Астаналық «Барыс» хоккей клубы Санкт-Петербургте өтіп жатқан Николай Пучков мемориалының екінші турында СКА-ВМФ командасынан бұллиттер сериясында 1:2 есебімен жеңіліс тапты. Негізгі уақыт пен овертайм 1:1 есебімен тең аяқталды, деп хабарлайды infohub.kz сайты.
Турнирдің СКА-ға қарсы алғашқы ойынында астаналықтар үшінші кезеңнің соңында Всеволод Логвиннің шайбасы арқылы есепті теңестірген еді – 1:1, алайда бұллиттер сериясында әскерліктер басым түсті – 2:0. Екінші матчте де тарих қайталанды.
28 тамызда өткен екінші тур кездесуі СКА-ВМФ пайдасына 2:1 есебімен аяқталды (бұллиттер 1:0). 29-минутта «Барыс» турнирдегі екінші шайбасын салды: Тайс Томпсон, Дэй Логан және Кирилл Ляпунов гол ұйымдастырды, оны Ляпунов аяқтады. Екінші кезеңнің аяқталуына 13 секунд қалғанда Никита Сураев сандық артықшылықты пайдаланып, есепті теңестірді – 1:1.
Михаил Кравец бастаған «Барыс» бапкерлер штабы бірінші матчтен айырмашылығы, ВХЛ командасымен ойынға легионерлердің көп бөлігін қоспады. Хантер Шепардтың орнына қақпаны Андрей Шутов қорғады. Қазақстандықтар тырысты, бірақ матч қайтадан овертаймға, содан кейін бұллиттер сериясына өтті, онда Шутовты Владислав Нурек ауыстырды.
Алайда сәттілік астаналықтардан тағы да бас тартты: Батырлан Мұратов, Асанали Саркенов және Тайс Томпсон қожайындардың қақпашысы Денис Поповты ала алмады. Ал Максим Казаков Нуректің қақпасына шайба салды. Нәтиже – СКА-ВМФ пайдасына 2:1.
Бүгін кешке СКА бірінші турда СКА-ВМФ-ті 2:1 есебімен ұтқан «Адмиралмен» ойнайды. Жеңімпаздар мен жүлдегерлер ертең «Барыс» – «Адмирал» және СКА – СКА-ВМФ матчтарынан кейін анықталады.
Дәстүрлі маусым алдындағы турнир Санкт-Петербургтік СКА, Мәскеу ӘӘМ, ЦСКА, «Динамо» және КСРО құрамасының аты аңызға айналған қақпашысы, 1956 жылғы Олимпиада чемпионы Николай Пучковтың есіміне арналған. Мемориал 2014 жылы қайта жандандырылды, ал бұған дейін 1999-2008 жылдары өткізілген. Түрлі уақытта турнирге Мәскеудің «Динамосы», Қазанның «Ак Барсы», Череповецтің «Северсталі», Новосібірдің «Сібірі» және басқа да клубтар қатысқан. Турнир тарихында қожайындар сегіз рет жеңіске жеткен, финдік «Йокерит» – екі рет, Омбының «Авангарды» мен Екатеринбургтің «Автомобилисі» бір-бір рет жеңген.