InfoHub Logo

ق ر عىلىم جانە جوعارى ءبىلىم ءمينيسترى ساياسات نۇربەك Huawei وكىلدەرىمەن كەزدەسۋىندە بىرلەسكەن جۇمىستىڭ ارالىق قورىتىندىسىن شىعارىپ، بولاشاققا ارنالعان جوسپارلاردى تالقىلادى.

«وتكەن جىلدىڭ قىركۇيەك ايىندا عىلىم جانە جوعارى ءبىلىم مينيسترلىگى مەن Huawei Technologies Kazakhstan اراسىندا ىنتىماقتاستىق تۋرالى مەموراندۋمعا قول قويىلعانىن ەسكە سالىپ وتكىم كەلەدى. بۇعان دەيىن مەملەكەت باسشىسى 2025 جىلعا قاراي 100 000 جوعارى بىلىكتى IT ماماندار دايارلاۋدى تاپسىرعان بولاتىن. ۇكىمەت بۇل ماقساتقا جەتەكشى تەحنولوگيالىق كومپانيالارمەن سەرىكتەستىك ورناتۋ ارقىلى بىرتىندەپ كوشۋدە. بۇل باعىتتا ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسكەن جۇمىس جولعا قويىلعان»، - دەپ اتاپ ءوتتى ساياسات نۇربەك.

بۇگىنگى تاڭدا Huawei كومپانياسى ەلىمىزدەگى جوعارى وقۋ ورىندارى بازاسىندا 29 اكت اكادەمياسىن اشتى. وندا 4 مىڭنان استام ستۋدەنت وقيدى. ولاردىڭ 600-گە جۋىعى ەمتيحانداردى ءساتتى تاپسىرىپ، IT مامانى رەتىندە سەرتيفيكات الدى.

سونداي-اق، بيىلعى جىلى قازاقستاندىق ستۋدەنتتەر «Seeds for the Future» الەمدىك بايقاۋىنا قاتىسا الادى. بۇل باعدارلاما بويىنشا انىقتالعان ەڭ ۇزىدك ستۋدەنتتەر قىتايداعى Huawei عىلىمي-زەرتتەۋ كامپۋسىندا تاعىلىمدامادان وتۋگە جانە MWC Barcelona 2024 كورمەسىنە قاتىسۋعا مۇمكىندىك الادى. بۇل ءبىزدىڭ ستۋدەنتتەر ءۇشىن الەۋەتىن اشۋعا جانە الەمدىك ارەنادا ءوز بىلىمدەرىن كورسەتۋگە بىرەگەي مۇمكىندىك. ستۋدەنتتەردى ىرىكتەۋ بىرنەشە كەزەڭنەن تۇرادى: مامىر - جوو دەڭگەيىندەگى ىرىكتەۋ، ماۋسىم - ونلاين سۇحبات، تامىز - كاتارداعى 8 كۇندىك وفلاين كۋرس جانە دۋبايداعى 5 كۇندىك ايماقتىق لاگەر.

«عىلىم جانە جوعارى ءبىلىم مينيسترلىگى باسقا دا جوعارى وقۋ ورىندارىندا اكت اكادەميالارىن اشۋ بويىنشا بىرلەسكەن جۇمىستى جالعاستىرادى. سونداي-اق Huawei كومپانياسىمەن قازاق تىلىندەگى اكت تەرميندەرىنىڭ العاشقى سوزدىگىن ازىرلەۋ ماسەلەسى پىسىقتالۋدا»،-دەلىنگەن ق ر عىلىم جانە جوعارى ءبىلىم مينيسترلىگىنىڭ باسپا ءسوز قىزمەتىتاراتقان اقپاراتتا.

---