Бесінші қазан Қазақстанның екі ірі қаласында ауа сапасының нашарлауымен есте қалуы мүмкін. Алматы мен Атыраудағы қолайсыз метеорологиялық жағдайлар туралы «Қазгидромет» ескертті, деп хабарлайды infohub.kz сайты.
Синоптиктер нақтылағандай, қолайсыз метеорологиялық жағдайлар (ҚМЖ) Алматыда, ал түнде Атырауда болжанады.
Мұндай жағдайлар тымық ауа райы, әлсіз жел, тұман және температуралық инверсия қосылғанда қалыптасады. Осындай ауа райында ластаушы заттар атмосфераның жерге жақын қабатында жинақталып, ауа сапасының нашарлауына әкелуі мүмкін.
Осындай кезеңдерде денсаулыққа теріс әсер ету қаупі артады, әсіресе созылмалы аурулары бар адамдар үшін. Ластану деңгейіне желдің жылдамдығы, жауын-шашын, ылғалдылық және ауа температурасы да әсер етеді.
Тұрғындарға көшеде, әсіресе автожолдар мен басқа да ластану көздерінің жанында болу уақытын қысқарту ұсынылады. Балалар мен жүкті әйелдерге ұзақ серуендеуден бас тарту кеңес етіледі.
Тыныс алу және жүрек-қан тамырлары ауруларымен ауыратын адамдарға, сондай-ақ аллергиясы барларға қажетті дәрілерді өздерімен бірге алып жүру ұсынылады. Ашық ауадағы дене белсенділігін шектеп, мүмкіндігінше жаттығуларды жабық үй-жайларға көшірген жөн.
Бұған дейін «Курсив» Қазақстанда 6 қазанда тұрақсыз ауа райы сақталатынын жазған болатын. «Қазгидрометтің» болжамынша, елдің басым бөлігінде жаңбыр мен қар жауады, солтүстік-шығыста және оңтүстік-шығыста қатты жауын-шашын күтіледі. Бес облыста түнде үсік соғады.