InfoHub Logo

الماتىدا اباي اتىنداعى قازۇپۋ جانىنداعى سوربوننا-قازاقستان ينستيتۋتىندا 2015-2017 جىلدارى ءبىلىم العان 22 ماگيسترانتقا «سوربوننا پاريج سيتە» بىرلەستىگىنىڭ مۇشەلەرى - ۋنيۆەرسيتەتتەرىنىڭ ديپلومى تاپسىرىلدى. ماگيسترانتتار قوسديپلومدىق ءبىلىم بەرۋ باعدارلاماسى بويىنشا بىلىكتىلىك الىپ شىقتى.

سالتاناتتى شاراعا قازاقستانداعى فرانسيانىڭ توتەنشە جانە وكىلەتتى ەلشىسى فيليپپ مارتينە، پاريج-ديدرو ۋنيۆەرسيتەتىنىڭ حالىقارالىق ىنتىماقتاستىق ماسەلەلەرى جونىندەگى ۆيسە-پرەزيدەنتى انتۋان كازە، شىعىس تىلدەرى جانە وركەنيەتتەرى ۇلتتىق ينستيتۋتىنىڭ (INALCO) حالىقارالىق ىنتىماقتاستىق ماسەلەلەرى جونىندەگى ۆيسە-پرەزيدەنتى انن گرينبەرگ، «ق ر تۇڭعىش پرەزيدەنتى - ەلباسى» قورىنىڭ اتقارۋشى ديرەكتورىنىڭ ورىنباسارى يگور روگوۆ، اباي اتىنداعى قازۇپۋ-دىڭ ءبىرىنشى پرورەكتورى ماقتاعالي بەكتەمەسوۆ، اباي اتىنداعى قازۇپۋ-دىڭ عىلىمي جۇمىس جانە حالىقارالىق ىنتىماقتاستىق جونىندەگى پرورەكتورى اقتولقىن قۇلسارييەۆا، سوربوننا-قازاقستان ينستيتۋتىنىڭ تەڭ ديرەكتورلارى گۇلميرا نۋرليحينا، ماري-انن سەرۆ قاتىستى.

اباي اتىنداعى قازۇپۋ-دىڭ ءبىرىنشى پرورەكتورى ماقتاعالي بەكتەمەسوۆ سوربوننا-قازاقستان ينستيتۋتى حالىقارالىق جوباسىنىڭ جانە قوسديپلومدىق قازاقستان-فرانسۋز باعدارلاماسىنىڭ ماڭىزدىلىعىنا توقتالىپ ءوتتى.

قازاقستانداعى فرانسيانىڭ توتەنشە جانە وكىلەتتى ەلشىسى فيليپپ مارتينە تۇلەكتەردى قۇتتىقتاپ، قازاق-فرانسۋز ىنتىماقتاستىعىنداعى ءبىلىم بەرۋ جانە عىلىم سالالارىن دامىتۋعا قوسقان ۇلەستەرى ءۇشىن ۋنيۆەرسيتەت باسشىلىعىنا جانە سوربوننا-قازاقستان ينستيتۋتىنىڭ ۇستازدارىنا العىسىن ءبىلدىردى.

«سوربوننا-قازاقستان ينستيتۋتىندا ءبىزدىڭ بولاشاعىمىز قۇرىلۋدا. قازىرگى تاڭدا فرانسيا - ءبىلىم بەرۋ سالاسى بويىنشا الەمدە الدىڭعى قاتارداعى ەل جانە ستارتاپتار مەن يننوۆاسيالىق تەxنولوگيالار ەلى. فرانسيادا ەڭ ۇلكەن بيزنەس-ينكۋباتور ورنالاسقان. فرانسيا مەن قازاقستان ستراتەگيالىق ارىپتەستىكتى دامىتۋ باعىتىندا ەلىمىزدە ءبىلىم الاتىن قازاقستاندىق ستۋدەنتتەر سانىن كوبەيتۋ كەرەكپىز. وسى ماقساتتا ءبىز ق ر ءبىلىم جانە عىلىم ءمينيسترى ەرلان ساعادييەۆپەن بىرلەسە قازاقستاندىق ءبىلىم الۋشىلارعا ارنالعان اباي قۇنانبايەۆ جانە جيۋل ۆەرننىڭ اتىمەن اتالاتىن جاڭا ءبىلىم بەرۋ باعدارلاماسىن ىسكە قوستىق. فرانسيا ۇكىمەتى «اباي-ۆەرن» ءبىلىم بەرۋ باعدارلاماسىن حالىقارالىق باعدارلامالار ورتالىعىمەن بىرلەسە قارجىلاندىراتىن بولادى»، - دەدى فيليپپ مارتينە.

ءىس-شارا بارىسىندا يگور روگوۆ، انن گرينبەرگ ي انتۋان كازە قۇتتىقتاۋ ءسوز سويلەپ، ءبىتىرۋشى تۇلەكتەرگە تابىس تىلەدى.

ديپلوم تاپسىرۋ سالتاناتى مەرەكەلىك كونسەرتپەن اياقتالدى.

ايتا كەتۋ كەرەك، 2014 جىلى اباي اتىنداعى قازاق ۇلتتىق پەداگوگيكا ۋنيۆەرسيتەتىنىڭ سوربوننا پاريج سيتە بىرلەستىگىمەن ىنتىماقتاستىعى اياسىندا ق ر پرەزيدەنتى نۇرسۇلتان نازاربايەۆ جانە فرانسيا پرەزيدەنتى فرانسۋا وللاندتىڭ قاتىسۋمەن سوربوننا-قازاقستان ينستيتۋتى قۇرىلعان بولاتىن. بۇل ينستيتۋتتا  باكالاۆريات («مەنەدجمەنت»، «ماركەتينگ»، «حالىقارالىق قاتىناستار»، «حالىقارالىق قۇقىق»، «پسيحولوگيا»، «گەوگرافيا») جانە قوسديپلومدىق ماگيستراتۋرا («جاھاندانۋ كەزەڭىندەگى حالىقارالىق كەلىسىم ديالوگ» جانە «قازىرگى الەمدەگى وزگەرىستەردى باسقارۋ») باعدارلامالارى بويىنشا ماماندار فرانسۋز تىلىندە وقىتىلادى.

قازاقپارات

---