Бішкекте 30 тамыз таңертең «Мадина» базарында ірі өрт болды. От шамамен 400 шаршы метр аумақты шарпыды, деп хабарлайды infohub.kz сайты.
Қырғызстан ТЖМ дерегінше, өртті сөндіруге қаланың барлық өрт сөндіру машиналары жұмылдырылды. Жағдайды бағалау және құтқарушылардың іс-қимылын үйлестіру үшін дрон қолданылды. Сондай-ақ оқиға орнына «Тазалық» муниципалдық кәсіпорнының үш су таситын машинасы мен жедел жәрдемнің үш бригадасы жіберілді.
Бішкек Басқармасының алдын ала деректері бойынша, өрттің себебі электр сымдарының тұйықталуы болуы мүмкін. От контейнерлердің бірінде шығып, сауда павильондарына тез таралған. Милиция зардап шеккендердің жоқ екенін хабарлады. Базар үш күнге жабылғандықтан, сатушылар мәжбүрлі демалыста болған, сондықтан өрт кезінде базар жұмыс істемеген.
Қазір өрт оқшауланған. Құтқарушылар қалған ошақтарға жету үшін жабық контейнерлерді ашуды жалғастыруда. Орнында он өрт сөндіру есебі, үш су таситын машина және үш жедел жәрдем бригадасы жұмыс істеп жатыр.