Америкалық боксшы Энди Руис-кіші АҚШ-тағы турнирде поляк Дэмиан Кныбадан ұпаймен жеңіліп қалды, деп хабарлайды infohub.kz.
Ауыр салмақтағы (90,7 кг-нан жоғары) жекпе-жек Ньюарктағы шоудың басты оқиғасы болып, барлық 12 раундқа созылды. Жетінші раундта Кныба қарсыласын нокдаунға жіберді, алайда Руис жекпе-жекті жалғастыра алды.
Нәтижесінде поляк төрешілердің бірауыздан шешімімен жеңіске жетті — 114:113, 117:110, 114:113. Осылайша, Кныба қаңтарда неміс Агит Кабайелден жеңілген мансабындағы алғашқы жеңілісін жуып шықты. 30 жастағы спортшының еншісінде қазір 18 жеңіс (11 — нокаутпен).
Руис-кіші үшін бұл жекпе-жек екі жылдағы алғашқысы болды және ол кәсіби рингте үшінші рет жеңілді. Бұған дейін ол жаңа зеландиялық Джозеф Паркер мен британдық Энтони Джошуадан ұпаймен ұтылған еді.
36 жастағы америкалықтың активінде 35 жеңіс (22 — нокаутпен) және бір тең ойын қалды. 2019 жылы ол WBA, IBF, WBO және IBO нұсқалары бойынша әлем чемпионы атанған.