Алматыда аудандық полиция басқармаларының бірінің ғимаратына жарылғыш зат қойылғаны туралы қоңырау түсіп, төтенше қызметтер дабыл бойынша көтерілді. Бомба туралы ақпарат расталмады, ал күдікті ұсталды, деп хабарлайды infohub.kz сайты.
Дабыл түскен соң ғимаратқа төтенше қызметтердің мамандары дереу келді. Олар үй-жайларды және айналадағы аумақты мұқият тексерді.
Жарылғыш құрылғылар, жарылғыш заттар, оқ-дәрілер және басқа да қауіпті заттар табылған жоқ. Полицейлер сотқа дейінгі тергеп-тексеруді бастап, хабарлама авторын анықтады.
«Сотқа дейінгі тергеп-тексеру барысында біздің бөлімше қызметкерлері хабарлама авторын анықтады. Ол 56 жастағы ер адам болып шықты. Ол іс жүзінде ешқандай жарылғыш құрылғы қоймағанын, ал миналау туралы хабарламаны қасақана жасағанын мойындады. Күдікті ұсталып, уақытша ұстау изоляторына қамалды. Осы факті бойынша қылмыстық іс қозғалды», — деді Алмалы ауданы полиция басқармасының бастығы Мақсат Пшан.
Ер адамның ниеті нақтыланбаған. Қазір ол уақытша ұстау изоляторында отыр.
Полиция әрбір миналау туралы хабарлама нақты қауіп ретінде қаралатынын еске салды. Көрінеу жалған ақпарат қылмыстық жауапкершілікке әкелуі мүмкін.
Бұған дейін «Курсив» астаналықтың пәтерінен есірткі салынған 2 мыңнан астам орама табылғанын жазған болатын.