...سونىمەن كۇندەر ءوتتى،
كۇندەر ءوتتى...
كىمدەر كەپ، كىمدەر ءوتتى؟!
جونىنان مايى تامعان جومارت - ءولىم!
ءبارىن دە قابىلداپتى، كۇندەمەپتى.
كۇندەمەپتى ءباتىرىڭ، تالعاماپتى،
(ءومىر ءۇشىن ادامدار قانعا باتتى).
كەتكەندەردىڭ ارتىندا ايعىز-ايعىز
بىرەۋدەن ءىز، بىرەۋدەن تاڭبا قاپتى.
بىرەۋلەردەن ءىز ەمەس، جول قالىپتى،
(ءومىر جولىن ولاردىڭ وڭعارىپتى).
ارتىندا تۇعىرى جوق پاقىرلاردىڭ
الدىندا اپاندايىن ور قالىپتى.
ءوتتى كۇندەر، كەتتى كىم قۇراعىنان،
يت ءولىمدى ەرىكسىز مۇرا قىلعان.
ادامداردىڭ ءومىرى جارالساشى،
ءرادييدىڭ ءوزىنىڭ شۋاعىنان...

---