رۋحاني تۇرعىدا ءوسىپ، ءوز باعاڭىزدى ارتتىرۋ ءۇشىن...
1. وزىڭىزگە جاۋاپكەرشىلىك ارتپاڭىز. سەبەبى، ءسىز جاقىن جاندارىڭىزدان وزگە ەشكىمگە كەرەك ەمەسسىز! ءيا، قۇلاققا تۇرپىدەي قادالسا دا، اششى شىندىق. ءتىپتى، ەرەكشە قۇرمەت تانىتىپ جۇرگەن "باعالىلارىڭىزدىڭ" ءوزى- وزگەنىڭ قيىندىقتارىنا ارالاسۋدى ءجون كورمەيدى.
2. كۇندەلىكتى وزىڭىزگە ۋاقىت ارناڭىز. ەگەر كۇنىڭىزدى قىزىعۋشىلىعىڭىزعا ارناعىڭىز كەلسە، جۇرەك امىرىنە توسقاۋىل قويۋشى بولماڭىز. الدا ءسىزدى كۇرمەۋى شەشىلمەس ماسەلەلەر كۇتىپ تۇرسا دا، بايبالامعا سالىنباڭىز.
3. سۇيىكتى ىسىڭىزبەن اينالىسىپ، ءبىلىم مەن تاجىريبە قورىن جيناقتاڭىز. دامي ءتۇسىڭىز، جاڭاشىلدىققا جول اشىڭىز، وزگەرىستەردەن قورىقپاڭىز.
4. سىزگە ەرەكشە ۇنايتىن اۋەندى تىڭداڭىز، موتيۆاسيالىق كەڭەستەر الىڭىز. شارشاپ-شالدىعار بولساڭىز، دەمالعانىڭىز ءجون.
5. وتكەن شاققا ورالماڭىز جانە الدىن-الا بولاشاقتى جورامالداماڭىز. ءيا، ءدال قازىرگى ساتپەن كۇن كەشىڭىز! باستان كەشكەن قىزىقتى وقيعالارىڭىزدى ەسكە الىپ، قاعاز بەتىنە ءتۇسىرىڭىز.
6. اينالاڭىزداعى ادامداردىڭ جەتىستىكتەرى مەن ساتسىزدىكتەرىنە كوڭىل قويىڭىز. اناليز جاساڭىز. بۇل-دۇرىس جولدى تاڭداۋعا دەگەن تاپتىرماس مۇمكىندىك.
7. "ومىردە تەك جاقسىلىق قانا ورىن الادى" دەگەن ۇعىمنان اۋلاق بولىڭىز. عۇمىرىڭىزدا قارا جولاقتار كەزدەسە قالسا، قورىقپاڭىز. ءاربىر جەڭىلىس-جاڭا جەتىستىكتەرمەن قاۋىشتىرادى. ءبارى دە وتكىنشى.
8. توقتالماڭىز! ماقسات-مۇراتتارىڭىزعا جەتۋ جولىندا تايسالماڭىز. ارماندارىڭىزدى جۇزەگە اسىرۋ كوپ ۋاقىتتى تالاپ ەتسە دە، ءوز جولىڭىزدى جالعاستىرىڭىز.
9. كىتاپ وقىعانىڭىز ءجون. ءتىزىم قۇراڭىز، ءبىر اي ىشىندە جانىڭىزعا جاقىن تۋىندىنى وقۋ قيىنعا سوقپاسى انىق. ءاربىر شىعارما كرۋگوزورىڭىزدى كەڭەيتە تۇسەدى.
10. مۇمكىندىكتەرىڭىزدى جىبەرىپ الماڭىز. كەيبىر تۇلعالار التىن ۋاقىتىن رۋحانيلىققا ارناعىسى كەلمەيدى. الايدا، بۇل- قاتە پىكىر!
11. جاڭا ورتا قۇرىڭىز. ءوز جوسپارلارىڭىزبەن ءبولىسىڭىز. بۇل-وزدىگىڭىزدەن دامۋدىڭ جارقىن جولى.
12. ارماندار كۇندەلىگىن ارناڭىز. وسى كۇنگە دەيىن جەتكەن جەتىستىكتەرىڭىزدى ءتىزىپ شىعىڭىز.
13. جوسپارلارىڭىزدى رەتكە كەلتىرىڭىز.
14. جاڭا ءىستى قولعا الماي تۇرىپ، ناتيجەلەرىن وي ەلەگىنەن وتكىزىڭىز. ءسىزدىڭ ىشكى تۇيسىگىڭىز نە دەيدى؟ وعان قۇلاق اسىڭىز.
15. ارنايى سۋرەتتەمەلەردى الىپ، ارمانىڭىزعا سايكەس كەلەتىنىن بولمەڭىزدىڭ قابىرعاسىنا ءىلىپ قويىڭىز.
16. ءوزىڭىزدى سىنعا الىڭىز. بويىڭىزدا جاعىمسىز قاسيەتتەر جەتكىلىكتى مە؟ قام جەمەڭىز. ولارمەن قوشتاساتىن ۋاقىت تۋدى.
17. جوسپارمەن ءجۇرىڭىز. كومەك سۇراۋدان قاشپاڭىز. بۇل-وركەندەۋدىڭ ءبىر بولىگى.
18. ەگەر شىڭنىڭ تاعى ءبىر بيىگىنە جەتسەڭىز، ءوزىڭىزدى ماداقتاڭىز.
19. قارسىلاستارىڭىزبەن قاتار جۇرۋدەن جاسقانباڭىز.
20. ءوزىڭىزدى باعالاۋدى ۇيرەنىڭىز.
You Might Also Like
-
سەزبەيمىز كۇننىڭ اپتابىن، كۇيدىرىپ قۇمدى جاتقانىن. الشاڭداپ، ماڭ-ماڭ باساتىن ارۋانا كىلەڭ باققانىم.
