Синоптиктер алдағы демалыс күндері, 25-27 шілдеде Қазақстанның басым бөлігіне ыстық қайта оралатынын болжап отыр. Атлантикалық циклон найзағайлы жаңбыр, ал шығыста қатты жауын-шашын, бұршақ және екпінді жел әкеледі деп күтілуде. Тек елдің батысы мен солтүстік-батысында ғана жауын-шашын болмайды, деп хабарлайды infohub.kz.
Ираннан ыстық ауа массаларының келуіне байланысты аумақтың басым бөлігінде қайтадан ыстық орнайды. Күндізгі температура: батыс пен солтүстік-батыста +38…+43°C, солтүстікте +30…+35°C, орталықта +28…+39°C, оңтүстікте +36…+41°C, оңтүстік-шығыста +29…+37°C шамасында болады. Солтүстік-шығыс пен шығыста термометрлер +23…+32°C көрсетеді.