Душанбеде өткен ACA 209 турнирінде қазақстандық аралас жекпе-жек шебері Куат Хамитов ресейлік Алексей Махноны мерзімінен бұрын жеңді, деп хабарлайды infohub.kz сайты.
Жекпе-жек жартылай орта салмақта үш раундқа жоспарланған еді. Кездесу алдында Хамитовтың есебінде 28 жеңіс, сегіз жеңіліс және екі тең ойын болса, Махно 29-17 көрсеткішімен келген.
Алайда жекпе-жек белгіленген қашықтықтың соңына дейін жалғаспады. Екінші раундта қазақстандық спортшы жекпе-жекті мерзімінен бұрын аяқтап, техникалық нокаутпен жеңіске жетті.
Осылайша, 37 жастағы Хамитов кәсіби мансабындағы 29-шы жеңісін есебіне жазды және жеңісті сериясын үш жекпе-жекке жалғастырды.
Қазақстандық файтер соңғы рет 2024 жылдың 11 мамырында жеңіліс тапқан еді — ол кезде танымал ресейлік боец Александр Шлеменкоға жол берген.
Алексей Махно үшін бұл жеңіліс кәсіби мансабындағы 18-ші болды. Ресейлік спортшы қатарынан төртінші жекпе-жегінде ұтылды, ал оның рекорды енді 29 жеңіс пен 18 жеңілістен тұрады.