«Айдала Мунай» мұнай компаниясының директоры Жания Сандыбай 2025 жылы 1,5 млн теңге көлемінде сыйақы алған, бұл айына шамамен 125 мың теңгені құрайды. Өткен жылы оның табысы сәл жоғары — 1,6 млн теңге болған, деп хабарлайды infohub.kz сайты.
Компанияның есептілігіне сәйкес, 2025 жылы оның шығыны 5,4 млн теңгеге жеткен. «Айдала Мунай» холдингтік құрылым болып табылады және нидерландтық «Кернхем Б.В.» компаниясы арқылы «Ада Ойл» мұнай өндіруші кәсіпорнындағы 25% үлеске ие. Компанияның меншікті операциялық қызметі жоқ.
Өз кезегінде, «Ада Ойл» Ақтөбе облысының Мұғалжар және Темір аудандары аумағында орналасқан «Башенкөл» мұнай-газ кен орнын игеруде.
2025 жылдың соңында «Айдала Мунай» акцияларының 50% Рустам Досановқа, тағы 50% Еркен Джантайлақовқа тиесілі болған. Рустам Досанов — «ҚазТрансОйл» бұрынғы басшысы және Қазақстанның тұңғыш президенті Нұрсұлтан Назарбаевтың кенже қызы Алия Назарбаеваның жұбайы Димаш Досановтың ағасы (қайын ағасы).
2024 жылы бірқатар БАҚ Алия Назарбаева мен Димаш Досановтың ажырасуы туралы хабарлаған, алайда бұл ақпараттың ресми растауы болмаған.