АҚШ-тың Флорида штатындағы Тампа қаласында өткен PFL турнирінде аралас жекпе-жек әуесқойларының назарын аударған оқиға болды. Ресейлік файтер, UFC чемпионы Ислам Махачев отандасы Магомед Магомедовтің жекпе-жегін мерзімінен бұрын тоқтатуға мәжбүр болды, деп хабарлайды infohub.kz.
Магомедов жеңіл салмақта (61,2 келіге дейін) перулық Даниэль Маркосқа қарсы шықты. Үш раундқа жоспарланған жекпе-жек екінші раундта аяқталды, себебі Магомедов иығы шығып кетті. Үзілісте секундант болған Махачев оның буынын салуға тырысты, бірақ көмектеспеді. Магомедов үшінші раундқа шыққанымен, 11 секундтан кейін Махачев орамалды лақтырып, жекпе-жекті тоқтатты.
Осылайша, 34 жастағы ресейлік мансабындағы алтыншы жеңілісін көрді, ал 22 жеңісі бар. Маркос үшін бұл қатарынан екінші жеңіс болды. Жалпы кәсіби ММА-да 33 жастағы перулық 19 жеңіске жетіп, бір рет жеңіліп, бір жекпе-жегі нәтижесіз аяқталған.
Сол турнирде Махачев пен Хабиб Нұрмагомедовтің тағы бір шәкірті Гаджи Рабаданов керісінше нокаутпен жеңіске жетіп, сәтті өнер көрсетті.