MLS 2026 маусымының тұрақты чемпионатында «Интер Майами» мен «Сан-Диего» арасындағы Майамидегі «Nu Stadium» стадионында өткен матч 2:2 есебімен тең аяқталды, деп хабарлайды infohub.kz сайты.
Алаң иелері сапында Аргентинаның шабуылшысы әрі команда капитаны Лионель Месси 24-минутта гол соқты, ал Уругвай форварды Луис Суарес 74-минутта қақпаны дәл көздеді. Қонақтар құрамында Дания вингері Андерс Дрейер дубль жасады — ол 12 және 82-минуттарда ерекшеленді.
Тең ойын «Интер Майамиге» 46 ұпай әкелді. MLS-тің қазіргі чемпиондары Шығыс конференциясында қосымша көрсеткіштер бойынша «Нью-Инглэнд Революшнге» жол беріп, үшінші орында тұр. Кестеде 57 ұпай жинаған «Нэшвилл» көш бастап тұр. Ал «Сан-Диего» 31 ұпаймен Батыс конференциясының алғашқы ондығын түйықтайды.
Месси 20 голмен мергендер жарысында көш бастап тұр. Ол MLS тарихында үш маусымда кемінде 20 доп соққан екінші ойыншы атанды. Бұған дейін мұны Габон жартылай қорғаушысы Дени Буанга (2023–2025) бағындырған. Алайда 39 жастағы аргентиналық лига тарихында алғашқы болып үш маусым қатарынан кемінде 20 гол соғып, кемінде 10 нәтижелі пас берді.