InfoHub Logo

ۋاقىتتى ءتيىمدى پايدالانۋ ول ۋاقىتتى باسقارۋمەن پارا-پار. ۋاقىتتى ءتيىمدى پايدالانۋ ۋاقىتتى جوسپارلاۋ جانە ونى ىستە ءتيىمدى پايدالانۋ دەگەن ءسوز، ياعني، تيىمدىلىكتى ارتتىراتىن تەحنولوگيا.

ادەتتە تايم مەنەدجمەنت كەز-كەلگەن جوبانى ازىرلەۋدە قاجەتتىلىك بولىپ تابىلادى، ويتكەنى ول جوبانىڭ اياقتالۋ ۋاقىتى مەن كولەمىن انىقتاۋعا كومەكتەسەدى. ەندى ويلاپ قاراساق كەز-كەلگەن ىس-ارەكەتتى باستان-اياق جوسپارلاپ ونى جۇزەگە اسىرۋدى وسى تەحنولوگيانى پايدالانساق ۇنەمدەلگەن قانشاما ۋاقىت كوپتەگەن يگى ىسكە باستاما بولار ەدى. سەبەبى ادام بالاسى جۇمىستان باس الماعاننان دا ناتيجە بولمايدى ەگەر ول ءوز الدىنا ماقسات قويىپ سول جولدا وزىنە نە قاجەت، نە قاجەت ەمەس ەكەنىن بىلمەسە. ال تايم مەنەدجمەنت ول تەك ۋاقىتتى ۇنەمدەۋگە عانا ەمەس قاي ءىس ماڭىزدى ال قاي ءىس ويدى تەككە بولەتىن بوس ۋاقىت قۇرتۋ ەكەنىن ايشىقتاپ بەرەدى. كوپ ويلاعاننان ەمەس كوپ جوسپارلاپ سوعان كىرىسكەننەن جۇمىس ساپاسى بىلىنەدى.

ال ۋاقىتتى باسقارۋ پرينسيپتەرى ءۇش قۇرامداس بولىكتەن باستاۋ الادى: باسىمدىلىقتىڭ انىقتالۋى، جوسپارلاۋ جانە قۇرىلىمداۋ.

باسىمدىلىق ول تاپسىرما ءۇشىن ونىڭ قانشالىقتى شۇعىل، كۇردەلى جانە ماڭىزدى ەكەنىن انىقتاۋ كەرەك، سودان كەيىن عانا ونى ورىنداۋعا كىرىسۋ كەرەكتىگىن بىلدىرەدى.

ال جوسپارلاۋ ءوز كەزەگىندە تاپسىرمانى ورىنداۋ ءۇشىن ونى قاشان ورىنداۋ كەرەكتىگىن جانە قانشا ۋاقىت قاجەت ەكەنىن تۇسىندىرەدى.

وسى تۇستا قۇرىلىمداۋ ول تاپسىرمانى ورىنداۋ ءۇشىن ونىڭ ورىندالۋ بارىسى مەن ناتيجەلەرىن باقىلاۋ جولىن تۇسىندىرەدى.

ايتىلعان قۇرىلىمنىڭ بارلىعىنان 15 ءتۇرلى ءتاسىلدى ايقىنداپ سونى ءىس جۇزىندە پايدالانۋ ءبىزدى ناتيجەگە جەتكىزەدى. اتالعان 15 ءتۇرلى تاسىلگە تومەندەگىلەر جاتادى:

1. دايىندىق؛

2. ارنايى ۋاقىت ءبولۋ، ۋاقىت ارناۋ؛

3. دەدلاين قويۋ؛

4. ەڭ اۋىر جۇمىستى الدىڭعى كەزەككە قويۋ؛

5. ەڭ جەڭىلدەرىن ءبىرىنشى اياقتاۋ؛

6. كوڭىلىڭ بۇرعان ىستەن باستاۋ؛

7. باسقا ارەكەتتتەردى ەرتەڭگە قالدىرۋ؛

8. ۇلكەن جۇمىستاردى بولشەكتەۋ، جىكتەۋ؛

9. ءبىر ۋاقىتتا كەمىندە ءبىر تاپسىرمانى اياقتاۋ؛

10. بەلگىلەنگەن ۋاقىت ادىستەرى؛

11. ءبىر كۇندە كەمىندە ءۇش-تورت ءىستى قورىتىندىلاۋ؛

12. جۇمىس ناتيجەلىلىگى؛

13. وزىڭە ەسەپ بەرۋ؛

14. ناتيجەلىلىك؛

15. قورىتىندى.

ال ۋاقىتتى ودان ءارى ءتيىمدى ەتۋ ءۇشىن مىناداي قاعيدالارعا جۇگىنسەك بولادى:

1. ءوزىڭىز ۇناتاتىن ىسپەن اينالىسىڭىز.

2. جوسپارىڭىزدىڭ ورىندالۋىن تەزدەتەتىن ىسپەن عانا شۇعىلدانىڭىز.

3. "بۇگىن جانە ءدال ءقازىر قانداي جۇمىستار ماعان پايدا اكەلەدى؟” دەگەن سۇراققا جاۋاپ ىزدەىڭىز.

4. ەگەر ءومىر سۇرۋىڭىزگە از ۋاقىت قالسا نە ىستەيسىز، سونى وي ەلەگىنەن وتكىزىڭىز.

5. جوسپاردىڭ بولۋى ماڭىزدى.

6. باستاعان ءىستى اياقتاعان سوڭ عانا كەلەسى ىسكە كوشۋ كەرەك.

7. ءتىزىمدى باسىمدىلىقپەن سايكەستەندىرىپ جاساۋ.

8. تالداۋ جاساۋ.

9. ەرىنبەۋ.

10. وزىڭىزگە دە كوڭىل بولە وتىرىپ ءوزىڭىزدى ىستەن جالىقتىرىپ الماۋعا ءمان بەرىڭىز.

كوپتەگەن ادامدارعا ۋاقىتتى زايا كەتىرۋ ۇلكەن وكىنىش. سول سەبەپتى دە ۋاقىت بىزگە ەمەس ءبىز ۋاقىتقا تاۋەلدى ەكەنىمىزدى ەسكەرسەك ءبىز ۋاقىتتان وزا دا، ونى قۋىپ جەتە دە المايتىنىمىزدى ەسكەرۋىمىز كەرەك. دەگەنمەن ۋاقىتتى مەڭگەرۋ ارقىلى وزىمىزگە ۇنايتىن ىسكە ءبىر قادام جاقىنداي الاتىنىمىزدى، وعان كوڭىل بولەتىنىمىزدى ەسكەرۋگە ءتيىسپىز. ەندەشە اتا-بابامىز ۋاقىتتىڭ باعاسىن جەتە ءتۇسىنىپ، ونىڭ قادىر-قاسيەتتەرىن ۇرپاقتارىنا ءبىلۋدى وسيەت ەتكەنىن ەسكەرىپ، ءبىز دە ۋاقىتتىڭ قادىرىنە جەتىپ، بار ۋاقىتتى تەككە كەتىرمەي ونى باعالاپ، قادىرىنە جەتىپ، ۋاقىتتىڭ سىرىن ۇعىنايىق.

كوپىرباي شولپان
تۇران ۋنيۆەرسيتەتىنىڭ ستۋدەنتى

وقۋعا كەڭەس بەرەمىز:

جاپوندىق 5S جۇيەسى

مىندەتتەردى قالاي جەڭىلدەتۋگە بولادى؟

كۇندەلىك راسىمدەۋ: اقىل-كەڭەستەر، يدەيالار، ۇلگىلەر

تابىستى ادامدار كەرىسىنشە جاسايتىن 11 ارەكەت

نەگە كوپتەگەن ادامدار ەش ۋاقىتتا جەتتىستىككە جەتە المايدى؟

---