى. وپتيميستىك، ياعني جاقسى ويلاۋ دەڭگەيى تومەندەر مەن جاقسى ويلاۋ دەڭگەيى جوعارى ەرلەر مەن ايەلدەردى سالىستىرا كەلە، وپتيميستىك كوزقاراسى جوعارىلاردىڭ 10-15 پايىزعا ۇزاعىراق ءومىر سۇرەتىندىگى جانە 85 جاستان اسۋ ىقتيمالدىعى جوعارى بولاتىندىعى بايقالعان.
زەرتتەۋ جۇرگىزگەن بوستون ۋنيۆەرسيتەتى مەديسينا فاكۋلتەتى پسيحولوگيا سالاسىنىڭ دوسەنتى ليەۆينا لي (Lewina Lee): اشقان جاڭالىعىمىز ءپوزيتيۆتى ويلاۋ دەڭگەيىن ارتتىرۋ ادامنىڭ ۇزاق جاساۋ جانە سالاۋاتتى ءومىر سۇرۋىنە ىقپال ەتەتىندىگىن كورسەتۋدە» دەپ مالىمدەدى. سونداي-اق بارلىق نارسەنىڭ، ءىس، تۇرمىس-تىرشىلىكتىڭ دۇرىس ءجۇرىپ جاتقاندىعىن ويلاۋ جانە تانىمدىق-امالدىق تەراپيا سەكىلدى سىرتقى اسەرلەر ارقىلى وپتيميستىك كوزقاراستى ارتىرۋعا بولاتىنىن ايتقان دوسەنت لي: «زەرتتەۋلەر وپتيميست ادامداردىڭ الدىنا قويعان ماقساتىنا جەتە الاتىندىعىنا سەنىمى مول بولاتىندىعىن، كەلەڭسىزدىكتەردى شەشۋدە وتە پارمەندى بولاتىندىعىن، ال سترەستى جاعدايلاردا سەزىمدەرىن وڭاي رەتتەي الاتىندىعىن كورسەتۋدە» دەيدى. بريستول ۋنيۆەرسيتەتىنەن بريۋس حۋد بۇل: «وپتيميستتەردىڭ كۇيزەلىستى وڭاي جەڭە الۋى جانە نەگاتيۆتى جاعدايلاردى جادىندا ۇستاماۋىنىڭ سالدارى» دەپ تۇسىندىرەدى.
بۇدان بۇرىن گامبۋرگ ۋنيۆەرسيتەتىنىڭ عالىمدارى وپتيميستتەردىڭ سۋىق ءتيۋى سەكىلدى دەرتتەرگە ءتوزىمدى كەلەتىنىن مالىمدەگەن بولاتىن.
ال يللينويس ۋنيۆەرسيتەتىنىڭ عالىمدارى بولسا، وپتيميستتەر جۇرەك قان-تامىر اۋرۋلارىمەن سيرەك اۋىراتىنىن دالەلدەگەن ەدى.
يگى ويلايىق، يگى ناتيجەلەرگە جەتۋگە تىرىسايىق!!!
وقۋعا كەڭەس بەرەمىز:
وپتيميستتەر مەن پەسسيميستتەر
You Might Also Like
-
وپتيميزم — تىرشىلىكتەگى قيىنشىلىقتار مەن كەلەڭسىزدىكتەرگە قاراماستان بارلىق نارسەنىڭ جاقسى بولاتىنىنا جورۋ، ۇمىتتەنۋ، سەنۋ دەگەندى بىلدىرەدى. ياعني ۇمىتسىزدىككە، كۇيزەلىسكە تۇسپەۋ، بولاشاققا س...
-
2020 جىلدان باستاپ «بولاشاق» ستيپەندياسىنا ارنالعان كۆوتانىڭ بارلىق ءتۇرى الىنىپ تاستالادى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر ءبىلىم جانە عىلى...
