Қазақстанның спорттық гимнастика құрамасы Жапонияда өткен 2026 жылғы жазғы Азия ойындарында ерлер арасындағы жеке көпсайыста өнер көрсетуін аяқтады. Спортшылар жүлдеге қол жеткізе алмады, деп хабарлайды infohub.kz сайты.
Жарыс 21 қыркүйекте Нагояда өтті. Қазақстандық Нұртан Идрисов алты снарядтағы қорытындысы бойынша 76,965 ұпай жинап, тоғызыншы орынға тұрақтады.
Идрисов ең үздік нәтижесін тіреп секіруде көрсетті — төрешілер оны 13,866 ұпайға бағалады. Сақинадағы жаттығу үшін спортшы 13,266 ұпай, қатарлас қос тіректе 13,300 ұпай алды.
Қазақстанның тағы бір өкілі Ілияс Азизов 74,999 ұпаймен 13-орынды иеленді. Милад Кәрими алты снарядтың барлығында өнер көрсетуді аяқтай алмай, көпсайыста қорытынды нәтижесіз қалды.
Жеке көпсайыста медаль болмағанына қарамастан, қазақстандық гимнасттар Азия ойындарындағы күресін жалғастырады. Спортшыларды алда жекелеген түрлер бойынша финалдар күтіп тұр. Онда алты снарядтың әрқайсысында — еркін жаттығуда, ат үстінде, сақинада, тіреп секіруде, қатарлас қос тіректе және турникте — жүлделер сарапқа салынады.