Португалия құрамасының жартылай қорғаушысы Рафаэль Леау Криштиану Роналдудың ұлттық командадан жанжалмен кетуіне қатысты пікір білдірді, деп хабарлайды infohub.kz сайты.
Ұлттар лигасының 3-турында Данияға қарсы матчта португалиялықтар 4:2 есебімен жеңіске жеткен соң, Леау Роналду төңірегіндегі жағдайға тоқталды. «Бұл — бізге қатысы жоқ тақырып. Біз тағы да команда екенімізді көрсеттік. Криштиану Роналду үйде отырып, осы жеңіске қуанып жатқанына сенімдімін. Мен онымен жақсы араласамын және оның қандай адам екенін білемін, сондықтан айта аламын: ең бастысы — команда. Біз тағы үш ұпай жинадық, топта көш бастап тұрмыз, енді демалып, жексенбідегі Норвегиямен матчқа дайындалу керек», — деп келтіреді Леаудың сөзін «Чемпионат».
Бұған дейін Роналдуға тиесілі болған Португалия құрамасындағы жетінші нөмір енді Леауға бекітілгені хабарланған.
Еске салайық, Криштиану Роналду Ұлттар лигасындағы матчта бапкер оны алаңға шығармаған соң, құраманың жаттығуына қатыспады. Кейін ол команда орналасқан жерден кету туралы шешім қабылдағанын мәлімдеді. Кейінірек Португалия футбол федерациясы Роналдудың өз бетінше кетуі немен аяқталуы мүмкін екенін айтты: оған дисквалификация мен айыппұл қаупі төніп тұр.