Қазақстандық теннисшілер Андрей Голубев пен Александр Недовесов 2026 жылғы АҚШ ашық чемпионатындағы өнерін аяқтады, деп хабарлайды infohub.kz сайты.
Спортшылар жұптық сында өнер көрсетті. Бірінші айналымда олардың қарсыластары чех Адам Павлашек пен Патрик Рикль болды.
Матч небәрі екі сетке созылып, қазақстандық жұп 5:7, 3:6 есебімен жеңіліп қалды.
Теннисшілер кортта 1 сағат 20 минут өткізді. Осы уақыт ішінде Голубев пен Недовесов бір эйс жасады, алты қос қателік жіберді және екі брейк-пойнттың бірін іске асырды.
Олардың шығып қалуынан кейін US Open ерлер жұптық сынында қазақстандықтардан тек Александр Бублик қалды. Ол қытайлық Цзюнчэн Шанмен бірге екінші айналымға шықты. Әйелдер жұптық торында қазақстандық Анна Данилина сербиялық Александра Круничпен бірге ойнайды.
US Open — маусымдағы Үлкен дулығаның қорытынды турнирі. Ол Нью-Йоркте қатты кортта өтеді.