Чехияның Брно қаласында өтіп жатқан көркем гимнастикадан Гран-при кезеңінде қазақстандық гимнаст Ақмарал Ерекешева жүлдегерлер қатарынан көрінді, деп хабарлайды infohub.kz сайты.
Сенбі күні спортшылар жеке көпсайыстағы медальдар жиынтығын сарапқа салды. Төрт бағдарлама бойынша жиынтық ұпай санында Ерекешева 116,500 ұпай жинап, екінші орынға тұрақтап, күміс медальға қол жеткізді.
Барлық пәндерде Қазақстан өкілі екінші нәтижені көрсетті. Оны тек украиналық Таисия Онофрийчук қана басып озды, ол 117,900 ұпай жинады. Қола жүлдені поляк Лилияна Левинская 108,250 ұпаймен иеленді.
Брнодағы Гран-при кезеңі 13 қыркүйек, жексенбі күні аяқталады. Бұл күні жекелеген түрлерден финалдар өтеді, оған іріктеу кезеңіндегі ең үздік сегіз нәтиженің иелері жолдама алды. Ерекешева төрт пәннің барлығында — шеңбер, доп, шығыршық және лентамен — медаль үшін күресетін болады.
Бұған дейін спортшының Азия ойындарына Қазақстан құрамасының өтінім тізіміне енгені белгілі болды. Көркем гимнастикадан жеке бағдарламада ел намысын Айбота Ертайқызы да қорғайды.