Ресейлік тележүргізуші Лера Кудрявцева Олег Газманов бастаған спорттық челленджді ерекше тәсілмен қолдап, infohub.kz сайтына хабарлады.
Еске салайық, жақында Ресейдің халық әртісі Олег Газманов 75 жасқа толды. Осыған орай әнші өзінің 75 рет отжимание жасаған бейнежазбасын жариялап, әріптестері мен жазылушыларын да солай істеуге шақырды. Алғашқылардың бірі болып Сергей Лазарев үн қатып, 43 рет отжимание жасады.
Қазір демалыста жүрген Лера Кудрявцева тапсырманы өзінше түсіндіруді жөн көрді. Ол физикалық жаттығудың орнына гастрономиялық тәсілді ұсынды. «Мен Олег Газманов пен Сергей Лазаревтің челленджін қабылдаймын. Жасың қанша болса, сонша картоп же. Содан кейін сонша минут жат», — деп жазды тележүргізуші әлеуметтік желідегі парақшасында.
Әзіл назардан тыс қалмады. Олег Газманов әзілмен жауап берді: «Ех... Лера, Лерочка!» — деп, күліп тұрған смайлик қосты. Әнші Стас Пьеха да бұл креативті жоғары бағалады: «Сен халықты осылай ұзақ өмір сүруге ынталандырасың ба?!» Кудрявцеваның жазылушылары мұндай тәсілге тәнті болды. Пікірлерде олар: «Мына челлендж маған көбірек ұнайды және сай келеді», «Интернетте кездестірген ең үздік челлендж, мен де қатысқым келіп кетті», «Бұл өте күлкілі» деп жазады.
Бұған дейін Лера Кудрявцева Франциядағы демалысынан атмосфералық фотосуреттермен бөліскен еді.