Алматылық «Қайрат» Қазақстан Премьер-лигасының 24-турының қорытынды матчында қонақта «Елімайды» 2:0 есебімен жеңді. Қазіргі чемпион кездесу тағдырын бірінші таймның ортасында екі голмен шешті, деп хабарлайды infohub.kz.
32-минутта испаниялық шабуылшы Марк Гуаль есеп ашты. Небәрі үш минуттан кейін португалиялық қорғаушы Луиш Мата қонақтардың басымдығын екі есе арттырды. Матч соңына дейін «Елімай» есе айырмасын қысқарта алмады – 0:2.
Бұл жеңіс «Қайратқа» 51 ұпай жинап, көш бастап тұрған «Ордабасыдан» қалған айырманы төрт ұпайға дейін қысқартуға мүмкіндік берді. Алматылықтар 22 матч өткізсе, шымкенттіктер 23 ойында. «Елімай» 32 ұпаймен алтыншы орында қалды.
«Қайрат» үшін бұл еурокубок іріктеуі аяқталғаннан кейінгі алғашқы ойын болды. 27 тамызда алматылықтар Еуропа лигасының плей-офф кезеңіндегі жауапты матчта «Андерлехттен» 0:3 есебімен ұтылып, турнирден шығып қалған еді. Енді Рафаэль Уразбахтин шәкірттері Конференциялар лигасының негізгі кезеңінде өнер көрсетеді.