تاماقتانۋ مەن داستارحانعا وتىرۋ مادەنيەتى
— قازاقتا تاڭعى اسىن ىشپەي شارۋاعا اتتانباعان. ەڭ بولماعاندا ءبىر ءۇزىم نان جەپ كەتۋى كەرەك. اسىعىس ادامنىڭ «نان اۋىز تيەيىن»، نەمەسە «نان اۋىز تيسەڭىزشى» دەپ جاتاتىنى دا وسىدان.
— قولدى جۋماي داستارحان باسىنا وتىرمايدى. قوناقتارعا تاماق بەرەردىڭ الدىندا جانە سوڭىندا ءۇي يەسى كەلگەندەردىڭ قولىنا جىلى سۋ قۇيىپ، قولىن شايۋىنا جاعداي جاسايدى.
— داستارحان باسىندا وتىرعانداردى ىشىپ-جەۋگە زورلاماۋ كەرەك. ءار ادام وزىنە ۇناعان دامنەن جەپ، تابەتىنە قاراي اس ىشەدى. ءبىراق اس ۇسىنۋ — جاقسى قاسيەت.
— تاماق جەۋگە كىرىسەردە «ءبيسميللاھ» ايتىپ، دۇعا وقىپ، باتا بەرىپ باستايدى. ەڭ الدىمەن ءبىر جاپىراق ناندى ءۇزىپ جەپ بارىپ، استان الادى.
— شايدى ىستىق كۇيدە دە، سۋىق كۇيدە دە ىشپەيدى. اسقازانعا زيان.
— ىستىق تاماقتى،نە شايدى سۋىتۋ ءۇشىن ۇرلەۋگە بولمايدى. ءسۇتتى دە ۇرلەپ ىشپەيدى. تاماقتىڭ ىرىسى قاشادى دەسەدى.
— تاماق ءىشىپ وتىرىپ قاقالىپ قالعان جانعا «ماي قاپ!» دەپ ارقاسىنان قاعادى.
— ۇستەل باسىندا تاماقتى، ايتالىق، قولدان پىسىرىلگەن ناندى باسقا ءبىر نارسەمەن سالىستىرىپ، جامانداۋعا بولمايدى. (مىنا نان قاتتى ەكەن، پىسپەي قالىپتىعوي ت.ب)
— تاماققا تويعان بولساڭىز «ءالحامدۋليللاھ»، «شۇكىر، قاناعات» ايتىپ ءۇي يەسىنە راحمەت ايقان ءجون.
— ناندى نە تاماقتى تاۋىسىپ ىشپەي قالدىرىپ كەتۋگە بولمايدى. سوڭىنا دەيىن تاۋىسىپ ىشكەن ءجون. بۇل بەرەكەنى بىلدىرەدى.
— داستارحاندى، استى اتتاۋعا بولمايدى. بۇل — استى سىيلاماۋدى بىلدىرەدى.
— تاماق تۇرعان ۇستەلگە قاراي جوتەلۋگە، تۇشكىرۋگە بولمايدى. بۇل — مادەنيەتسىزدىك.
— داستارحانعا وتىرعانداردىڭ ءبارى تاماق جەپ بولماي، ۇلكەندەر باتا بەرمەي، ۇستەلدەن تۇرىپ كەتۋگە بولمايدى.
You Might Also Like
-
15 قاراشا — قازاقستان رەسپۋبليكاسىنىڭ ۇلتتىق ۆاليۋتاسى تەڭگەنىڭ تۋعان كۇنى. بۇل داتا 1997 جىلدىڭ 15 قاراشاسىنان باستاپ تەڭگەنىڭ تۋعان كۇنى ءارى قارجىگەرلەر كۇنى بولىپ اتاپ وتىلۋدە.
-
روماننىڭ نەگىزگى ءتىنى — ءامىر مەن حاسەننىڭ تاعدىرى. باتپىراۋىق قۋىپ جارىسقان ءامىر مەن حاسەننىڭ تاعدىرى دا جەل ۇشىرعان باتپىراۋىقتاي زاماننىڭ الاساپىرانىمەن ءار تاراپتا ءارقيلى جالعاستى.
