قوس ديپلومدى ءبىلىم بەرۋ باعدالامالارى: ءال-فارابي اتىنداعى قازۇۋ جانە La Sapienza (يتاليا، ريم)
2010 جىلى قازاقستان رەسمي تۇردە بولون دەكلاراسياسىنا قوسىلدى جانە ورتالىق ازيادا ءبىرىنشى بولىپ ەۋروپالىق ءبىلىم بەرۋ پروسەسىنىڭ مۇشەسىنە اينالدى. ءقازىر بولون پروسەسىنە قاتىسۋشى ەلدەردىڭ ءبىلىم بەرۋ جۇيەسى مەن ەلىمىزدىڭ ۇلتتىق جوعارعى ءبىلىم بەرۋ جۇيەسىندە مودەرنيزاسيالاۋ، ينتەگراسيالاۋ جانە ءبىرىڭعايلاندىرۋ جۇمىستارى جالعاسۋدا. قر-نىڭ 60-تان استام ۋنيۆەرسيتەتتەرى ۋنيۆەرسيتەتتەر ۇلى حارتياسىنا قول قويدى. وسى ورايدا بولون پروسەسىنىڭ نەگىزگى ماقساتتارىنىڭ ءبىرى «ەركىن قوزعالىستى ءتيىمدى جۇزەگە اسىرۋداعى كەدەرگىلەردى ەڭسەرۋ ارقىلى ۇتقىرلىققا جاردەمدەسۋ» بولىپ تابىلادى.
وسى تۇرعىدا ق ر ءبىلىم جانە عىلىم مينيسترلىگى قابىلداعان «قوس ديپلومدى ءبىلىم بەرۋ» باعدارلاماسى قىزىعۋشىلىق تۋعىزادى. ونىڭ ءمانى: ءبىلىم الۋشىلار ەكى جەكە ديپلوم الادى: قازاقستاندىق جانە شەتەلدىك ۋنيۆەرسيتەتتەن. ستۋدەنتتەر كەيبىر كۋرستارىن ءوز ۋنيۆەرسيتەتىندە اياقتايدى، ال قالعاندارىن سەرىكتەس جوو-دا ەكى جاقتىڭ دا كرەديتتىك جۇيەسىن مويىنداۋ ارقىلى اياقتايدى. ساباقتار، ادەتتە، ورىس جانە/نەمەسە اعىلشىن تىلىندە وتكىزىلەدى. ادەتتە، قوس ديپلومدىق ءبىلىم بەرۋ باعدارلامالارىنا ارنالعان ورىندار سانى شەكتەۋلى جانە باسەكەلەستىك وتە جوعارى.
بىرلەسكەن قوس ديپلومدى باعدارلاماسىن جۇزەگە اسىرۋ ءۇشىن الدىن-الا كوپتەگەن كۇردەلى جۇمىستار جۇرگىزىلەدى: كەلىسسوزدەر، باعدارلاما مازمۇنى، وقىتۋ مازمۇنىنا قاتىستى ورتاق كەلىسىمگە كەلۋ جانە ولاردى بەكىتۋ، وقۋ جوسپارىنداعى وزگەرىستەردى كورسەتۋ، قۇجاتتار جيناعىن دايىنداۋ جانە ت.ب. ءال-فارابي اتىنداعى قازۇۋ-دا سەرىكتەس جوو-مەن (الەمدەگى 300-دەن استام ۋنيۆەرسيتەتتەر) ىنتىماقتاستىق اياسىندا ونداعان باعدارلامالاردى ازىرلەدى، ولار نەگىزىنەن جوعارى وقۋ ورنىنان كەيىنگى ءبىلىم بەرۋگە قاتىستى. قوس ديپلومدى باعدارلامانى ازىرلەۋ جانە جۇزەگە اسىرۋ حالىقارالىق دەڭگەيدە مويىندالۋدىڭ كۋاسى بولىپ تابىلادى.
قازۇۋ-دىڭ تاريح، ارحەولوگيا جانە ەتنولوگيا فاكۋلتەتىنىڭ 7م022 («گۋمانيتارلىق عىلىم») باعىتى بويىنشا ءوزىنىڭ جەتىستىكتەرى بار. مىسالى، 2011 جىلى 30 ناۋرىزدا ءال- فارابي اتىنداعى قازۇۋ مەن رەسەي مەملەكەتتىك گۋمانيتارلىق ۋنيۆەرسيتەتى اراسىندا «مۇراعاتتانۋ، قۇجاتتاندىرۋ جانە قۇجات ىستەرىن جۇرگىزۋ» ماماندىعى بويىنشا بىرلەسكەن ماگيسترلىك جوبانى جۇزەگە اسىرۋ بويىنشا قوسىمشا كەلىسىمگە قول قويىلدى.
2019 جىلى «تاريح» ماماندىعى بويىنشا لا-ساپيەنزا (لا ساپيەنسا) ۋنيۆەرسيتەتىمەن قوس ديپلومدىق ءبىلىم بەرۋ باعدارلاماسى ىسكە قوسىلدى. بىرلەسكەن ءبىلىم بەرۋ باعدارلاماسى بويىنشا ماگيسترانتتاردىڭ العاشقى تولقىنى 2019 جىلى ءبىتىرىپ شىقتى. بۇل – ءال-فارابي اتىنداعى قازۇۋ ماگيسترانتى مەرۋەرت سەيلبەكوۆا؛ لا-ساپيەنزا ۋنيۆەرسيتەتىنىڭ ماگيسترانتتارى - Matteo Fraioli، Adriano Mastrorocco، Jessica Venturini، Farissi Siham. سول سياقتى جاقىندا عانا تۇركياداعى ادەبيەت جانە ونەر ۋنيۆەرسيتەتىمەن كەلىسىمگە قول قويىلدى. فاكۋلتەت ماگيسترانتتارى ولاردىڭ الدىنان اشىلىپ جاتقان جاڭا مۇمكىندىكتەرگە قۋانىپ، ونى ءارقاشان تاۋەلسىزدىكتىڭ جەمىسى دەپ بىلەدى.
ن.د. نۇرتازينا، ءال-فارابي اتىنداعى قازۇۋ قازاقستان تاريحى كافەدراسىنىڭ پروفەسسورى ءا.تۇزەلبەك، تاريح، ارحەولوگيا جانە ەتنولوگيا فاكۋلتەتىنىڭ 7م02208 – ماماندىعىنىڭ 1 كۋرس ماگيسترانتى
You Might Also Like
-
بازارعا قاۋىن الۋعا بارعان جولاۋشى اقشاسى جەتپەي قالىپ، باسىنداعى سۋ جاڭا قالپاعىن قوجاناسىرعا ساتادى. ساتىپ العان قاۋىندى قوجاناسىر ەكەۋى ءبولىپ جەيدى. قوجاناسىر باسىنداعى قالپاعىن الىپ، ونى دا ەكى...
-
زەڭگى بابا — سيىردىڭ موينى جۋان بۇقاسى. ءشوبىن جەيدى قيىردىڭ، بويىندا ماي تۇتاسىپ. سالىڭقى كەڭ اۋكەسى، شۇيكەسى دە بىلەۋدەي. قايىق تۇمسىق ءداۋ ءتوسى، اياعى شومبال تىرەۋدەي. باسىن بۇل...
