Синоптиктер Қазақстанда алдағы күндері ауа райы тұрақсыз болатынын ескертті — 6-8 қазан аралығында бірқатар өңірде жаңбыр, көбік қар және көктайғақ құбылыстары күтіледі, деп хабарлайды infohub.kz сайты.
NUR.KZ агенттігінің «Қазгидрометке» сілтеме жасап хабарлауынша, осы кезеңде атмосфералық фронтальді бөліктердің әсерінен ел аумағының басым бөлігінде ауа райының тұрақсыз сипаты сақталады. Жаңбыр жауады, ал республиканың солтүстік-батысында, солтүстігінде және шығысында жауын-шашын жаңбыр мен көбік қар түрінде болады. Сонымен қатар көктайғақ құбылыстары мен төменгі деңгейдегі бұрқасындар күтіледі.
Республика бойынша жел күшейеді, түнде және таңертең тұман түседі.
Ауа температурасына келетін болсақ, елдің батысында түнде +2-ден +12 градусқа дейін, күндіз +17-ден +22 градусқа дейін болады. Солтүстік-батыста және солтүстікте түнде температура -1...-6-дан +3...+13 градусқа дейін ауытқиды, күндіз 0...+5-тен +5...+20 градусқа дейін.
Шығыста және орталықта түнгі температураның негізгі фоны 0...+7 градус, күндіз +2...+15 градус болады.
Оңтүстікте және оңтүстік-шығыста температура жоғарылайды: түнде +2...+8-ден +5...+10 градусқа дейін, таулы аудандарда -1...-3-тен 0...+5 градусқа дейін үсік жүреді. Күндіз термометр бағаны +12...+17-ден +17...+22 градусқа дейін, таулы аудандарда +4...+9-дан +9...+14 градусқа дейін көтеріледі.