قالاي-قالاي سوعادى، قان-جۇرەگىم؟!
سوعاسىڭ، ءالى ءومىرىڭ بار بىلەمىن.
دەم الا «ءاي، بايعۇسىم، دەم الا عوي.
بۇل تىرلىكتە قۇم ارىم قاندى مەنىڭ.
مازالاما كەۋدەمدى، ويناق سالىپ،
حال جوق مەندە كونەتىن قايراتتانىپ.
قانشاما رەت سۋىندىڭ قايناپ بارىپ،
قانشاما رەت ءتىرىلدىڭ جايراپ بارىپ
مەن سەنى السىرەتىپ الدىم بىلەم،
بولماشى نارسەلەرگە ايداپ سالىپ...
ورتەنبەي قالىپ ەدىن، وت-جالىننان.
كوزدەن اتقان كىمدەردىڭ وقتارىنان.
قورقامىن، دورقام سەنىڭ، قان-جۇرەگىم،
قالجىراپ ويپى تويپى سوققانىڭنان.
تۇسىنەم سەنىڭ قاجىپ تۇرعانىڭدى،
سوق، جۇرەك!
بۇزباي سوققىن ىرعاعىڭدى
سىڭعىرلاعان سيقىرلى ءۇن ەستيىن،
بۇراپ قوي بوساپ قالعان سىمدارىڭدى.
قالاي-قالاي سوعاسىڭ، قان-جۇرەگىم؟!
بىلمەيمىن، قانشا ءومىرىم قالدى مەنىڭ.
تورعا تۇسكەن تورعايداي بوپ باراسىڭ،
قارشىعاداي سامعاعان العىر ەدىڭ...

---